ಉತ್ಪಾದನೆಗೆ ಮೊದಲೆ Tesla ಅಬ್ಬರ

ಇಲೆಕ್ಟ್ರಿಕ್‌ ಕಾರು ಕ್ಷೇತ್ರದಲ್ಲಿ ಅಮೆರಿಕದ ತೆಸ್ಲಾ ಭಾರೀ ಸದ್ದು ಮಾಡುತ್ತಿದೆ. ಮಾರುಕಟ್ಟೆಗೆ ಬರಲು ಇನ್ನೂ ಒಂದು ವರ್ಷ ಅವ-ಯಿದ್ದರೂ ಬುಕ್ಕಿಂಗ್‌ ಆರಂಭವಾದ 36 ಗಂಟೆಯೊಳಗೆ ಎರಡು ಲಕ್ಷದ 76 ಸಾವಿರ ಗ್ರಾಹಕರನ್ನು ಆಕರ್ಷಿಸಿದೆ.

ತೆಸ್ಲಾ 3 ಮಾದರಿಯ ಕಾರು ಇನ್ನೂ ಸಿದ್ಧವಾಗಿಲ್ಲ. ಅದರ ಮಾದರಿ ಮಾತ್ರವೇ ಸಿದ್ಧವಾಗಿದೆ. ಉತ್ಪಾದನೆಗೆ ಇನ್ನೂ 18 ತಿಂಗಳುಗಳೇ ಬೇಕಾಗಿದ್ದರೂ ತೆಸ್ಲಾ-3 ಗ್ರಾಹಕರನ್ನು ಅತಿ ದೊಡ್ಡ ಸಂಖ್ಯೆಯಲ್ಲಿ ಆಕರ್ಷಿಸುತ್ತಿದೆ. ಕೇವಲ 36 ಗಂಟೆಯೊಳಗೆ ಭಾರತದಿಂದ ಸೇರಿದಂತೆ 2 ಲಕ್ಷದ 76 ಸಾವಿರ ಕಾರು ಬುಕ್ಕಿಂಗ್‌ ಆಗಿದೆ ಎಂದು ಕಂಪನಿ ತಿಳಿಸಿದೆ. ಭಾರತದಲ್ಲಿ ಇದರ ಬುಕ್ಕಿಂಗ್‌ ಚಾಜ್‌ರ್‍ ಸುಮಾರು 66,000 (1,000 ಡಾಲರ್‌)ರೂ.ಗಳು.

ಒಂದು ಬಾರಿ ಚಾಜ್‌ರ್‍ ಮಾಡಿದರೆ 344 ಕಿ.ಮೀ. ಓಡುವ ಸಾಮರ್ಥ್ಯವನ್ನು ಇದು ಹೊಂದಿದೆ. ಆರು ಸೆಕೆಂಡುಗಳಲ್ಲಿ ಶೂನ್ಯದಿಂದ 60 ಕಿ.ಮೀ. ವೇಗವನ್ನು ಇದು ಪಡೆದುಕೊಳ್ಳುತ್ತದೆ. ಸದ್ಯದ ಮಟ್ಟಿಗೆ 35,000 ಡಾಲರ್‌ ಬೆಲೆ ನಿಗದಿ ಮಾಡಲಾಗಿದ್ದು, ಉತ್ಪಾದನೆಯ ಬಳಿಕ 42 ಸಾವಿರ ಡಾಲರ್‌ ಆಗುವ ನಿರೀಕ್ಷೆಯಿದೆ. ಐವರು ಆರಾಮವಾಗಿ ಕುಳಿತುಕೊಳ್ಳುವಷ್ಟು ವಿಶಾಲವಾಗಿರುವ ಈ ಸೆಡಾನ್‌, ಈ ಮೂಲಕ ಇಲೆಕ್ಟ್ರಿಕ್‌ ಕಾರು ಕ್ಷೇತ್ರದಲ್ಲಿ ಹೊಸ ಇತಿಹಾಸ ನಿರ್ಮಿಸಿದೆ.

ಕಂಪನಿಯ ಕಾರಿನ ಪೂರ್ಣ ವಿವರ ನೀಡಿಲ್ಲ. ಆದರೆ ಎಂಟು ಬ್ಯಾಟರಿಗಳು ಇದರಲ್ಲಿವೆ ಎಂದು ಹೇಳಲಾಗಿದೆ. ಇವು ಅದರ ಹಳೆಯ ಮಾದರಿಗಳಾದ ಎಸ್‌ ಮತ್ತು ಎಕ್ಸ್‌ಗಿಂತ ಹೆಚ್ಚು ದೊಡ್ಡದಿದೆ ಎಂದು ಹೇಳಲಾಗಿದೆ. ಈ ಮೂಲಕ ಕಾರಿನ ನಿರ್ಮಾಣ ವೆಚ್ಚ ಕಡಿಮೆ ಮಾಡಲು ಕಂಪನಿ ಯತ್ನಿಸಿದೆ.

