ರಕ್ಷಣಾ ಸಲಕರಣೆ ಉತ್ಪಾದನಾ ಕಂಪನಿಯ ಶೇ.51 ಷೇರು ಖರೀದಿಸಿದ ಅದಾನಿ ಡಿಫೆನ್ಸ್‌

ಹೊಸದಿಲ್ಲಿ: ಅದಾನಿ ಎಂಟರ್‌ಪ್ರೈಸಸ್‌ನ ಅಂಗಸಂಸ್ಥೆಯಾಗಿರುವ 'ಅದಾನಿ ಲ್ಯಾಂಡ್ ಡಿಫೆನ್ಸ್ ಸಿಸ್ಟಮ್ಸ್ ಮತ್ತು ಟೆಕ್ನಾಲಜೀಸ್ ಲಿಮಿಟೆಡ್, ಗ್ವಾಲಿಯರ್ ಮೂಲದ ಪಿಎಲ್‌ಆರ್ ಸಿಸ್ಟಮ್ಸ್‌ ಲಿ. ಕಂಪನಿಯ ಶೇ.51ರಷ್ಟು ಷೇರುಗಳನ್ನು ಸ್ವಾಧೀನಪಡಿಸಿಕೊಂಡಿದೆ.

ಪಿಎಲ್‌ಆರ್ ಸಿಸ್ಟಮ್ಸ್‌ ಲಿ. 2013ರಲ್ಲಿ ಸ್ಥಾಪನೆಯಾಗಿದ್ದು, ಇದು ಭಾರತೀಯ ಸೇನೆಯ ಸಶಸ್ತ್ರ ಪಡೆಗೆ ರಕ್ಷಣಾ ಸಲಕರಣೆಗಳನ್ನು ದೇಶೀಯವಾಗಿ ಉತ್ಪಾದಿಸಿ ಪೂರೈಕೆ ಮಾಡುತ್ತಿರುವ ಸಂಸ್ಥೆಯಾಗಿದೆ.

ಮೆಷಿನ್ ಗನ್, ಕಾರ್ಬೈನ್ ಮತ್ತು ಇತರ ಶಸ್ತ್ರಾಸ್ತ್ರಗಳನ್ನು ಉತ್ಪಾದಿಸಿ ದೇಶೀಯ ಮತ್ತು ವಿದೇಶಿ ಮಾರುಕಟ್ಟೆಗಳಿಗೆ ವಿತರಿಸುತ್ತಿದೆ. ಈಗಾಗಲೇ ಪಿಎಲ್‌ಆರ್ ಸಿಸ್ಟಮ್ಸ್‌ ಲಿ. ಇಸ್ರೇಲಿ ರಕ್ಷಣಾ ತಯಾರಕ ಕಂಪನಿ 'ಐಡಬ್ಲ್ಯುಐ' ಶೇಕಡಾ 49ರಷ್ಟು ಪಾಲು ಹೊಂದಿದೆ.

68,000 ಕೋಟಿ ರೂ.ಗೆ ಸಾಲ ಏರಿಕೆ, ಷೇರು ಮಾರಾಟಕ್ಕೆ ಮುಂದಾದ ಟಾಟಾ ಮೋಟಾರ್ಸ್‌

ಅದಾನಿ ಎಂಟರ್‌ಪ್ರೈಸಸ್‌ ಮತ್ತು ಐಡಬ್ಲ್ಯುಐ ಎರಡೂ ಕಂಪನಿಯ ಷೇರುಗಳನ್ನು ಖರೀದಿಸಿದ್ದು,
''ಭಾರತೀಯ ಸೇನೆಯ12 ಲಕ್ಷ ಸಿಬ್ಬಂದಿಗೆ ಮತ್ತು ಸಮಾನ ಸಂಖ್ಯೆಯ ಪ್ಯಾರಾ-ಮಿಲಿಟರಿ ಪಡೆಗಳು ಮತ್ತು ರಾಜ್ಯ ಪೊಲೀಸ್ ಪಡೆಗಳಿಗೆ ಅಗತ್ಯವಿರುವ ರಕ್ಷಣಾ ಉಪಕರಣಗಳನ್ನು ಉತ್ಪಾದಿಸಿ ಪೂರೈಸಲಿವೆ. ಮೇಕ್ ಇನ್ ಇಂಡಿಯಾ ಮತ್ತು ಆತ್ಮನಿರ್ಬರ್ ಭಾರತ್ ಯೋಜನೆಯಡಿ ಸ್ವಾವಲಂಬನೆ ಸಾಧಿಸಲು ಇದು ಸಹಕಾರಿ ಎಂದು ಪಿಎಲ್‌ಆರ್ ಸಿಸ್ಟಮ್ಸ್‌ ಲಿ. ಹೇಳಿದೆ.

ಬಡವರನ್ನು ಸಶಕ್ತಗೊಳಿಸುವ ಮೂಲಕ ಬಡತನ ಅಂತ್ಯಗೊಳಿಸಬೇಕು: ಪ್ರಧಾನಿ ಮೋದಿ ಕರೆ

ಷೇರುಗಳ ಸ್ವಾಧೀನಕ್ಕಾಗಿ ಈಗಾಗಲೇ ಗೃಹ ಸಚಿವಾಲಯದಿಂದ ಅನುಮೋದನೆ ದೊರೆತಿದೆ ಎಂದು ಅದಾನಿ ಡಿಫೆನ್ಸ್ ಹೇಳಿದೆ. ಪಿಎಲ್‌ಆರ್ ಸಿಸ್ಟಮ್ಸ್ ರಕ್ಷಣಾ ಸಚಿವಾಲಯದಿಂದ ಪ್ರಮುಖ ಆರ್ಡರ್‌ಗಳನ್ನು ತೆಗೆದುಕೊಳ್ಳಲು ಮುಂದಾಗಿದೆ ಎಂದು ಎಕನಾಮಿಕ್ ಟೈಮ್ಸ್ ಜನವರಿಯಲ್ಲಿ ವರದಿ ಮಾಡಿತ್ತು.