ಟ್ರಯಂಫ್ ಸ್ಟ್ರೀಟ್ ಟ್ರಿಪಲ್ ಆರ್‌ಎಸ್ ಬಿಡುಗಡೆ

ಹೊಸದಿಲ್ಲಿ: ಈ ದೀಪಾವಳಿ ಹಬ್ಬದ ಶುಭ ಸಂದರ್ಭದಲ್ಲಿ ಬ್ರಿಟನ್ ಮೂಲದ ಐಕಾನಿಕ್ ದ್ವಿಚಕ್ರ ವಾಹನ ನಿರ್ಮಾಣ ಸಂಸ್ಥೆ ಟ್ರಯಂಫ್ ಮೋಟಾರ್‌ಸೈಕಲ್ಸ್ ಇಂಡಿಯಾ, ದೇಶದಲ್ಲಿ ಅತಿ ನೂತನ ಸ್ಟ್ರೀಟ್ ಟ್ರಿಪಲ್ ಆರ್‌ಎಸ್ ಬಿಡುಗಡೆಗೊಳಿಸಿದೆ.

ಬೆಲೆ: 10.55 ಲಕ್ಷ ರೂ. (ಎಕ್ಸ್ ಶೋ ರೂಂ)

ಕೆಲವು ತಿಂಗಳುಗಳ ಹಿಂದೆಯಷ್ಟೇ ದೇಶಕ್ಕೆ ಎಂಟ್ರಿ ಕೊಟ್ಟಿರುವ ನ್ಯೂ ಜನರೇಷನ್ ಸ್ಟ್ರೀಟ್ ಟ್ರಿಪಲ್ ಎಸ್ ಮಾದರಿಯ ಎರಡನೇ ವೆರಿಯಂಟ್ ಇದಾಗಿದೆ.

ಈ ಪ್ರೀಮಿಯಂ ಮೋಟಾರ್‌ಸೈಕಲ್ ಈಗಿರುವ ಎಸ್ ಮಾದರಿಗೆ ಬಹುತೇಕ ವಿನ್ಯಾಸ ಸಾಮ್ಯತೆಯನ್ನು ಪಡೆದಿದೆ. ಆದರೆ ನೂತನ ಆರ್‌ಎಸ್ ಮಾದರಿಯು ಕ್ರೀಡಾತ್ಮಕ ಮಿರರ್ ಮತ್ತು ಹಿಂಬದಿ ಸೀಟು ಕೌಲ್ ಪಡೆದಿದೆ. ಬೆಳ್ಳಿ ಮತ್ತು ಕಪ್ಪು ಬಣ್ಣದ ಆಯ್ಕೆಯೂ ತಾಜಾತನವನ್ನು ತುಂಬಲಿದೆ.

765 ಸಿಸಿ ಇನ್ ಲೈನ್ ತ್ರಿ ಎಂಜಿನ್‌ನಿಂದ ನಿಯಂತ್ರಿಸಲ್ಪಡುವ ನೂತನ ಟ್ರಯಂಫ್ ಸ್ಟ್ರೀಟ್ ಟ್ರಿಪಲ್ ಆರ್‌ಎಸ್ ಮಾದರಿಯು 77ಎನ್‌ಎಂ ತಿರುಗುಬಲದಲ್ಲಿ (10,800rpm) 123 ಅಶ್ವಶಕ್ತಿ 11,700rpm ಉತ್ಪಾದಿಸಲಿದೆ. ಇದು ಎಸ್ ಮಾದರಿಗಿಂತಲೂ 10 ಪಿಎಸ್ ಮತ್ತು 4ಎನ್‌ಎಂ ಜಾಸ್ತಿ ಶಕ್ತಿಯನ್ನು ಉತ್ಪಾದಿಸುತ್ತದೆ.

