TVS iQube: ಅತಿ ಕಡಿಮೆ ಬೆಲೆಯಲ್ಲಿ ಟಿವಿಎಸ್‌ನ ಮೊದಲ ಎಲೆಕ್ಟ್ರಿಕ್‌ ಸ್ಕೂಟರ್‌ ಬಿಡುಗಡೆ

ಭಾರತದ ಬಹುರಾಷ್ಟ್ರೀಯ ವಾಹನ ಉತ್ಪಾದಕ ಸಂಸ್ಥೆಯಾದ ಟಿವಿಎಸ್‌ ಮೋಟಾರ್‌ ಸಂಸ್ಥೆಯು ತನ್ನ ಬ್ರ್ಯಾಂಡ್‌ನಲ್ಲೇ ಮೊದಲ ವಿದ್ಯುತ್‌ ದ್ವಿಚಕ್ರ ವಾಹನವಾದ 'ಟಿವಿಎಸ್‌ ಐಕ್ಯೂಬ್‌'ನ್ನು ಬೆಂಗಳೂರಿನಲ್ಲಿ ಭಾರತೀಯ ವಾಹನ ಮಾರುಕಟ್ಟೆಗೆ ಕೇವಲ 1.15 ಲಕ್ಷ ರೂಪಾಯಿಗಳ ಎಕ್ಸ್‌ ಶೋರೂಂ ಬೆಲೆಯಲ್ಲಿ ಬಿಡುಗಡೆಗೊಳಿಸಿದೆ.

ಬಾಬಿ ಡಿಯೋಲ್‌: ಬಾಲಿವುಡ್‌ನ ನಟನ ಬಳಿ ಇವೆ ದೇಶದ ಐಷಾರಾಮಿ ಕಾರುಗಳು
ಭಾರತೀಯ ವಾಹನ ಮಾರುಕಟ್ಟೆಗೆ ಟಿವಿಎಸ್‌ ಕೊಡುಗೆಯಾಗಿ ನೀಡುತ್ತಿರುವ ಮೊದಲ ವಿದ್ಯುತ್‌ ದ್ವಿಚಕ್ರ ವಾಹನ ಇದಾಗಿದ್ದು, ಈ ಎಲೆಕ್ಟ್ರಿಕ್‌ ಸ್ಕೋಟರ್‌ನ್ನು ಇಂದಿನಿಂದಲೇ ಭಾರತೀಯ ಖರೀದಿದಾರರು ಅತೀ ಕಡಿಮೆ ಬೆಲೆಯಲ್ಲಿ ಅಂದರೆ ಕೇವಲ 5,000 ರೂಪಾಯಿಗಳಲ್ಲಿ ಬುಕಿಂಗ್‌ ಮಾಡಬಹುದಾಗಿದೆ.


ಬೆಂಗಳೂರಿನ ಹೊಸೂರು ಮೂಲದ ಬ್ರ್ಯಾಂಡಾದ ಈ ಎಲೆಕ್ಟ್ರಿಕ್‌ ಸ್ಕೂಟರ್‌ನ್ನು ಆರಂಭದಲ್ಲಿ ಕೇವಲ ಬೆಂಗಳೂರಿನಲ್ಲಿ ಮಾತ್ರ ಖರೀದಿಸಬಹುದಾಗಿದೆ. ಗ್ರಾಹಕರು ಈ ಸ್ಕೂಟರ್‌ನ್ನು ಇಂದನಿಂದಲೇ ಬುಕಿಂಗ್‌ ಮಾಡಿದರೂ ಕೂಡ ಈ ಎಲೆಕ್ಟ್ರಿಕ್‌ ಸ್ಕೂಟರ್‌ನ ವಿತರಣೆಯು 2020 ರ ಜನವರಿ 27 ರಂದು ಆರಂಭಗೊಳ್ಳಲಿದೆ.

