ಮಗಳ ಬಜೆಟ್ ಸಾಧನೆ ಕಣ್ತುಂಬಿಕೊಳ್ಳಲು ಸಂಸತ್ತಿಗೆ ಬಂದ ನಿರ್ಮಲಾ ಸೀತಾರಾಮನ್ ತಂದೆ-ತಾಯಿ

ಹೊಸದಿಲ್ಲಿ: ನರೇಂದ್ರ ಮೋದಿ ಸರಕಾರ ಹಿಂದಿನಂತೆಯೇ ಹೊಸ ಸರಕಾರದಲ್ಲೂ ಮಹಿಳೆಯರಿಗೆ ಉನ್ನತ ಸ್ಥಾನ ಮಾನ ನೀಡಿದೆ. ಕಳೆದ ಬಾರಿ ರಕ್ಷಣಾ ಸಚಿವರಾಗಿ ಹೆಸರು ಮಾಡಿದ್ದ ನಿರ್ಮಲಾ ಸೀತಾರಾಮನ್, ಈ ಬಾರಿ ದೇಶದ ಆರ್ಥಿಕತೆಯ ರೂವಾರಿಯಾಗಿ, ಹಣಕಾಸು ಸಚಿವಾಲಯದ ಉಸ್ತುವಾರಿ ಪಡೆದಿದ್ದಾರೆ.

ಬಜೆಟ್ 2019 ಮುಖ್ಯಾಂಶಗಳು ಇಲ್ಲಿವೆ

ಈ ರೀತಿಯಾಗಿ, ಮಾಜಿ ಪ್ರಧಾನಿ ಇಂದಿರಾ ಗಾಂಧಿ ಬಳಿಕದ ಮೊದಲ ಹಣಕಾಸು ಸಚಿವೆ ಎಂಬ ಹೆಗ್ಗಳಿಕೆಗೆ ಕಾರಣವಾಗಿರುವ ನಿರ್ಮಲಾ ಸೀತಾರಾಮನ್ ಬಜೆಟ್ ಮಂಡಿಸುವುದನ್ನು ಕಣ್ತುಂಬಿಕೊಳ್ಳುವುದಕ್ಕಾಗಿ ಅವರ ತಂದೆ ತಾಯಿ ಕೂಡ ಸಂಸತ್ತಿಗೆ ಆಗಮಿಸಿ ಗಮನ ಸೆಳೆದರು.


ತಮ್ಮ ಮಗಳು ಕೇಂದ್ರದ ಹಣಕಾಸು ಸಚಿವೆಯಾಗಿ ದೇಶದ ಆರ್ಥಿಕತೆಗೆ ಹೊಸ ಹೊಳಪು ನೀಡುವುದನ್ನು ನೋಡಲೆಂದೇ ಸಾವಿತ್ರಿ ಹಾಗೂ ನಾರಾಯಣನ್ ಸೀತಾರಾಮನ್ ಅವರು ತಮಿಳುನಾಡಿನಿಂದ ಹೊಸದಿಲ್ಲಿಗೆ ಆಗಮಿಸಿದ್ದಾರೆ. ಇದು ನಿರ್ಮಲಾ ಅವರಿಗಂತೂ ಅವಿಸ್ಮರಣೀಯ ಸಂಗತಿಯೇ ಸರಿ. ದೇಶದ ಆರ್ಥಿಕತೆಯನ್ನು ಏರುಗತಿಯಲ್ಲಿ ಸಾಗುವಂತೆ ಮಾಡಲಿರುವ ಚೊಚ್ಚಲ ಬಜೆಟನ್ನು ತಂದೆ ತಾಯಿಯ ಎದುರಲ್ಲೇ ಮಂಡಿಸುವುದು ನಿರ್ಮಲಾ ಅವರಿಗೂ ಹೆಮ್ಮೆಯ ಸಂಗತಿ.

ಬಜೆಟ್ 2019 ಲೈವ್ ಅಪ್‌ಡೇಟ್‌ಗಳು ಇಲ್ಲಿವೆ.