ರಿಯರ್‌ ಆಕ್ಸಿಲ್‌ ಪಕ್ಕ ಕಾರಿನ ಎಂಜಿನ್‌ ಇದ್ದು, ಇನ್‌ವರ್ಟರ್‌ ಕೂಡ ಅಲ್ಲಿಯೇ ಇದೆ. ಮೆಟಲ್‌ ರೂಫ್‌, ಫಿಕ್ಸೆಡ್‌ ಗ್ಲಾಸ್‌ ಮತ್ತು ಪನೋರಮಿಕ್‌ ಗ್ಲಾಸ್‌ ಮಾದರಿಯಲ್ಲಿ ಸಿಗಲಿದೆ. ಆದರೆ ಮಾಡೆಲ್‌ ಎಸ್‌ನಷ್ಟು ಸ್ಟೋರೇಜ್‌ ಸ್ಪೇಸ್‌ ಇದರಲ್ಲಿ ಇಲ್ಲ. ಕಾರಿನ ಡೋರ್‌ ಹ್ಯಾಂಡಲ್‌ ಹಳೆ ಮಾದರಿಯಂತೇ ಇದ್ದು, ಪುಶ್‌ ಓಪನ್‌ ಡೋರ್‌ ವ್ಯವಸ್ಥೆಯಿದೆ.

2020ರೊಳಗೆ ವಾರ್ಷಿಕ ಐದು ಲಕ್ಷ ಕಾರು ಮಾರಾಟದ ಗುರಿಯನ್ನು ಸಂಸ್ಥೆ ಹಾಕಿಕೊಂಡಿದ್ದು, ಈ ಕಾರಿನ ಮಾರಾಟ ಸಂಸ್ಥೆಯ ಮುಂದಿನ ವ್ಯವಹಾರದ ದೃಷ್ಟಿಯಿಂದ ತುಂಬಾ ಮಹತ್ವದ್ದಾಗಿದೆ. ಕಡಿಮೆ ಬೆಲೆಯಲ್ಲಿ ನೀಡುವ ಉದ್ದೇಶದಿಂದಲೇ ಬ್ಯಾಟರಿ ಬೆಲೆಯಲ್ಲಿ ಶೇ. 30ರಷ್ಟು ಕಡಿಮೆ ಮಾಡಲಾಗಿದೆ.

ತೆಸ್ಲಾ-3ಗೆ ಸಿಕ್ಕ ಅಭೂತಪೂರ್ವ ಸ್ವಾಗತವನ್ನು ನೋಡಿ ಪ್ರತಿಸ್ಪ-ರ್‍ ಜನರಲ್‌ ಮೋಟಾರ್ಸ್‌ ಪ್ರತಿ ಕಾರ್ಯತಂತ್ರ ರೂಪಿಸುತ್ತಿದೆ. ತನ್ನ ಶೆವರ್ಲೆ ಬೋಲ್ಡ್‌ ಇಲೆಕ್ಟ್ರಿಕ್‌ ಕಾರನ್ನು ಈ ವರ್ಷ ಅಂತ್ಯದಲ್ಲಿ ಅದು ಮಾರುಕಟ್ಟೆಗೆ ಬಿಡುಗಡೆ ಮಾಡಲಿದೆ. ಇದು ಒಂದು ಚಾಜ್‌ರ್‍ನಲ್ಲಿ 300 ಕಿ.ಮೀ. ದೂರ ಓಡಲಿದೆ. ಇದರ ಬೆಲೆ 35,000 ಡಾಲರ್‌ನಿಂದ ಆರಂಭವಾಗಲಿದೆ. ಇನ್ನು ನಿಸಾನ್‌ ಕೂಡ ಲೀಫ್‌ ಇಲೆಕ್ಟ್ರಿಕ್‌ ಕಾರು ಬಿಡುಗಡೆ ಮಾಡಲಿದ್ದು ಅದು ಕೂಡ ಹೆಚ್ಚು ಕಡಿಮೆ 300 ಕಿ.ಮೀ. ದೂರ ಮತ್ತು 35,000 ಡಾಲರ್‌ ಬೆಲೆಗೆ ದೊರೆಯಲಿದೆ ಎಂದು ಹೇಳಲಾಗಿದೆ.

ಆದರೆ ಪೆಟ್ರೋಲ್‌ ಮತ್ತು ಡೀಸೆಲ್‌ ಬೆಲೆ ಕಡಿಮೆಯಾಗುತ್ತಿರುವ ಹಿನ್ನೆಲೆಯಲ್ಲಿ ಇಲೆಕ್ಟ್ರಿಕ್‌ ಕಾರು ಹೆಚ್ಚು ಸವಾಲು ಎದುರಿಸುವಂತಾಗಿದೆ. ಯಾಕೆಂದರೆ ಪೆಟ್ರೋಲ್‌ಗೆ ಹೋಲಿಸಿದರೆ ಇದರ ಚಾಜ್‌ರ್‍ ಸ್ವಲ್ಪ ದುಬಾರಿ ಎನಿಸುತ್ತಿದೆ. ಮಾರ್ಚ್ಗೆ ಅಂತ್ಯಗೊಂಡ ಹಣಕಾಸು ವರ್ಷದಲ್ಲಿ ಒಟ್ಟು ಮಾರಾಟದಲ್ಲಿ ಶೇ. 9ರಷ್ಟು ಇಳಿಕೆಯಾಗಿದ್ದು ಇಲ್ಲಿ ಗಮನಾರ್ಹ.