ಚೀನಾದಲ್ಲಿ ಕ್ರಿಪ್ಟೋಕರೆನ್ಸಿ ನಿಷೇಧಿಸಿದ ಬೆನ್ನಲ್ಲೇ ಭಾರತದಲ್ಲಿ ಚುರುಕುಗೊಂಡ ಕ್ರಿಪ್ಟೋ ಮಾರುಕಟ್ಟೆ!
ಚೀನಾದ ಕೇಂದ್ರೀಯ ಬ್ಯಾಂಕ್ ಎಲ್ಲ ಕ್ರಿಪ್ಟೋಕರೆನ್ಸಿಗಳ ಮೇಲೆ ನಿಷೇಧ ಹೇರಿದ ಬೆನ್ನಲ್ಲೇ ಭಾರತದಲ್ಲಿ ಕ್ರಿಪ್ಟೋ ಮಾರುಕಟ್ಟೆ ಚುರುಕುಗೊಂಡಿದೆ. ಹಲವಾರು ಭಾರತೀಯ ಹೂಡಿಕೆದಾರರು ಸಣ್ಣ ಪುಟ್ಟ ಕ್ರಿಪ್ಟೋಕರೆನ್ಸಿಗಳಲ್ಲಿ ಹೂಡಿಕೆ ಮಾಡಲು ಮುಗಿಬಿದ್ದಿದ್ದಾರೆ.
Vijaya Karnataka Web 26 Sep 2021, 4:35 pm
ಹೈಲೈಟ್ಸ್:
- ಎಲ್ಲ ಕ್ರಿಪ್ಟೋಕರೆನ್ಸಿಗಳ ಮೇಲೆ ನಿಷೇಧ ಹೇರಿದ ಚೀನಾ
- ಈ ಬೆನ್ನಲ್ಲೇ ಚುರುಕುಗೊಂಡ ಭಾರತೀಯಾ ಕ್ರಿಪ್ಟೋ ಮಾರುಕಟ್ಟೆ
- ಕ್ರಿಪ್ಟೋಕರೆನ್ಸಿಗಳಲ್ಲಿ ಹೂಡಿಕೆ ಮಾಡಲು ಮುಗಿಬಿದ್ದ ಭಾರತೀಯ ಹೂಡಿಕೆದಾರರು
ಹೊಸದಿಲ್ಲಿ: ಚೀನಾದ ಕೇಂದ್ರೀಯ ಬ್ಯಾಂಕ್ ಎಲ್ಲ ಕ್ರಿಪ್ಟೋಕರೆನ್ಸಿಗಳ ಮೇಲೆ ನಿಷೇಧ ಹೇರಿದ ಬೆನ್ನಲ್ಲೇ ಭಾರತದಲ್ಲಿ ಕ್ರಿಪ್ಟೋ ಮಾರುಕಟ್ಟೆ ಚುರುಕುಗೊಂಡಿದೆ. ಹಲವಾರು ಭಾರತೀಯ ಹೂಡಿಕೆದಾರರು ಸಣ್ಣ ಪುಟ್ಟ ಕ್ರಿಪ್ಟೋಕರೆನ್ಸಿಗಳಲ್ಲಿ ಹೂಡಿಕೆ ಮಾಡಲು ಮುಗಿಬಿದ್ದಿದ್ದಾರೆ. ಆದರೆ, ಕೆಲ ಹೂಡಿಕೆದಾರರು ಬಿಟ್ ಕಾಯಿನ್ ಮತ್ತು ಇಥೆರಿಯಂ ನಂತಹ ಸುರಕ್ಷಿತ ಹಾಗೂ ಮೌಲ್ಯದಲ್ಲಿ ಸ್ಥಿರತೆ ಕಾಯ್ದುಕೊಂಡಿರುವ ಕ್ರಿಪ್ಟೋ ಕರೆನ್ಸಿಗಳ ಮೇಲೆ ಹೂಡಿ ಮಾಡಿದ್ದಾರೆ. ಕಳೆದ ಎರಡು ದಿನಗಳಲ್ಲಿ ಭಾರತೀಯ ಕ್ರಿಪ್ಟೋ ಎಕ್ಸ್ಚೇಂಜ್ಗಳಲ್ಲಿ ವಿನಿಮಯ ಕೇಂದ್ರಗಳಲ್ಲಿ ವಹಿವಾಟು ಪ್ರಮಾಣ ಸುಮಾರು ಶೇ.50ರಷ್ಟು ಹೆಚ್ಚಾಗಿದೆ ಎಂದು ಉದ್ಯಮದ ಟ್ರ್ಯಾಕರ್ಗಳು ಎಕನಾಮಿಕ್ ಟೈಮ್ಸ್ಗೆ ತಿಳಿಸಿದ್ದಾರೆ. ಅದರಲ್ಲೂ, ಸಣ್ಣ ಪ್ರಮಾಣದ ಕ್ರಿಪ್ಟೋ ಕರೆನ್ಸಿಗಳ ವಹಿವಾಟಿನಲ್ಲಿ ಭಾರೀ ಹೆಚ್ಚಳ ಕಂಡುಬಂದಿದೆ. ಹಿರಿಯ ಹೂಡಿಕೆದಾರರು ಶಾಂತವಾಗಿಯೇ ಇದ್ದಾರೆ. ಹೊಸ ಹೂಡಿಕೆದಾರರು ಚೀನಾದಲ್ಲಿ ಆಗಿರುವ ಬದಲಾವಣೆಗೆ ಪ್ರತಿಕ್ರಿಯಿಸಿದ್ದಾರೆ.
