ಆನೆಗುಡ್ಡೆ ದೇವಸ್ಥಾನದಿಂದ 5 ಕೋಟಿಗೂ ಹೆಚ್ಚು ದೇಣಿಗೆ

ಕುಂಭಾಸಿ: ಪುರಾಣ ಪ್ರಸಿದ್ಧ ಆನೆಗುಡ್ಡೆ ಶ್ರೀ ವಿನಾಯಕ ದೇವಸ್ಥಾನದ ವತಿಯಿಂದ ಈಗಾಗಲೇ 33 ವರ್ಷಗಳ ಇತಿಹಾಸದಿಂದ ಪ್ರಸ್ತುತ ಇಲ್ಲಿಯವರೆಗೆ 5 ಕೋಟಿ ರೂ.ಗೂ ಹೆಚ್ಚು ದೇಣಿಗೆಯನ್ನು ಧಾರ್ಮಿಕ, ಆಧ್ಯಾತ್ಮಿಕ, ಶೈಕ್ಷ ಣಿಕ ಕೇಂದ್ರಗಳೂ ಸೇರಿದಂತೆ ಅಶಕ್ತರಿಗೆ ವೈದ್ಯಕೀಯ ನೆರವು ನೀಡಿದೆ ಎಂದು ದೇವಾಲಯದ ಹಿರಿಯ ಧರ್ಮದರ್ಶಿ ಕೆ.ಸೂರ್ಯನಾರಾಯಣ ಉಪಾಧ್ಯಾಯ ಹೇಳಿದರು.

ಕುಂಭಾಸಿ ಆನೆಗುಡ್ಡೆ ಶ್ರೀ ವಿನಾಯಕ ದೇವಸ್ಥಾನದಲ್ಲಿ2019-20ನೇ ಸಾಲಿನ ಆರ್ಥಿಕ ನೆರವು ವಿತರಿಸಿ ಮಾತನಾಡಿದರು.

ಅವರು 2019-20ನೇ ಸಾಲಿನಲ್ಲಿ7 ಲಕ್ಷ ವೈದ್ಯಕೀಯ ನೆರವು ಹಾಗೂ 10 ಲಕ್ಷ ರೂ.ಗಳನ್ನು ದೇವಸ್ಥಾನಗಳ ಜೀರ್ಣೋದ್ಧಾರಗಳಿಗೆ ದೇಣಿಗೆಯನ್ನು ನೀಡಿ ಇನ್ನಿತರ ಅಭಿವೃದ್ಧಿ ಕಾರ್ಯಗಳಿಗೆ ದೇವಾಲಯವು ಸ್ಪಂದಿಸಿದೆ. ಭಕ್ತರಿಂದ ಬಂದದ್ದನ್ನು ಭಕ್ತರಿಗೆ ದೇವರ ಸಹಾಯ ರೂಪದಲ್ಲಿನೀಡುವುದರ ಮೂಲಕ ಸಾರ್ವಜನಿಕ ರಂಗದಲ್ಲಿಆರೋಗ್ಯ, ಶಿಕ್ಷ ಣ, ಧಾರ್ಮಿಕ ಕ್ಷೇತ್ರಗಳಿಗೆ ದೇವಸ್ಥಾನವು ಸ್ಪಂದಿಸುತ್ತಾ ಬರುತ್ತಿದೆ ಎಂದರು.

ಇದೇ ಸಂದರ್ಭದಲ್ಲಿರಾಜ್ಯದ ಅನೇಕ ಜಿಲ್ಲೆಗಳ ದೇವಾಲಯ, ಶಾಲಾ ಕಾಲೇಜುಗಳಿಗೆ ಆರ್ಥಿಕ ನೆರವು ವಿತರಿಸಿ ದೇವರ ಪ್ರಸಾದ ನೀಡಿ ಗೌರವಿಸಲಾಯಿತು. ದೇವಸ್ಥಾನದ ಅನುವಂಶಿಕ ಆಡಳಿತ ಧರ್ಮದರ್ಶಿ ಶ್ರೀರಮಣ ಉಪಾಧ್ಯಾಯ, ಮ್ಯಾನೇಜರ್‌ ನಟೇಶ್‌ ಕಾರಂತ್‌ ತೆಕ್ಕಟ್ಟೆ, ಸಿಬ್ಬಂದಿ, ಆರ್ಚಕ ವೃಂದದವರೂ ಉಪಸ್ಥಿತರಿದ್ದರು.