Cullinan Black Badge: 44,000 ಬಣ್ಣಗಳಲ್ಲಿ ರಾಲ್ಸ್‌ ರಾಯ್ಸ್‌ ಬಿಡುಗಡೆ.. ಭಾರತದಲ್ಲಿ ಯಾರಾಗ್ತಾರೆ ಈ ಐಷಾರಾಮಿ ಎಸ್‌ಯುವಿಯ ಸರದಾರರು..?
ಟಿವಿಎಸ್‌ ಐಕ್ಯೂಬ್‌ ಎಲೆಕ್ಟ್ರಿಕ್‌ ಸ್ಕೂಟರ್‌ನ ಬುಕಿಂಗ್‌ ಮಾಡಲು ಇಚ್ಚಿಸುವವರು ಟಿವಿಎಸ್‌ ವೆಬ್‌ಸೈಟ್‌ನ ಮೂಲಕ ಅಥವಾ ನೇರವಾಗಿ ಟಿವಿಎಸ್‌ ಐಕ್ಯೂಬ್‌ ವಿತರಕರುಗಳಿಂದ ಬುಕಿಂಗ್‌ ಮಾಡಬಹುದಾಗಿದೆ.


ಟಿವಿಎಸ್‌ ಐಕ್ಯೂಬ್‌ನ ಪ್ರಮುಖವಾದ ಅಂಶವೆಂದರೆ ಇದರ ಚಾರ್ಜಿಂಗ್‌ ವ್ಯವಸ್ಥೆ. ಈ ಎಲೆಕ್ಟ್ರಿಕ್‌ ಸ್ಕೂಟರ್ 4.4 ಕಿಲೋವ್ಯಾಟ್‌ ಎಲೆಕ್ಟ್ರಿಕ್‌ ಬ್ಯಾಟರಿಯನ್ನು ಒಳಗೊಂಡಿದ್ದು, ಈ ಬ್ಯಾಟರಿಯು ಕೇವಲ ಒಂದು ಗಂಟೆಯಲ್ಲಿ 78 ಕಿಲೋಮೀಟರ್‌ ದೂರ ಕ್ರಮಿಸುವ ಸಾಮರ್ಥ್ಯವನ್ನು ನೀಡುತ್ತದೆ.

BS6 Maruti Suzuki Ciaz S: 8.31 ಲಕ್ಷ ರೂಪಾಯಿಗಳಿಂದ ಬಿಡುಗಡೆಗೊಂಡ ಮಾರುತಿ ಸೆಡಾನ್‌
ಟಿವಿಎಸ್‌ ಐಕ್ಯೂಬ್‌ ಎಲೆಕ್ಟ್ರಿಕ್‌ ಸ್ಕೂಟರ್‌ನ್ನು ಆಧುನಿಕ ತಂತ್ರಜ್ಞಾನದೊಂದಿಗೆ, ಗುಣಮಟ್ಟದ ಪರಿಕರಗಳೊಂದಿಗೆ ವಿನ್ಯಾಸಗೊಳಿಸಲಾಗಿದ್ದು, ಪರಿಸರಕ್ಕೆ ಹೊಂದಿಕೊಳ್ಳುವಂತಹ ತಂತ್ರಜ್ಞಾನವನ್ನು ಇದರಲ್ಲಿ ಅಳವಡಿಸಲಾಗಿದೆ. ಅಭಿವೃದ್ಧಿ ಹೊಂದುತ್ತಿರುವ ಯುವಕರ ಜ್ಞಾನಕ್ಕೆ ಅನುಗುಣವಾಗಿ ಈ ಸ್ಕೂಟರ್‌ನ್ನು ಉತ್ಪಾದಿಸಲಾಗಿದೆ.


ಇನ್ನು ಐಕ್ಯೂಬ್‌ನ್ನು ಸರಳವಾಗಿ ಹಾಗೂ ಸುಂದರವಾಗಿ ವಿನ್ಯಾಸಗೊಳಿಸಲಾಗಿದ್ದು, ಕೇವಲ ಸರಳತೆಯಿಂದಲೇ ಇದು ಗ್ರಾಹಕರನ್ನು ತನ್ನತ್ತ ಸೆಳೆಯುವ ಶಕ್ತಿಯನ್ನು ಹೊಂದಿದೆ. ಐಕ್ಯೂಬ್‌ನ್ನು ಬಿಳಿ ಬಣ್ಣದಲ್ಲಿ ಮಾತ್ರ ಖರೀದಿಸಬಹುದಾಗಿದೆ. ಗ್ರಾಹಕರಿಗೆ ಈ ಸ್ಕೂಟರ್‌ ಕೇವಲ ಒಂದೇ ಬಣ್ಣದಲ್ಲಿ ಸಿಗಲಿದೆ.