"ಈ ಹಿಂದೆ ಅತಿದೊಡ್ಡ ನಷ್ಟ ಅನುಭವಿಸಿದ್ದ ವಹಿವಾಟುಗಳು ಕೂಡ ಈಗ ಹೆಚ್ಚಿನ ಲಾಭದಲ್ಲಿವೆ. ಏಕೆಂದರೆ ಹೂಡಿಕೆದಾರರು ತಮ್ಮ ಹಣವನ್ನು ಕಾರ್ಡಾನೊ, ಸೊಲಾನಾ, ಮ್ಯಾಟಿಕ್ ಮೊದಲಾದ ಕ್ರಿಪ್ಟೋಕರೆನ್ಸಿಗಳಲ್ಲಿ ಹೂಡಿಕೆ ಮಾಡಲು ಮುಂದಾಗಿದ್ದಾರೆ ಎಂದು 'ಬೈಯುಕಾಯಿನ್' (BuyUcoin) ಕ್ರಿಪ್ಟೋಕರೆನ್ಸಿ ಎಕ್ಸ್ಚೇಂಜ್ನ ಮುಖ್ಯ ಕಾರ್ಯನಿರ್ವಾಹಕ ಶಿವಮ್ ಠಕ್ರಾಲ್ ತಿಳಿಸಿದ್ದಾರೆ.
ಈ ವರ್ಷದ ಆರಂಭದವರೆಗೂ, ಹೆಚ್ಚಿನ ಭಾರತೀಯರು ತಮ್ಮ ಹೂಡಿಕೆಯ ದೊಡ್ಡ ಮೊತ್ತವನ್ನು ಬಿಟ್ಕಾಯಿನ್ನಲ್ಲಿ ಹಾಕುತ್ತಿದ್ದರು. ಆದರೆ, ಕ್ರಿಪ್ಟೋ ಕ್ಷೇತ್ರಕ್ಕೆ ಹೊಸ ಹೂಡಿಕೆದಾರರು ಪ್ರವೇಶಿಸಿದಂತೆ ಕ್ರಿಪ್ಟೋಕರೆನ್ಸಿ ಮಾರುಕಟ್ಟೆಯ ಟ್ರೆಂಡ್ ಬದಲಾಗಿದೆ. ಸಣ್ಣ ಕ್ರಿಪ್ಟೋ ಟೋಕನ್ಗಳು ಕೂಡ ಬೇಡಿಕೆ ಹೆಚ್ಚಿಸಿಕೊಳ್ಳುತ್ತಿವೆ. ಚೀನಾದ ನಿಷೇಧ ಹೇರಿಕೆ ಪ್ರಭಾವ ಹೆಚ್ಚು ದಿನ ಇರುವುದಿಲ್ಲ ಎಂಬುದು ಎಕ್ಸ್ಚೇಂಜ್ಗಳ ನಿರೀಕ್ಷೆಯಾಗಿದೆ.
ಕ್ರಿಪ್ಟೋ ಕರೆನ್ಸಿ ಮೇಲೆ ಪೂರ್ಣ ನಿಷೇಧ ಹೇರಿದ ಚೀನಾ
ಬಿಟ್ ಕಾಯಿನ್ ಸೇರಿದಂತೆ ಎಲ್ಲ ವರ್ಚುವಲ್ ಕರೆನ್ಸಿಗಳ ವಹಿವಾಟುಗಳನ್ನು ಚೀನಾ ಸರಕಾರ ಕಾನೂನುಬಾಹಿರ ಎಂದು ಘೋಷಿಸಿದೆ. ಕ್ರಿಪ್ಟೋಕರೆನ್ಸಿ ವಹಿವಾಟನ್ನು ಬುಡ ಸಮೇತ ಕಿತ್ತೊಗೆಯುವ ನಿಟ್ಟಿನಲ್ಲಿ ಕ್ರಿಪ್ಟೋ ಕರೆನ್ಸಿ ಮೈನಿಂಗ್ ಮೇಲೆ ದೇಶಾದ್ಯಂತ ನಿಷೇಧ ಹೇರಿದೆ. ಚೀನಾವು ಕ್ರಿಪ್ಟೋಕರೆನ್ಸಿ ವಹಿವಾಟಿನ ಮೇಲೆ ಶುಕ್ರವಾರ ಕಠಿಣ ಕ್ರಮವನ್ನು ತೀವ್ರಗೊಳಿಸಿದೆ.
