ಪಾಸ್‌, ಶಿಫಾರಸು ರಹಿತ ಹಾಸನಾಂಬ ದರ್ಶನಕ್ಕೆ ಪಟ್ಟು

ಹಾಸನ: ವರ್ಷಕ್ಕೊಮ್ಮೆ ದರ್ಶನ ನೀಡುವ ಹಾಸನಾಂಬ ದೇಗುಲದ ಬಾಗಿಲನ್ನು ಈ ಬಾರಿ ಅ. 17ರಿಂದ 13 ದಿನ ತೆರೆಯಲಾಗುತ್ತದೆ. ದರ್ಶನಕ್ಕೆ ಗಣ್ಯರಿಗೆ ರಾಜಮಾರ್ಗ, ಸಾಮಾನ್ಯ ಭಕ್ತರಿಗೆ ಗಂಟೆಗಟ್ಟಲೆ ಕಾಯುವ ನರಕಯಾತನೆ ಎಂಬ ಆಕ್ರೋಶ ಪ್ರತಿಸಲ ಉಂಟಾಗುತ್ತಿದ್ದು, ಈ ಬಾರಿಯಾದರೂ ಜಿಲ್ಲಾಡಳಿತ ಸಮಸ್ಯೆ ನಿವಾರಣೆಗೆ ಒತ್ತು ನೀಡಬೇಕು ಎಂಬ ಕೂಗು ಸಾರ್ವಜನಿಕ ವಲಯದಲ್ಲಿಕೇಳಿಬಂದಿದೆ.

ಹಾಸನಾಂಬ ದೇಗುಲದ ಬಾಗಿಲು ತೆರೆಯುತ್ತಿದ್ದಂತೆ ಸಚಿವರು, ಹಿರಿಯ ಅಧಿಧಿಕಾರಿಗಳಿಂದ ಶಿಫಾರಸು ಪತ್ರಗಳು ಸಾವಿರಾರು ಸಂಖ್ಯೆಯಲ್ಲಿಬರುತ್ತವೆ. ಇನ್ನು ಕೆಲವು ಶಾಸಕರು, ಸಚಿವರು ತಾವು ಬರುವುದರೊಂದಿಗೆ ತಮ್ಮ ಕುಟುಂಬ ವರ್ಗ, ಹಿಂಬಾಲಕರು ಹೀಗೆ ಲೆಕ್ಕವಿಲ್ಲದಷ್ಟು ಜನರನ್ನು ಕರೆದುಕೊಂಡು ಬರುತ್ತಾರೆ. ಭಕ್ತರು ಕಾಯ್ದು ಕುಳಿತರೂ ಪರವಾಗಿಲ್ಲ. ಗಣ್ಯರು, ಜನಪ್ರತಿನಿಧಿಧಿಗಳಿಗೆ ದರ್ಶನಾವಸ್ಥೆ ಕಲ್ಪಿಸಲು ಅಧಿಧಿಕಾರಿಗಳು ಮುಂದಾಗುವುದು ಅನಿವಾರ್ಯ. ಇದೇ ಕಾರಣಕ್ಕಾಗಿ ಪ್ರತಿ ವರ್ಷವೂ ಭಕ್ತರ ಅಸಮಾಧಾನ ಸ್ಫೋಟಗೊಳ್ಳುತ್ತಲೇ ಇದೆ. ಈ ಸಮಸ್ಯೆ ನಿವಾರಿಸಲು ವಿಶೇಷ ದರ್ಶನ ವ್ಯವಸ್ಥೆ, ಪ್ರತ್ಯೇಕ ಶುಲ್ಕ ನಿಗದಿಪಡಿಸಲಾಯಿತಾದರೂ, 'ಪಾಸ್‌ ಉಳ್ಳವರೇ ಬಾಸ್‌' ಎಂಬಂತಾಗಿ ಸಮಸ್ಯೆ ಜೀವಂತವಾಗಿಯೇ ಉಳಿದಿದೆ.

ದೇವಿಯ ದರ್ಶನಕ್ಕೆ ಬರುವ ಭಕ್ತರ ಸಂಖ್ಯೆಯೂ ಪ್ರತಿ ವರ್ಷ ಹೆಚ್ಚುತ್ತಿದೆ. ಜಿಲ್ಲಾಡಳಿತ ಭಕ್ತರ ಅನುಕೂಲಕ್ಕೆ ಕುಡಿಯುವ ನೀರು, ಪ್ರಸಾದ ಸೇರಿದಂತೆ ಕೆಲವೊಂದು ಅಗತ್ಯ ಸೌಲಭ್ಯ ಒದಗಿಸಿದರೂ, ದೇವಿಯ ದರ್ಶನಕ್ಕೆ ಮಾತ್ರ ಭಕ್ತರು ಪರದಾಡುವುದನ್ನು ತಪ್ಪಿಸಲು ಸಾಧ್ಯವಾಗಿಲ್ಲ. ಮುಂಜಾನೆ 3 ಅಥವಾ 4 ಗಂಟೆಗೆ ದರ್ಶನಕ್ಕೆಂದು ಸರತಿ ಸಾಲಿನಲ್ಲಿನಿಂತರೆ ಸಂಜೆ ವೇಳೆಗೆ ಹರಸಾಹಸ ಪಟ್ಟು ದರ್ಶನ ಪಡೆಯಬೇಕಾಗುತ್ತದೆ.