ಟಿವಿಎಸ್‌ ಐಕ್ಯೂಬ್‌ನ ವೈಶಿಷ್ಟ್ಯತೆಗಳು:

1. ಎಲ್‌ಇಡಿ ಹೆಡ್‌ಲೈಟ್‌ಗಳು
2. ಎಲ್‌ಇಡಿ ಟೇಲ್‌ಲ್ಯಾಂಪ್‌ಗಳು
3. ಸಂಪೂರ್ಣ ಡಿಜಿಟಲ್‌ ಇನ್ಸ್ಟ್ರುಮೆಂಟ್‌ ಕ್ಲಸ್ಟರ್‌
4. ಹೊಳೆಯುವ ಬ್ರ್ಯಾಂಡ್‌ ಲೋಗೋ
5. ನ್ಯಾವಿಗೇಷನ್ ಸಹಾಯಕ
6. ಫೋನ್‌ಗಳಿಗೆ ಬರುವ ಕರೆ ಮತ್ತು ಸಂದೇಶಗಳ ಸೂಚನೆ
7. ಜಿಯೋ - ಫೆನ್ಸಿಂಗ್‌ ವ್ಯವಸ್ಥೆ
8. ರಿಮೋಟ್‌ ಚಾರ್ಜಿಂಗ್‌ ವ್ಯವಸ್ಥೆ
9. ಪಾರ್ಕಿಂಗ್‌ ಸ್ಥಳ ಸೂಚಕ..ಇತ್ಯಾದಿ ವೈಶಿಷ್ಟ್ಯತೆಗಳು ಸೇರಿದಂತೆ ಇನ್ನೂ ಹೆಚ್ಚಿನ ವೈಶಿಷ್ಟ್ಯತೆಗಳನ್ನು ಇದು ಒಳಗೊಂಡಿದೆ.

Amazon: ಡೆಲಿವರಿಗೆ ಎಲೆಕ್ಟ್ರಿಕ್‌ ವಾಹನ ಬಳಕೆ

ಐಕ್ಯೂಬ್‌ ಎಲೆಕ್ಟ್ರಿಕ್‌ ಸ್ಕೂಟರ್‌ಗಳು ಎಕಾನಮಿ ಮತ್ತು ಪವರ್‌ ಎನ್ನುವ ಎರಡು ಚಾಲನೆಯ ಮೋಡ್‌ಗಳನ್ನು ಪಡೆದುಕೊಂಡಿದೆ. ಈ ಎಲೆಕ್ಟ್ರಿಕ್‌ ಸ್ಕೂಟರ್‌ಗಳಲ್ಲಿ ಹೋಮ್‌ ಚಾರ್ಜಿಂಗ್‌ ವ್ಯವಸ್ಥೆಯನ್ನು ಮತ್ತು ಸಾರ್ವಜನಿಕ ಚಾರ್ಜಿಂಗ್‌ ವ್ಯವಸ್ಥೆಯನ್ನು ಕೂಡ ಇರಿಸಲಾಗಿದೆ.

Bajaj Chetak Electric Scooter: 1 ಲಕ್ಷ ರೂಪಾಯಿಗಳಿಂದ ಭಾರತದಲ್ಲಿ ಬಿಡುಗಡೆಗೊಂಡ ಇ ಸ್ಕೂಟರ್‌
ಟಿವಿಎಸ್‌ ಐಕ್ಯೂಬ್‌ ಎಲೆಕ್ಟ್ರಿಕ್‌ ಸ್ಕೂಟರ್‌ಗಳು ಭಾರತೀಯ ವಾಹನ ಮಾರುಕಟ್ಟೆಯಲ್ಲಿ ಬಜಾಜ್‌ ಚೇತಕ್ ಎಲೆಕ್ಟ್ರಿಕ್‌ ಸ್ಕೂಟರ್‌ಗೆ ಹಾಗೂ ಎಥರ್‌ 450 ಎಲೆಕ್ಟ್ರಿಕ್‌ ಸ್ಕೂಟರ್‌ಗಳಿಗೆ ಸ್ಪರ್ಧೆಯನ್ನು ನೀಡಲಿದೆ.