Ola Nano: ಓಲಾದಿಂದ ಎಲೆಕ್ಟ್ರಿಕ್ ನ್ಯಾನೊ

ದೇಶದಲ್ಲಿ ಎಲೆಕ್ಟ್ರಿಕ್ ವಾಹನ ಬಳಕೆಗೆ ಹೆಚ್ಚು ಉತ್ತೇಜನ ನೀಡಲು ಓಲಾ ನಿರ್ಧರಿಸಿದ್ದು, ಟಾಟಾ ಮೋಟಾರ್ಸ್ ಸಹಯೋಗದಲ್ಲಿ ಎಲೆಕ್ಟ್ರಿಕ್ ನ್ಯಾನೋಗಳನ್ನು ರಸ್ತೆಗಿಳಿಸಲಿದೆ.

ಓಲಾ ಎಲೆಕ್ಟ್ರಿಕ್ ಟಾಟಾ ಫೈನಾನ್ಸ್‌ನಿಂದ 40 ಕೋಟಿ ರೂ. ಪಡೆದು, ಅದರ ಮೂಲಕ ಸುಮಾರು 1000 ಎಲೆಕ್ಟ್ರಿಕ್ ನ್ಯಾನೋಗಳನ್ನು ಖರೀದಿ ಮಾಡುವ ಯೋಜನೆ ಹೊಂದಿದೆ.

ಮಾಲಿನ್ಯ ತಡೆಯುವ ಮತ್ತು ಕಡಿಮೆ ವೆಚ್ಚದಲ್ಲಿ ಟ್ಯಾಕ್ಸಿ ಸೇವೆ ಒದಗಿಸಲು ಓಲಾ ದೇಶದಲ್ಲಿ ಎಲೆಕ್ಟ್ರಿಕ್ ನ್ಯಾನೋ ಮೊರೆ ಹೋಗಲಿದೆ. ಎಲೆಕ್ಟ್ರಿಕ್ ಕಾರು ಆಗಿರುವುದರಿಂದ ನ್ಯಾನೋ ಬೆಲೆ ಸಹಜವಾಗಿಯೇ ತುಸು ಜಾಸ್ತಿಯಾಗಲಿದೆ.

ಎಲೆಕ್ಟ್ರಿಕ್ ನ್ಯಾನೋ 48V ಎಲೆಕ್ಟ್ರಿಕ್ ಮೋಟಾರ್ ಹೊಂದಿದ್ದು, ಒಂದು ಬಾರಿ ಬ್ಯಾಟರಿ ಫುಲ್ ಚಾರ್ಜ್ ಆದರೆ, 200 ಕಿಮೀ. ಚಲಿಸಲಿದೆ.