ದೇವಾಲಯದಲ್ಲಿ ಇಫ್ತಾರ್‌ ಕೂಟ

ಲಖನೌ: ಪವಿತ್ರ ರಂಜಾನ್‌ ಹಬ್ಬದ ಹಿನ್ನೆಲೆಯಲ್ಲಿ ಅಯೋಧ್ಯೆಯಲ್ಲಿರುವ ಶ್ರೀ ಸೀತಾರಾಮ ದೇವಾಲಯದಲ್ಲಿ ಇಫ್ತಾರ್‌ ಕೂಟ ಏರ್ಪಡಿಸಲಾಗಿತ್ತು. ಧರ್ಮ ಸಾಮರಸ್ಯದ ಉದ್ದೇಶದಲ್ಲಿ ಆಯೋಜಿಸಲಾಗಿದ್ದ ಇದರಲ್ಲಿ ಸರ್ವಧರ್ಮೀಯರು ಪಾಲ್ಗೊಂಡಿದ್ದರು.

ಈ ಕುರಿತು ಮಾತನಾಡಿದ ದೇವಾಲಯದ ಅರ್ಚಕ ಯುಗಲ್‌ ಕಿಶೋರ್‌, ಮೂರನೇ ವರ್ಷ ನಾವು ಇಫ್ತಾರ್‌ ಕೂಟ ಏರ್ಪಡಿಸುತ್ತಿದ್ದೇವೆ. ಭವಿಷ್ಯದಲ್ಲೂ ಇದು ಮುಂದುವರಿಯಲಿದ್ದು, ಧರ್ಮ ಬೇಧವಿಲ್ಲದೆ ಎಲ್ಲ ಹಬ್ಬಗಳನ್ನೂ ಸಡಗರದಿಂದ ಆಚರಿಸುತ್ತೇವೆ ಎಂದು ಹೇಳಿದರು. ಧರ್ಮದ ಹೆಸರಿನಲ್ಲಿ ರಾಜಕೀಯ ದೇಶದಲ್ಲಿ ಕೆಲವರು ಮಾಡುತ್ತಾರೆ. ಆದರೆ ಕಿಶೋರ್‌ ಅವರಂತಹವರು ಪ್ರೇಮದ ಸಂದೇಶವನ್ನು ಸಾರುತ್ತಿದ್ದು, ಇಂತಹವರಿಗೆ ಮಾದರಿಯಾಗಿದ್ದಾರೆ ಎಂದು ಸ್ವತಃ ನವರಾತ್ರಿ ಆಚರಿಸುತ್ತಿರುವ ಮುಜಾಮಿಲ್‌ ಫಿಜಾ ಹೇಳಿದರು.