ರಾಯಲ್‌ ಎನ್‌ಫೀಲ್ಡ್ ಪಾಲಾಗುತ್ತಾ ದುಕಾಟಿ?

ಹೊಸದಿಲ್ಲಿ: ಉನ್ನತ ಕಾರ್ಯಕ್ಷಮತೆಯ ಮೋಟರ್‌ಸೈಕಲ್‌ಗಳಲ್ಲಿ ಅತ್ಯಂತ ಜನಪ್ರಿಯ ಬ್ಯಾಂಡ್‌‌ವೊಂದು ಶೀಘ್ರದಲ್ಲಿಯೇ ಭಾರತೀಯ ಕಂಪನಿಯ ಮಾಲೀಕತ್ವ ಹೊಂದುವ ನಿರೀಕ್ಷೆ ಇದೆ.

ಜರ್ಮನಿಯ ಇಂಪ್ಯಾಕ್ಟ್ ವೋಕ್ಸ್‌ವ್ಯಾಗನ್ ಒಡೆತನದ ಇಟಾಲಿಯನ್ ಸೂಪರ್‌ಬೈಕ್ ತಯಾರಕ ದುಕಾಟಿಯನ್ನು ಸ್ವಾಧೀನಪಡಿಸಿಕೊಳ್ಳಲು ರಾಯಲ್‌ ಎನ್‌ಫೀಲ್ಡ್ ಯೋಜನೆ ರೂಪಿಸುತ್ತಿದೆ ಎಂದು ತಿಳಿದುಬಂದಿದೆ.

ಇಂಪ್ಯಾಕ್ಟ್ ವೋಕ್ಸ್‌ವ್ಯಾಗನ್ ಒಡೆತನದ ದುಕಾಟಿ ಸಂಸ್ಥೆ 10,500 ಕೋಟಿ ರೂ.ಗಳಿಗೆ ಮಾರಾಟವಾಗುವ ನಿರೀಕ್ಷೆ ಇದೆ.

ಭಾರತದ ಮಾರುಕಟ್ಟೆಯಲ್ಲಿ ಉತ್ತಮ ಬೆಳವಣಿಗೆ ಸಾಧಿಸುವಲ್ಲಿ ರಾಯಲ್ ಎನ್‌ಫೀಲ್ಡ್ ಯಶಸ್ವಿಯಾಗಿದ್ದು, ಯುರೋಪ್, ಉತ್ತರ ಅಮೆರಿಕ, ಮತ್ತು ಏಷ್ಯಾದ ಸಾಗರೋತ್ತರ ಮಾರುಕಟ್ಟೆಗಳಲ್ಲಿ ಸಂಚಲನ ಮೂಡಿಸಿದೆ.

ದುಕಾಟಿಯ ಸಂಭವನೀಯ ಸ್ವಾಧೀನ ಯೋಜನೆಯ ಕುರಿತು ಟೈಮ್ಸ್‌ ಆಫ್ ಇಂಡಿಯಾ ಕೇಳಿದ ಪ್ರಶ್ನೆಗೆ ಪ್ರತಿಕ್ರಿಯೆ ನೀಡಲು ನಿರಾಕರಿಸಿರುವ ಐಶರ್ ಸಂಸ್ಥೆಯ ಎಂಡಿ ಮತ್ತು ಸಿಇಒ ಸಿದ್ಧಾರ್ಥ ಲಾಲ್ ಅವರು, 'ಇಂತಹ ವಿಷಯಗಳನ್ನು ನಾವು ನಿಮ್ಮೊಂದಿಗೆ ಮಾತನಾಡಲು ಸಾಧ್ಯವಿಲ್ಲ' ಎಂದಿದ್ದಾರೆ.