Lockdown: ರೇವ್‌ನಿಂದ ಉಚಿತ ಕಾರು ಸೇವೆ..ಪಿಟ್‌ಸ್ಟಾಪ್‌ನಿಂದ ಉಚಿತ ರಿಪೇರಿ ಸೇವೆ

ಕೊರೋನಾ ವೈರಸ್‌ನ ಹರಡುವಿಕೆಯನ್ನು ನಿಯಂತ್ರಿಸಲು ಭಾರತ ಸರ್ಕಾರ ಒಂದರಂತೆ ಒಂದು ಪ್ರಯತ್ನವನ್ನು ಮಾಡುತ್ತಲೇ ಇದೆ ಆದರೂ ಕೂಡ ಕೊರೋನಾ ವೈರಸ್‌ ನ ಹರಡುವಿಕೆಯು ದಿನದಿಂದ ದಿನಕ್ಕೆ ಹೆಚ್ಚಾಗುತ್ತಿದೆಯೇ ಹೊರತು ಕಡಿಮೆಯಂತೂ ಆಗುತ್ತಿಲ್ಲ. ಕೊರೋನಾ ವೈರಸ್‌ನ್ನು ನಿಯಂತ್ರಿಸುವಲ್ಲಿ ಸರ್ಕಾರದೊಂದಿಗೆ ಹರಸಾಹಸವನ್ನೇ ಮಾಡುತ್ತಿರುವ ವೈದ್ಯಕೀಯ ವರ್ಗಕ್ಕೆ ಈಗಾಗಲೇ ಓಲಾ ಕಂಪೆನಿಯು ತನ್ನ ಕ್ಯಾಬ್‌ಗಳನ್ನು ವೈದ್ಯ ವರ್ಗಕ್ಕೆ ನೀಡಿರುವುದು ನಿಮಗೆಲ್ಲಾ ಗೊತ್ತೆ ಇರಬಹುದು.

Car Cinema: ಕಾರು ಸಿನಿಮಾ ನೋಡಿದ್ದೀರಾ..? ಇಲ್ಲಿದೆ ನೋಡಿ ಆಡಿ ಕಾರುಗಳ ಸಿನಿಮಾ


ಓಲಾ ದಂತೆ ಇದೀಗ 'ರೇವ್‌ - ಸೆಲ್ಫ್‌ ಡ್ರೈವ್‌ ಮೊಬಿಲಿಟಿ ಸ್ಟಾರ್ಟ್‌ಪ್‌ ಕೂಡ ಆರೋಗ್ಯ ಕಾರ್ಯಕರ್ತರಿಗೆ ಹಾಗೂ ವೈದ್ಯರಿಗೆ ಕಾರು ಸೇವೆಯನ್ನು ನೀಡುವುದಾಗಿ ಘೋಷಿಸಿದೆ. ದೇಶದಾದ್ಯಂತ ಕೊರೋನಾ ವೈರಸ್‌ ನಿಯಂತ್ರಿಸಲು ಹೊರಡಿಸಲಾದ ಲಾಕ್‌ಡೌನ್‌ ಸಮಯದಲ್ಲಿ ಆರೋಗ್ಯ ಅಧಿಕಾರಿಗಳಿಗೆ ಹಾಗೂ ವೈದ್ಯರಿಗೆ ಪ್ರಯಾಣಿಸಲು ಸುಲಭವಾಗಲೆಂದು ಈ ಸೌಲಭ್ಯವನ್ನು ಪ್ರತ್ಯೇಕವಾಗಿ ನೀಡಲಾಗಿದೆ.

2020 March: ಮಾರ್ಚ್‌ನಲ್ಲಿ ಅತಿ ಹೆಚ್ಚು ಮಾರಾಟವಾದ ಎಸ್‌ಯುವಿ ಯಾವುದು ಗೊತ್ತಾ..?

ರೇವ್‌ ಕಂಪೆನಿ ಹೇಳಿರುವ ಪ್ರಕಾರ ಕಂಪೆನಿಯು ಬರೋಬ್ಬರಿ ಕಾರುಗಳನ್ನು ವೈದ್ಯರ ಸೇವೆಗಾಗಿ ನೀಡಲಾಗುವುದು, ಒಂದು ವೇಳೆ ಇನ್ನು ಹೆಚ್ಚಿನ ಕಾರುಗಳ ಅವಶ್ಯಕತೆಯಿದ್ದಲ್ಲಿ ಕಂಪೆನಿಯು ಖಂಡಿತವಾಗಿ ವೈದ್ಯರ ಅವಶ್ಯಕತೆಗಳಿಗೆ ತಕ್ಕಂತೆ ಕಾರನ್ನು ಒದಗಿಸಲಿದೆ. ಯಾವೆಲ್ಲಾ ಪ್ರದೇಶಗಳಲ್ಲಿ ಈ ಕಾರಿನ ಸೌಲಭ್ಯವನ್ನು ಪಡೆದುಕೊಳ್ಳಬಹುದು ಗೊತ್ತಾ..?


