ಲಗ್ಗೆ ಇಡಲಿವೆ ನಿಸಾನ್‌ ಎಲೆಕ್ಟ್ರಿಕ್‌ ಕಾರ್

ಹೊಸದಿಲ್ಲಿ: ವಿದ್ಯುತ್ ಚಾಲಿತ ಕಾರ್‌ಗಳನ್ನು ಭಾರತದ ಮಾರುಕಟ್ಟೆಗೆ ಪರಿಚಯಿಸಲು ನಿಸ್ಸಾನ್ ಕಾರು ತಯಾರಿಕಾ ಸಂಸ್ಥೆ ನಿರ್ಧರಿಸಿದೆ.

ಎಸ್‌ಯುವಿ ಹಾಗೂ ಹ್ಯಾಚ್‌ಬ್ಯಾಕ್ ಮಾದರಿಯ ಕಾರುಗಳು ದಾಖಲೆ ಪ್ರಮಾಣದಲ್ಲಿ ಮಾರಾಟವಾಗುತ್ತಿದ್ದರೂ, ಭಾರತದ ಮಾರುಕಟ್ಟೆಗೆ ವಿದ್ಯುತ್ ಚಾಲಿತ ಕಾರ್‌ಗಳನ್ನು ಪರಿಚಯಿಸಲು ಯಾವುದೇ ವಾಹನ ತಯಾರಕರು ಮುಂದಾಗಿರಲಿಲ್ಲ.

ವಿದ್ಯುತ್ ಚಾಲಿತ ಕಾರ್‌ಗಳ ಕುರಿತು ಅಧ್ಯಯನ ನಡೆಸಲು ಜಪಾನ್ ಮೂಲದ ಕಾರು ತಯಾರಿಕಾ ಸಂಸ್ಥೆ ನಿಸ್ಸಾನ್, ಸರಕಾರಿ ಸಂಸ್ಥೆ ಹಾಗೂ ಖಾಸಗಿ ವಲಯದ ಕಂಪನಿಗಳ ಜತೆ ಕೈ ಜೋಡಿಸಲಿದೆ ಎಂದು ಮಾಧ್ಯಮ ವರದಿಗಳು ತಿಳಿಸುತ್ತಿವೆ.

ನಿಸ್ಸಾನ್ ಸಂಸ್ಥೆಯ ಅತ್ಯಂತ ಯಶಸ್ವಿ ಮಾದರಿ ಎದೇ ಖ್ಯಾತಿ ಪಡೆದಿರುವ ಲೀಫ್ ಕಾರುಗಳು, ವಿಶೇಷವಾಗಿ ಜಪಾನ್ ಹಾಗೂ ಅಮೆರಿಕ ಮಾರುಕಟ್ಟೆಯಲ್ಲಿ ತನ್ನದೇ ಆದ ಚಾಪು ಮೂಡಿಸಿವೆ.

ಐದು ಬಾಗಿಲಿನ ಹ್ಯಾಚ್‌ಬ್ಯಾಕ್ ಕಾರುಗಳು ಒಂದೇ ಚಾರ್ಚಿನಲ್ಲಿ 170 ಮೈಲಿ (170ಕಿ.ಮೀ) ದೂರ ಕ್ರಮಿಸಿದರೇ, ಇತರ ಮಾದರಿಯ ಕಾರುಗಳು 155 ಮೈಲಿ (250ಕಿ.ಮೀ.) ದೂರ ಕ್ರಮಿಸುವ ಸಾಮರ್ಥ್ಯ ಹೊಂದಿರುವುದು ವಿಶೇಷವಾಗಿದೆ. ವಿದ್ಯುತ್ ಚಾಲಿತ ಕಾರುಗಳನ್ನು ಮನೆಯಲ್ಲಿಯೇ ರಿಚಾರ್ಚ್ ಮಾಡಬಹುದು.