ಮಾರುತಿ ಆಲ್ಟೊಗೆ ಟಕ್ಕರ್ ನೀಡಲಿರುವ ಟಾಟಾ

ನ್ಯಾನೋ ವೈಫಲ್ಯದಿಂದಲೂ ಸೋಲೊಪ್ಪಿಕೊಳ್ಳಲು ತಯಾರಿಲ್ಲದ ದೇಶದ ಅತಿ ದೊಡ್ಡ ವಾಹನ ಸಂಸ್ಥೆ ಟಾಟಾ ಮೋಟಾರ್ಸ್, ಸಣ್ಣ ಕಾರು ವಿಭಾಗದಲ್ಲಿ ಮಗದೊಂದು ಅತ್ಯಾಕರ್ಷಕ ಕಾರು ಬಿಡುಗಡೆ ಮಾಡಲು ಸಜ್ಜಾಗುತ್ತಿದೆ. ಇದು ಪ್ರಮುಖವಾಗಿಯೂ ಮಾರುತಿ ಆಲ್ಟೊ ಕಾರಿಗೆ ಪ್ರತಿಸ್ಪರ್ಧಿಯಾಗಲಿದೆ.

TOI.in 21 Mar 2019, 3:02 pm

ಹೊಸದಿಲ್ಲಿ: ದೇಶದ ಅತ್ಯಂತ ಜನಪ್ರಿಯ ಸಣ್ಣ ಕಾರುಗಳಲ್ಲಿ ಮಾರುತಿ ಆಲ್ಟೊ ಅಗ್ರಸ್ಥಾನದಲ್ಲಿದೆ. ಅಲ್ಲದೆ ಹೊಸ ತಲೆಮಾರಿನ ಆಲ್ಟೊ ಕಾರು ಟೆಸ್ಟಿಂಗ್ ಹಂತದಲ್ಲಿದ್ದು, 2020ರ ವೇಳೆಗೆ ಮಾರುಕಟ್ಟೆ ಪ್ರವೇಶಿಸಲಿದೆ.

ಅತ್ತ ವಿಶ್ವದ ಅತಿ ಅಗ್ಗದ ನ್ಯಾನೋ ಕಾರು ಬಿಡುಗಡೆಗೊಳಿಸಿ ವೈಫಲ್ಯ ಅನುಭವಿಸಿರುವ ಭಾರತದ ಅತಿ ದೊಡ್ಡ ವಾಹನ ತಯಾರಿಕಾ ಸಂಸ್ಥೆ ಟಾಟಾ ಮೋಟಾರ್ಸ್ ಮಗದೊಮ್ಮೆ ಅಗ್ನಿ ಪರೀಕ್ಷೆಗಿಳಿಯಲು ಸಿದ್ಧತೆ ನಡೆಸುತ್ತಿದೆ.

ಟಾಟಾ ಟಿಯೊಗೊದಂತಹ ಯಶಸ್ವಿ ಹ್ಯಾಚ್‌ಬ್ಯಾಕ್ ಕಾರನ್ನು ಬಿಡುಗಡೆ ಮಾಡಿರುವ ಹುಮ್ಮಸ್ಸಿನಲ್ಲಿರುವ ಟಾಟಾ, ಇದೀಗ ಆಲ್ಟೊ ಸೇರಿದಂತೆ ರೆನೊ ಕ್ವಿಡ್ ಹಾಗೂ ದಟ್ಸನ್ ರೆಡಿ ಗೊ ಕಾರುಗಳಿಗೆ ಪ್ರತಿಸ್ಪರ್ಧಿಯನ್ನು ರಸ್ತೆಗಿಳಿಸುವ ಇರಾದೆಯಲ್ಲಿದೆ.

ಈ ಬಗ್ಗೆ ಹೇಳಿಕೆ ನೀಡಿರುವ ಟಾಟಾ ಮೋಟಾರ್ಸ್ ಸಿಇಒ ಗುಂಟೆರ್ ಬುಶೆಕ್, ಟಿಯಾಗೊ, ಟಿಗೋರ್ ಕೆಳಗಿನ ವಿಭಾಗದಲ್ಲಿ ಅಷ್ಟೊಂದು ಅಧಿಪತ್ಯವನ್ನು ಸಾಧಿಸಿಲ್ಲ. ಅಲ್ಲಿಯೂ ಪ್ರಭಾವವನ್ನು ಬೀರಲು ಬಯಸುತ್ತೇವೆ ಎಂದಿದ್ದಾರೆ.

ಸದ್ಯಕ್ಕೆ ಮಾರುತಿ ಆಲ್ಟೊ 20000ಕ್ಕೂ ಹೆಚ್ಚು ಮಾರಾಟವನ್ನು ಕಾಯ್ದುಕೊಂಡಿದೆ. ಇನ್ನೊಂದೆಡೆ ಹೊಸತಾದ ಆಲ್ಫಾ ಹಾಗೂ ಒಮೆಗಾ ತಳಹದಿಯಲ್ಲಿ ಟಾಟಾ ಪರಿಣಾಮ ಎನಿಸಿಕೊಂಡಿದೆ.

ಸನಂದ್ ಘಟಕದಲ್ಲಿ ಆಲ್ಪಾ ಫ್ಲ್ಯಾಟ್‌ಫಾರ್ಮ್‌ನಿಂದಲೇ ಸಣ್ಣ ಕಾರು ಉತ್ಪಾದಿಸುವ ಗುರಿ ಹೊಂದಲಾಗಿದೆ. ಇವೆಲ್ಲದಕ್ಕೂ ಇನ್ನಷ್ಟೇ ಸ್ಪಷ್ಟ ಉತ್ತರ ಲಭಿಸಬೇಕಿದೆ.

ಮಾರುತಿ ಆಲ್ಟೊಗೆ ಟಕ್ಕರ್ ನೀಡಲಿರುವ ಟಾಟಾ

ಮುಂದಿನ ಲೇಖನ