ರೇವ್‌ ಕಾರಿನ ಸೇವೆಯು ಬೆಂಗಳೂರು, ಚೆನೈ, ಪುಣೆ, ಮುಂಬೈ ಮತ್ತು ದೆಹಲಿ ಸೇರಿದಂತೆ ಭಾರತದ 5 ಪ್ರಮುಖ ನಗರ ಪ್ರದೇಶಗಳಲ್ಲಿ ಲಭ್ಯವಿರುತ್ತದೆ. ಆರೋಗ್ಯ ಕಾರ್ಯಕರ್ತರಿಗೆ ಅಥವಾ ವೈದ್ಯರಿಗೆ ಒಂದು ವೇಳೆ ಕಾರಿನ ಅವಶ್ಯಕತೆಯಿದ್ದಲ್ಲಿ ಅವರು ಕಾರನ್ನು ಆನ್‌ಲೈನ್‌ ಮೂಲಕ, ಕಂಪೆನಿ ವೆಬ್‌ಸೈಟ್‌ನ ಮೂಲಕ ಅಥವಾ ಆಪ್‌ ನ ಮೂಲಕ ಬುಕಿಂಗ್‌ ಮಾಡಬಹುದಾಗಿದೆ.

2020 March: ಯಾವೆಲ್ಲಾ ಬಿಎಸ್‌6 ಹೊಸ ಕಾರುಗಳು ಮಾರ್ಚ್ ನಲ್ಲಿ ಬಿಡುಗಡೆಗೊಂಡಿದೆ ಗೊತ್ತಾ..?

ಬುಕಿಂಗ್‌ ಮಾಡಿದ ಆರೋಗ್ಯ ಕಾರ್ಯಕರ್ತರು ಈ ಉಚಿತ ಸೇವೆಗಳಿಗಾಗಿ ತಮ್ಮ ಐಡಿ ಪ್ರೂಫ್‌ ನ್ನು ರೇವ್‌ ಗೆ ನೀಡಬೇಕಾಗುತ್ತದೆ. ರೇವ್‌ ಹಾಗೂ ಓಲಾದ ಉಚಿತ ಸೇವೆಯಂತೇ ಬೆಂಗಳೂರು ಮೂಲದ ಮತ್ತೊಂದು ಸ್ಟಾರ್ಟ್‌ಪ್‌ ಪಿಟ್‌ಸ್ಟಾಪ್‌ ಕಂಪೆನಿಯು ಭಾರತದಲ್ಲಿ ಈ 21 ದಿನಗಳ ಲಾಕ್‌ಡೌನ್‌ ಸಮಯದಲ್ಲಿ ಅಗತ್ಯ ಸೇವಾ ಪೂರೈಕೆದಾರರು ಬಳಸುವ ವಾಹನಗಳಿಗೆ ಉಚಿತ ಸೇವೆಯನ್ನು ನೀಡಲು ಮುಂದಾಗಿದೆ.


2020 Tata: ವಿದ್ಯುದೀಕೃತ ಸನ್‌ರೂಫ್‌ ನಲ್ಲಿ ಬಿಎಸ್‌6 ಟಾಟಾ ನೆಕ್ಸಾನ್‌ ಆವೃತ್ತಿ ಬಿಡುಗಡೆ

ಈ ಪಿಟ್‌ಸ್ಟಾಪ್‌ ಕಂಪೆನಿಯು ಹೊಸ #AtYourService ಉಪಕ್ರಮವನ್ನು ಅನಾವರಣಗೊಳಿಸಿದ್ದು, ಈ ಉಪಕ್ರಮವು ದಿನನಿತ್ಯದ ಅಗತ್ಯ ಸೇವಾ ಪೂರೈಕೆದಾರರಿಗೆ ಉಚಿತವಾಗಿ ಅವರ ವಾಹನಗಳನ್ನು ರಿಪೇರಿ ಮಾಡಿಕೊಡಲಿದೆ. ಈ ಉಚಿತ ಸೇವೆಯು ಕೇವಲ 21 ದಿನಗಳ ಲಾಕ್‌ಡೌನ್‌ ಅವಧಿಗೆ ಸೀಮಿತವಾಗಿರುತ್ತದೆ. ಈ ಸೇವೆಯು ಭಾರತದ ಪ್ರಮುಖ ನಗರಗಳಾದ ಬೆಂಗಳೂರು, ಚೆನೈ, ಪುಣೆ, ಮುಂಬೈ, ದೆಹಲಿ, ಹೈದರಾಬಾದ್‌, ನೋಯ್ಡಾ, ಗುರುಗ್ರಾಮ್‌ ಮತ್ತು ಫರಿದಾಬಾದ್‌ ಈ 9 ನಗರಗಳಲ್ಲಿ ಲಭ್ಯವಿರುತ್ತದೆ.