ಅ.18ಕ್ಕೆ ಕಾವೇರಿ ತೀರ್ಥೋದ್ಭವ

ಮಡಿಕೇರಿ: ತಲಕಾವೇರಿಯಲ್ಲಿಈ ಬಾರಿ ಕಾವೇರಿ ತೀರ್ಥೋದ್ಭವ ಅಕ್ಟೋಬರ್‌ 18ರ ಮುಂಜಾನೆ 12.59ಕ್ಕೆ ಕರ್ಕಾಟಕ ಲಗ್ನದಲ್ಲಿನಡೆಯಲಿದೆ. ಈ ಹಿನ್ನೆಲೆಯಲ್ಲಿನಡೆಯಲಿರುವ ಜಾತ್ರೆಯ ಪ್ರಯುಕ್ತ ಸೆ.27ರಿಂದಲೇ ನಾನಾ ಧಾರ್ಮಿಕ ಕಾರ್ಯಕ್ರಮಗಳು ಆಯೋಜನೆಗೊಂಡಿದೆ. ಸೆ.27ರಂದು ಶುಕ್ರವಾರ ಬೆಳಗ್ಗೆ 9.15ರ ತುಲಾ ಲಗ್ನದಲ್ಲಿಅಕ್ಕಿ ಹಾಕುವ ಕಾರ್ಯಕ್ರಮದೊಂದಿಗೆ ಜಾತ್ರೆಯ ಆಚರಣೆಗಳು ಶುರುವಾಗಲಿವೆ.

ಅ.10ರಂದು ಶನಿವಾರ ಬೆಳಗ್ಗೆ 8.45ರ ತುಲಾ ಲಗ್ನದಲ್ಲಿಆಜ್ಞಾ ಮುಹೂರ್ತ ನೆರವೇರಲಿದೆ. ಅ.15ರಂದು ಮಧ್ಯಾಹ್ನ 12.05ರ ಧನುರ್‌ ಲಗ್ನದಲ್ಲಿಅಕ್ಷಯ ಪಾತ್ರೆ ಇರಿಸುವ ಕಾರ್ಯಕ್ರಮ ನಡೆಯಲಿದೆ. ಅಂದೇ ಸಂಜೆ 4.31ರ ಕುಂಭ ಲಗ್ನದಲ್ಲಿಕಾಣಿಕೆ ಡಬ್ಬಿಗಳನ್ನು ಇಡಲಾಗುವುದು ಎಂದು ಹಿಂದೂ ಧಾರ್ಮಿಕ ದತ್ತಿ ಇಲಾಖೆ ಪ್ರಕಟಣೆ ತಿಳಿಸಿದೆ.

ಕಾವೇರಿ ನದಿ ಉಗಮವಾಗುವ ಕಾವೇರಿ ತೀರ್ಥಕುಂಡಿಕೆಯಲ್ಲಿತೀರ್ಥೋದ್ಭವದ ವೇಳೆಯಲ್ಲಿಗಂಗೆಯೂ ಬಂದು ಜೊತೆಯಾಗುತ್ತಾಳೆ ಎನ್ನುವುದು ಭಕ್ತರ ನಂಬಿಕೆ. ಅ.18ರ ನಂತರದ ಒಂದು ತಿಂಗಳು ಜಾತ್ರೆ ನಡೆಯಲಿದ್ದು, ಈ ಸಂದರ್ಭದಲ್ಲಿಭಾಗಮಂಡಲದ ತ್ರಿವೇಣಿ ಸಂಗಮ ಮತ್ತು ತಲಕಾವೇರಿಯಲ್ಲಿತೀರ್ಥ ಸ್ನಾನ ಮಾಡಿದರೆ ಗಂಗಾ ನದಿಯಲ್ಲಿಮಿಂದಷ್ಟೇ ಫಲ ಸಿಗುತ್ತದೆ ಎನ್ನುವ ನಂಬಿಕೆ ಇದೆ. ಹಾಗಾಗಿ ಈ ಒಂದು ತಿಂಗಳು ಭಾಗಮಂಡಲ ಮತ್ತು ತಲಕಾವೇರಿಗೆ ಹೆಚ್ಚಿನ ಸಂಖ್ಯೆಯಲ್ಲಿಭಕ್ತರು ಆಗಮಿಸುತ್ತಾರೆ.