ಐಕಾನಿಕ್ ಬುಲೆಟ್ ಓಟವನ್ನು ನಿಲುಗಡೆಗೊಳಿಸಿದ ಎನ್‌ಫೀಲ್ಡ್

ಹೊಸದಿಲ್ಲಿ: ಚೆನ್ನೈ ಮೂಲದ ದೇಶದ ಐಕಾನಿಕ್ ಬುಲೆಟ್ ನಿರ್ಮಾಣ ಸಂಸ್ಥೆಯಾಗಿರುವ ರಾಯಲ್ ‌ಎನ್‌ಫೀಲ್ಡ್, ತನ್ನ ಅತಿ ಜನಪ್ರಿಯ ಬುಲೆಟ್‌ವೊಂದರ ಓಟವನ್ನು ನಿಲುಗಡೆಗೊಳಿಸಿದೆ.

ಹೌದು, ದೇಶದಲ್ಲಿ ಕಾಂಟಿನೆಂಟಲ್ ಜಿಟಿ 535 ನಿರ್ಮಾಣವನ್ನು ಎನ್‌ಫೀಲ್ಡ್ ಸ್ಥಗಿತಗೊಳಿಸಿದೆ. ಅಂದರೆ ಸ್ಟೋಕ್ ಮುಗಿಯುವ ವರೆಗೆ ಮಾತ್ರ ಮಾರಾಟಕ್ಕೆ ಲಭ್ಯವಾಗಲಿದೆ.

2013ನೇ ಸಾಲಿನಲ್ಲಿ ಬಿಡುಗಡೆಯಾದ ಕಾಂಟಿನೆಂಟಲ್ ಜಿಟಿ 535 ದೇಶದಲ್ಲಿ ಸಂಸ್ಥೆಯಿಂದ ಬಿಡುಗಡೆಯಾದ ಮೊದಲ ಹಾಗೂ ಏಕ ಮಾತ್ರ ಕೆಫೆ ರೇಸರ್ ಮಾದರಿಯಾಗಿತ್ತು.

ಬಲ್ಲ ಮೂಲಗಳ ಪ್ರಕಾರ, ರಾಯಲ್ ಎನ್‌ಪೀಲ್ಡ್ ಬಹುನಿರೀಕ್ಷಿತ 650 ಮಾದರಿಗಳು ಬಿಡುಗಡೆಗೆ ಸಜ್ಜಾಗುತ್ತಿದೆ. ಈ ನಿಟ್ಟಿನಲ್ಲಿ ಹೊಸ ಮಾದರಿಗಳಿಗೆ ಹಾದಿ ಸುಗಮಗೊಳಿಸಲು ರೆಫೆ ರೇಸರ್‌ಗೆ ಬ್ರೇಕ್ ಹಾಕಲಾಗಿದೆ.

ಇನ್ನೊಂದೆಡೆ ಮಾರುಕಟ್ಟೆಯಲ್ಲಿ ಕಾಂಟಿನೆಂಟಲ್ ಜಿಟಿ 535 ಕಳಪೆ ಮಾರಾಟ ಸಹ ಹಿಂಪಡೆಯಲು ಕಾರಣವಾಗಿದೆ. ಇದು ಸಂಸ್ಥೆ ನಿರೀಕ್ಷಿದಷ್ಟು ಪ್ರಮಾಣದಲ್ಲಿ ವಾಹನ ಪ್ರೇಮಿಗಳನ್ನು ತಲುಪಿರಲಿಲ್ಲ.

ನೂತನ ಎನ್‌ಫೀಲ್ಡ್ 650 ಸಿಸಿ ಬೈಕ್‌ಗಳು 3.5 ಲಕ್ಷ ರೂ.ಗಳ ಬೆಲೆ ಪರಿಧಿಯಲ್ಲಿ ಬಿಡುಗಡೆಯಾಗಲಿದೆ. ಇದು ಪ್ರಮುಖವಾಗಿಯೂ ಹಾರ್ಲೆ ಡೇವಿಡ್ಸನ್ ಸ್ಟ್ರೀಟ್ 750, ಟ್ರಯಂಫ್ ಸ್ಟ್ರೀಟ್ ಟ್ವಿನ್ ಹಾಗೂ ಕವಾಸಕಿ 650 ಶ್ರೇಣಿಯ ಬೈಕ್‌ಗಳಿಗೆ ಪ್ರತಿಸ್ಪರ್ಧೆಯನ್ನು ಒಡ್ಡಲಿದೆ.