ಎಡನೀರು ಶ್ರೀಗಳ ಚಾತುರ್ಮಾಸ್ಯ ಸಂಪನ್ನ

ಎಡನೀರು ಶ್ರೀಗಳ ಚಾತುರ್ಮಾಸ್ಯ ಸಂಪನ್ನ

ಕಾಸರಗೋಡು: ಎಡನೀರು ಮಠಾಧೀಶ ಶ್ರೀ ಶ್ರೀ ಕೇಶವಾನಂದ ಭಾರತೀ ಸ್ವಾಮೀಜಿ ಅವರ 59ನೇ ಚಾತುರ್ಮಾಸ್ಯ ವ್ರತಾನುಷ್ಠಾನದ ಅಂಗವಾಗಿ ನಡೆಯುವ ವಿವಿಧ ಕಾರ್ಯಕ್ರಮಗಳೊಂದಿಗೆ ಸೆ. 14ರಂದು ಸೀಮೋಲ್ಲಂಘನದೊಂದಿಗೆ ಸಂಪನ್ನಗೊಳ್ಳಲಿದೆ.

ಇದರ ಅಂಗವಾಗಿ ಮಂಗಳವಾರ ಸಂಜೆ ನಡೆದ ಸಾಂಸ್ಕೃತಿಕ ಸಂಜೆಯಲ್ಲಿ ವಿದ್ವಾನ್‌ ಬಳ್ಳಪದವು ಯೋಗೀಶ ಶರ್ಮ ಅವರ ಹಾಡುಗಾರಿಕೆಯಲ್ಲಿಭಕ್ತಿ ಸಂಗೀತ ಕಾರ್ಯಕ್ರಮ ನಡೆಯಿತು. ವಿದ್ವಾನ್‌ ವೇಣುಗೋಪಾಲ ಶಾನುಭೋಗ್‌(ವಯಲಿನ್‌), ವಿದ್ವಾನ್‌ ಅನೂರು ದತ್ತಾತ್ರೇಯ ಶರ್ಮ ಬೆಂಗಳೂರು(ಮೃದಂಗ), ವಿದ್ವಾನ್‌ ಅನೂರು ವಿನೋದ್‌ ಶಾಮ್‌ ಬೆಂಗಳೂರು(ತಬ್ಲಾ), ವಿದ್ವಾನ್‌ ರಾಜೀವ ವೆಳ್ಳಿಕ್ಕೋತ್‌(ಮೋರ್ಸಿಂಗ್‌)ನಲ್ಲಿಸಹಕರಿಸಿದರು.

ಸ್ವಾಮೀಜಿ ನಿರ್ದೇಶನದಲ್ಲಿ ಬುಧವಾರ ಯಕ್ಷಗಾನ ತಾಳಮದ್ದಳೆ ಪ್ರಸ್ತುತಗೊಂಡಿತು. ಗುರುವಾರ ಎಡನೀರು ಶ್ರೀಗಳ ನಿರ್ದೇಶನದಲ್ಲಿಪ್ರಸಿದ್ಧ ಕಲಾವಿದರ ಕೂಡುವಿಕೆಯಲ್ಲಿಯಕ್ಷಗಾನ ಬಯಲಾಟ ಸುಧನ್ವ-ವೀರವರ್ಮ ಪ್ರದರ್ಶನಗೊಂಡಿತ್ತು. ಎಡನೀರು ಶ್ರೀಗಳಿಂದ ಭಜನ್‌ ಸಂಧ್ಯಾ ಶುಕ್ರವಾರ ಸಂಜೆ ನಡೆಯಿತು.

ಸೆ.14 ರಂದು ಚಾತುರ್ಮಾಸ್ಯ ವ್ರತ ಮಂಗಲೋತ್ಸವ ವಿವಿಧ ಕಾರ್ಯಕ್ರಮಗಳೊಂದಿಗೆ ನಡೆಯಲಿದೆ. ಮಧ್ಯಾಹ್ನ 12 ಕ್ಕೆ ಮಹಾಪೂಜೆ, ಅಪರಾಹ್ನ 3.30ಕ್ಕೆ ಸೀಮೋಲ್ಲಂಘನ, ಮಂತ್ರಾಕ್ಷತೆ, ರಾತ್ರಿ 8 ರಿಂದ ಮಹಾಪೂಜೆ, ಭಜನಾ ಮಂಗಲೋತ್ಸವ, ಗುರುವಂದನೆ, ಪ್ರಸಾದ ವಿತರಣೆ ನಡೆಯಲಿದೆ.