ಸಂಕಷ್ಟಹರ ಚತುರ್ಥಿ: ಗಣೇಶನಿಗೆ ವಿಶೇಷ ಅಲಂಕಾರ

ಕುದೂರು: ಕುದೂರಿನ ಶಾಲಾವರಣದ ಗಣೇಶ ದೇಗುಲದಲ್ಲಿ ಕಾರ್ತೀಕ ಮಾಸದ ವಿಶೇಷ ಸಂಕಷ್ಟಹರ ಚತುರ್ಥಿ ಪ್ರಯುಕ್ತ ಸ್ವಾಮಿಗೆ ವಿಶೇಷ ಅಲಂಕಾರವನ್ನು ಮಾಡಿ ಪೂಜೆ ಸಲ್ಲಿಸಲಾಯಿತು.
ಬೆಳಗ್ಗೆಯಿಂದಲೂ ಸ್ವಾಮಿಗೆ ಅಭಿಷೇಕ ಹಾಗೂ ನಾನಾ ಧಾರ್ಮಿಕ ಸೇವೆಗಳನ್ನು ಕೈಗೊಂಡು ಸಂಜೆ ವಿಶೇಷ ಪೂಜೆ ನೆರವೇರಿಸಲಾಯಿತು. ಗ್ರಾಮದ ನೂರಾರು ಭಕ್ತಾಧಿದಿಗಳು ಮಹಾ ಮಂಗಳಾರತಿ ವೇಳೆ ಹಾಜರಿದ್ದು ತೀರ್ಥ ಪ್ರಸಾದ ಪಡೆದು ಸ್ವಾಮಿಗೆ ಭಕ್ತಿ ನಿವೇದಿಸಿದರು. ನಂತರ ಪ್ರಸಾದ ಹಂಚಲಾಯಿತು. ಪುಟ್ಟ ಗಣೇಶ ಮೂರ್ತಿಗೆ ವಿಶೇಷ ಅಲಂಕಾರವನ್ನು ಮಾಡಲಾಗಿತ್ತು.

ಸಂಕಷ್ಟಹರ ಚತುರ್ಥಿ ಪ್ರಯುಕ್ತ ಗಣೇಶನಿಗೆ ಮಾಡಿದ ವಿಶೇಷ ಅಲಂಕಾರ.