ಉಕ್ಕಡಗಾತ್ರಿ ಅಜ್ಜಯ್ಯನ ಬೆಳ್ಳಿ ರಥೋತ್ಸವ

ಮಲೆಬೆನ್ನೂರು:ಹರಿಹರ ತಾಲೂಕಿನ ಸುಕ್ಷೇತ್ರ ಉಕ್ಕಡಗಾತ್ರಿಯಲ್ಲಿಶ್ರಾವಣ ಮಾಸದ ಪ್ರಯುಕ್ತ ಮೂರನೇ ಸೋಮವಾರ ಶ್ರೀ ಕರಿಬಸವೇಶ್ವರ ಅಜ್ಜಯ್ಯನ ಬೆಳ್ಳಿ ರಥೋತ್ಸವ ನೂರಾರು ಭಕ್ತ ಸಮೂಹದ ನಡುವೆ ನಡೆಯಿತು.

ಅಜ್ಜಯ್ಯನ ಪುಣ್ಯ ತಿಥಿ ಹಾಗೂ ಬೆಳ್ಳಿ ರಥೋತ್ಸವ, ಪಾಲಿಕೋತ್ಸವ ಕಾರ್ಯಕ್ರಮಗಳು ನಡೆದವು. ಬೆಳಗಿನ ಜಾವ 4 ಗಂಟೆಗೆ ಅಜ್ಜಯ್ಯನ ಗದ್ದಿಗೆಗೆ ಮಹಾರುದ್ರಾಭಿಷೇಕ, ಗದ್ದುಗೆ ಎದುರು ಗಣೇಶ, ಪಾರ್ವತಿ, ಪರಮೇಶ್ವರರ ಮೂರ್ತಿ ಇಟ್ಟು ಪೂಜೆ ಸಲ್ಲಿಸಲಾಯಿತು.

ಪಾಲಿಕೋತ್ಸವ:ರಾತ್ರಿ ಗ್ರಾಮದ ಬೀದಿಗಳಲ್ಲಿಅಜ್ಜಯ್ಯನ ಪಾಲಿಕೋತ್ಸವ ನಡೆಯಿತು.

ಪಾಲಿಕೋತ್ಸವದ ಬೇಳೆ ರಥ ಬೀದಿಯ ವೃತ್ತದಲ್ಲಿಬಣ್ಣ ಬಣ್ಣದ ಪಟಾಕಿಗಳನ್ನು ಸಿಡಿಸಿದ್ದರಿಂದ ಬಾನಂಗಳಕ್ಕೆ ಹಾರಿದ ಪಟಾಕಿಗಳು ಸಿಡಿದು ಬಣ್ಣ ಬಣ್ಣದ ಚಲುವಿನ ಚಿತ್ತಾರ ಮೂಡಿಸಿದವು.