ಮಾರುಕಟ್ಟೆಗೆ ಲಗ್ಗೆಯಿಟ್ಟ ಟಾಟಾ ನೆಕ್ಸನ್ ಎಎಂಟಿ ಕಾರು

ಹೊಸದಿಲ್ಲಿ: ದೇಶದ ಅತಿ ದೊಡ್ಡ ವಾಹನ ನಿರ್ಮಾಣ ಸಂಸ್ಥೆ ಟಾಟಾ ಮೋಟಾರ್ಸ್, ತನ್ನ ಜನಪ್ರಿಯ ನೆಕ್ಸನ್ ಕಾಂಪಾಕ್ಟ್ ಕ್ರೀಡಾ ಬಳಕೆಯ ವಾಹನದ (ಎಸ್‌ಯುವಿ) ಅತಿ ನೂತನ ಆಟೋಮ್ಯಾಟಡ್ ಮ್ಯಾನುವಲ್ ಟ್ರಾನ್ಸ್‌ಮಿಷನ್ (ಎಎಂಟಿ) ಆವೃತ್ತಿಯನ್ನು ದೇಶದಲ್ಲಿ ಬಿಡುಗಡೆಗೊಳಿಸಿದೆ.

ಪ್ರಾರಂಭಿಕ ಬೆಲೆ: 9.41 ಲಕ್ಷ ರೂ. (ಎಕ್ಸ್ ಶೋ ರೂಂ ದಿಲ್ಲಿ)

ಟಾಟಾ ನೆಕ್ಸನ್ ಎಎಂಟಿ ಕಾರು ಹೈಪರ್ ಡ್ರೈವ್ ಎಸ್-ಎಸ್‌ಜಿ (HyprDrive S-SG) ಚಾಲನಾ ವ್ಯವಸ್ಥೆಯನ್ನು ಹೊಂದಿರಲಿದೆ. ಇದು ಇಕೊ, ಸಿಟಿ, ಸ್ಪೋರ್ಟ್‌ಗಳೆಂಬ ಬಹು ಚಾಲನಾ ವಿಧಗಳನ್ನು ಪಡೆದಿದೆ.

ಇಲ್ಲಿ ಎಸ್ಎಸ್‌ಜಿ ಎಂಬುದರ ಪೂರ್ಣರೂಪ ಸ್ಮಾರ್ಟ್ ಶಿಫ್ಟ್ ಗೇರ್ (SSG) ಎಂದಾಗಿದೆ. ಹಾಗೆಯೇ ಪೆಟ್ರೋಲ್ ಜತೆಗೆ ಡೀಸೆಲ್ ವೆರಿಯಂಟ್‌ಗಳಲ್ಲಿ ದೊರಕಲಿದೆ.

ಪೆಟ್ರೋಲ್ ವೆರಿಯಂಟ್ ದಿಲ್ಲಿ ಎಕ್ಸ್ ಶೋ ರೂಂ ಪ್ರಾರಂಭಿಕ ಬೆಲೆ 9.41 ಲಕ್ಷ ರೂ.ಗಳಾಗಿದೆ. ಹಾಗೆಯೇ ಡೀಸೆಲ್ ಆವೃತ್ತಿಯ ಆರಂಭಿಕ ಬೆಲೆ 10.3 ಲಕ್ಷ ರೂ.ಗಳಾಗಿದೆ.

ದೇಶದಲ್ಲಿ ಕಾಂಪಾಕ್ಟ್ ಎಸ್‌ಯುವಿ ಕಾರುಗಳಿಗೆ ಬೇಡಿಕೆ ಹೆಚ್ಚುತ್ತಲೇ ಇದ್ದು, ಪ್ರಸ್ತುತ ಟಾಟಾ ನೆಕ್ಸನ್ ಎಎಂಟಿ ಕಾರಿನ ಮೂಲಕ ಮಾರುತಿ ಸುಜುಕಿಗೆ ದಿಟ್ಟ ಪ್ರತಿಸ್ಪರ್ಧೆಯನ್ನು ನೀಡುವ ಇರಾದೆಯನ್ನು ಟಾಟಾ ಹೊಂದಿದೆ.