ಒಂದು ರಾಷ್ಟ್ರ: ಒಂದು ಕಾರ್ಡ್, ದೇಶಾದ್ಯಂತ ಏಕರೂಪದ ಟ್ರಾವೆಲ್ ಕಾರ್ಡ್

ದೇಶಾದ್ಯಂತ ವಿವಿಧ ರೀತಿಯ ಸಾರಿಗೆ ಅಗತ್ಯಕ್ಕೆ ಅನುಕೂಲವಾಗುವಂತೆ ಏಕರೂಪದ ಕಾರ್ಡ್ ಹೊರತರುವ ಕುರಿತು ವಿತ್ತ ಸಚಿವೆ ನಿರ್ಮಲಾ ಸೀತಾರಾಮನ್ ತಿಳಿಸಿದ್ದಾರೆ.

ಶುಕ್ರವಾರ ಬಜೆಟ್ ಪ್ರತಿಯನ್ನು ಸಂಸತ್ತಿನಲ್ಲಿ ಸಲ್ಲಿಸಿ ಅನುಮೋದನೆ ಪಡೆದ ಬಳಿಕ ಬಜೆಟ್ ಭಾಷಣ ಮಾಡಿದ ಸಚಿವೆ ಸೀತಾರಾಮನ್, ದೇಶಾದ್ಯಂತ ವಿವಿಧ ರೀತಿಯ ಸಾರಿಗೆ ಅಗತ್ಯಕ್ಕೆ ಪೂರಕವಾದ ಏಕರೂಪದ ಕಾರ್ಡ್ ಅನ್ನು ಜಾರಿಗೆ ತರಲು ಕೇಂದ್ರ ಸರಕಾರ ಮುಂದಾಗಿದೆ ಎಂದಿದ್ದಾರೆ.

ಉಳಿದಂತೆ ಒನ್ ನೇಶನ್, ಒನ್ ಕಾರ್ಡ್ ಯೋಜನೆಯಡಿ ಹೊರತರುವ ಕಾರ್ಡ್, ರಾಷ್ಟ್ರಾದ್ಯಂತ ಟೋಲ್‌ಗೇಟ್‌ಗಳಲ್ಲಿ, ನಗರ ಸಾರಿಗೆ, ಸರಕಾರಿ ಸಾರಿಗೆ ಮತ್ತು ಮೆಟ್ರೋ ಹಾಗೂ ರೈಲುಗಳಲ್ಲಿ ಟಿಕೆಟ್ ಖರೀದಿಗೆ ಬಳಸಬಹುದಾಗಿದೆ.

ಒಂದು ಟ್ರಾವೆಲ್ ಕಾರ್ಡ್ ಖರೀದಿಸಿದರೆ, ಅದನ್ನು ರೂಪೇ ಕಾರ್ಡ್ ರೂಪದಲ್ಲಿ ಬಳಸಬಹುದಾಗಿದ್ದು, ಎಲ್ಲ ರೀತಿಯ ಸಾರಿಗೆ ಸಂದರ್ಭದಲ್ಲೂ ಅನುಕೂಲವಾಗಲಿದೆ. ಅಲ್ಲದೆ ಟೋಲ್ ಶುಲ್ಕ ಪಾವತಿ, ಪಾರ್ಕಿಂಗ್ ಶುಲ್ಕ ಪಾವತಿಗೂ ಬಳಸಬಹುದಾಗಿದೆ.

ಕೇಂದ್ರ ಬಜೆಟ್: ನೆರವಿನ ನಿರೀಕ್ಷೆಯಲ್ಲಿ ಗ್ರಾಮೀಣ ಭಾರತ