ಗೇರ್ ಬಾಕ್ಸ್: 6 ಸ್ಪೀಡ್, ಬೈ-ಡೈರಕ್ಚನಲ್ ಕ್ವಿಕ್ಸ್‌ಶಿಫ್ಟರ್
ಐದು ಚಾಲನಾ ವಿಧಗಳು: ರೈನ್, ಸ್ಪೋರ್ಟ್, ರೇಸ್, ರೈಡರ್ ಮತ್ತು ಟ್ರ್ಯಾಕ್
ನಾಲ್ಕು ಹಂತದ ಟ್ರ್ಯಾಕ್ಷನ್ ಕಂಟ್ರೋಲ್: ರೋಡ್, ರೈನ್, ಟ್ರ್ಯಾಕ್ ಮತ್ತು ಆಫ್.

ರೈಡ್-ಬೈ-ವೈರ್ ಹಾಗೂ ಮೂರು ಹಂತಗಳಲ್ಲಿ ಕಸ್ಟಮೈಸ್ (ರೋಡ್, ಟ್ರ್ಯಾಕ್ ಮತ್ತು ಆಫ್) ಮಾಡಬಲ್ಲ ಆ್ಯಂಟಿ ಲಾಂಕ್ ಬ್ರೇಕಿಂಗ್ ವ್ಯವಸ್ಥೆಯು (ಎಬಿಎಸ್) ಇರುತ್ತದೆ.

ಶ್ರೇಷ್ಠ ಗುಣಮಟ್ಟದ ಹೊಂದಾಣಿಸಬಹುದಾದ ಸಸ್ಪೆನ್ಷನ್ ವ್ಯವಸ್ಥೆಯನ್ನು ಜೋಡಣೆ ಮಾಡಲಾಗಿದೆ. ಮುಂಭಾಗದಲ್ಲಿ ಶೋವಾ ಯುಎಸ್‌ಡಿ ಬಿಗ್ ಪಿಸ್ತಾನ್ ಫಾರ್ಕ್ ಮತ್ತು ಹಿಂದುಗಡೆ ಓಹ್ಲಿನ್ ಎಸ್‌ಟಿಎಕ್ಸ್40 ಮೊನೊಶಾಕ್ ಇರಲಿದೆ.

ಬ್ರೇಕಿಂಗ್ ಜವಾಬ್ದಾರಿಯನ್ನು ಬ್ರೆಂಬೊ ಬೇಕ್ಸ್ ನೋಡಿಕೊಳ್ಳಲಿದೆ. 166 ಕೆ.ಜಿ ತೂಕದ ಮೋಟಾರ್‌ಸೈಕಲ್ ಹಳೆಯಕ್ಕಿಂತಲೂ 2 ಕೆ.ಜಿ ಹಗುರ ಭಾರ ಎನಿಸಿಕೊಂಡಿದೆ. ಇನ್ನು ಪೈರೆಲ್ಲಿ ಡಯಾಬ್ಲೊ ಸೂಪರ್ ಕೋರ್ಸಾ ಎಸ್‌ಪಿ ಚಕ್ರಗಳು ಗರಿಷ್ಠ ನಿರ್ವಹಣೆ ಹಾಗೂ ಸ್ಥಿರತೆಯನ್ನು ಕಾಪಾಡಿಕೊಳ್ಳಲಿದೆ.

ಇನ್ನುಳಿದಂತೆ ಸಂಪೂರ್ಣ ಡಿಜಿಟಲ್ ಇನ್ಸ್ಟ್ರುಮೆಂಟ್ ಕ್ಲಸ್ಟರ್, ಐದು ಇಂಚುಗಳ ಟಿಎಫ್‌ಟಿ ಸ್ಕ್ರೀನ್, ಎಲ್‌ಇಡಿ ಡೇಟೈಮ್ ರನ್ನಿಂಗ್ಸ್ ಲೈಟ್ಸ್, ಪರಿಷ್ಕೃತ ಇಂಧನ ಟ್ಯಾಂಕ್ ಪ್ರಮುಖ ಆಕರ್ಷಣೆಯಾಗಲಿದೆ.

ಪ್ರತಿಸ್ಪರ್ಧಿಗಳು:
ಎಂವಿ ಆಗಸ್ಟಾ ಬ್ರುಟಲ್ 800,
ಡುಕಾಟಿ ಮೊನ್‌ಸ್ಟರ್ 821,
ಯಮಹಾ ಎಂಟಿ-09,
ಎಪ್ರಿಲಿಯಾ ಶೈವರ್ 900