ಬಜೆಟ್‌ 2020: ಉದ್ಯಮಿಗಳು ಹೇಳಿದ್ದೇನು?

ಬೆಂಗಳೂರು: ಕೇಂದ್ರ ಹಣಕಾಸು ಸಚಿವರಾದ ನಿರ್ಮಲಾ ಸೀತಾರಾಮನ್‌ 2020-2021ನೇ ಸಾಲಿನ ಬಜೆಟ್‌ ಮಂಡನೆ ಮಾಡಿದ್ದಾರೆ.

ಇದರಲ್ಲಿ ಯಾರಿಗೆ ಎಷ್ಟು ಲಾಭ, ಯಾರಿಗೆ ಎಷ್ಟು ನಷ್ಟ ಎಂಬುದು ಇನ್ನೂ ಸ್ಪಷ್ಟವಾಗಿ ತಿಳಿಯಬೇಕಷ್ಟೇ. ವೇತನದಾರರಿಗೂ ಆದಾಯ ತೆರಿಗೆ ಭಾರ ಕಡಿತ ಮಾಡಿರುವುದು ತುಸು ನೆಮ್ಮದಿ ತಂದಿದೆ.

ಆದರೆ ಈ ಬಜೆಟ್‌ ಬಗ್ಗೆ ಉದ್ಯಮಿಗಳ ಹೇಗೆ ನೋಡುತ್ತಾರೆ ಎಂಬುದು ಅತಿ ಮುಖ್ಯ. ಏಕೆಂದರೆ ಬಜೆಟ್‌ನ ಎಲ್ಲ ಕೋನಗಳಿಂದಲೂ ಉದ್ಯಮಿಗಳು ಲೆಕ್ಕಾಚಾರ ಹಾಕಿರುತ್ತಾರೆ. ಉದ್ಯಮಿಗಳು ಈ ಬಗ್ಗೆ ಏನೆಂದರು ಎಂಬುದು ಇಲ್ಲಿದೆ.

ಪ್ರಾಥಮಿಕ ಬಜೆಟ್‌ ನೋಡಿದ ಕೂಡಲೇ ಇದೊಂದು ತೃಪ್ತಿದಾಯಕ ಬಜೆಟ್‌ ಎನಿಸಿತು. ಆದರೆ ಬಜೆಟ್‌ ಭಾಷಣವನ್ನು ಸಂಪೂರ್ಣ ಓದಿದಾಗ ಆರ್ಥಿಕ ಪ್ರಗತಿಯ ಬಗ್ಗೆ ಸದ್ಯ ಹೆಚ್ಚಿನ ಭರವಸೆ ಇಲ್ಲ. ಆದರೆ ಎರಡು ಮಹತ್ವದ ಯೋಜನೆಗಳನ್ನು ಘೋಷಣೆ ಮಾಡಿರುವುದು ಸ್ವಾಗತಾರ್ಹವಾಗಿದೆ ಎಂದು ಬಯೋಕಾನ್‌ನ ಕಿರಣ್‌ ಮಜುಂದಾರ್‌ ತಿಳಿಸಿದ್ದಾರೆ.