ಚೀನಾದ ರಾಜ್ಯ ಮಂಡಳಿ ಅಥವಾ ಸಂಪುಟವು ಆರ್ಥಿಕ ಅಪಾಯವನ್ನು ತಪ್ಪಿಸುವ ಪ್ರಯತ್ನಗಳ ಭಾಗವಾಗಿ ಬಿಟ್ ಕಾಯಿನ್ ಮೈನಿಂಗ್ ಮತ್ತು ವಹಿವಾಟನ್ನು ನಿಗ್ರಹಿಸುವುದಾಗಿ ಮೇ ತಿಂಗಳಲ್ಲಿಯೇ ಘೋಷಿಣೆ ಹೊರಡಿಸಿತ್ತು. ಕೇಂದ್ರೀಯ ಬ್ಯಾಂಕ್ ಸೇರಿದಂತೆ ಬ್ಯಾಂಕಿಂಗ್, ಸೆಕ್ಯೂರಿಟೀಸ್ ಮತ್ತು ವಿದೇಶಿ ವಿನಿಮಯ ನಿಯಂತ್ರಕರು ಸೇರಿದಂತೆ ಹತ್ತು ಚೀನೀ ಸರ್ಕಾರಿ ಸಂಸ್ಥೆಗಳು ಜಂಟಿ ಹೇಳಿಕೆಯಲ್ಲಿ ಕ್ರಿಪ್ಟೋಕರೆನ್ಸಿಗಳ ವಹಿವಾಟಿನ ಮೇಲೆ ದಮನಕಾರಿ ನೀತಿ ತಾಳಿವೆ.
"ಈ ಹಿಂದೆ ಅತಿದೊಡ್ಡ ನಷ್ಟ ಅನುಭವಿಸಿದ್ದ ವಹಿವಾಟುಗಳು ಕೂಡ ಈಗ ಹೆಚ್ಚಿನ ಲಾಭದಲ್ಲಿವೆ. ಏಕೆಂದರೆ ಹೂಡಿಕೆದಾರರು ತಮ್ಮ ಹಣವನ್ನು ಕಾರ್ಡಾನೊ, ಸೊಲಾನಾ, ಮ್ಯಾಟಿಕ್ ಮೊದಲಾದ ಕ್ರಿಪ್ಟೋಕರೆನ್ಸಿಗಳಲ್ಲಿ ಹೂಡಿಕೆ ಮಾಡಲು ಮುಂದಾಗಿದ್ದಾರೆ ಎಂದು 'ಬೈಯುಕಾಯಿನ್' (BuyUcoin) ಕ್ರಿಪ್ಟೋಕರೆನ್ಸಿ ಎಕ್ಸ್ಚೇಂಜ್ನ ಮುಖ್ಯ ಕಾರ್ಯನಿರ್ವಾಹಕ ಶಿವಮ್ ಠಕ್ರಾಲ್ ತಿಳಿಸಿದ್ದಾರೆ.
ಈ ವರ್ಷದ ಆರಂಭದವರೆಗೂ, ಹೆಚ್ಚಿನ ಭಾರತೀಯರು ತಮ್ಮ ಹೂಡಿಕೆಯ ದೊಡ್ಡ ಮೊತ್ತವನ್ನು ಬಿಟ್ಕಾಯಿನ್ನಲ್ಲಿ ಹಾಕುತ್ತಿದ್ದರು. ಆದರೆ, ಕ್ರಿಪ್ಟೋ ಕ್ಷೇತ್ರಕ್ಕೆ ಹೊಸ ಹೂಡಿಕೆದಾರರು ಪ್ರವೇಶಿಸಿದಂತೆ ಕ್ರಿಪ್ಟೋಕರೆನ್ಸಿ ಮಾರುಕಟ್ಟೆಯ ಟ್ರೆಂಡ್ ಬದಲಾಗಿದೆ. ಸಣ್ಣ ಕ್ರಿಪ್ಟೋ ಟೋಕನ್ಗಳು ಕೂಡ ಬೇಡಿಕೆ ಹೆಚ್ಚಿಸಿಕೊಳ್ಳುತ್ತಿವೆ. ಚೀನಾದ ನಿಷೇಧ ಹೇರಿಕೆ ಪ್ರಭಾವ ಹೆಚ್ಚು ದಿನ ಇರುವುದಿಲ್ಲ ಎಂಬುದು ಎಕ್ಸ್ಚೇಂಜ್ಗಳ ನಿರೀಕ್ಷೆಯಾಗಿದೆ.
ಕ್ರಿಪ್ಟೋ ಕರೆನ್ಸಿ ಮೇಲೆ ಪೂರ್ಣ ನಿಷೇಧ ಹೇರಿದ ಚೀನಾ
ಬಿಟ್ ಕಾಯಿನ್ ಸೇರಿದಂತೆ ಎಲ್ಲ ವರ್ಚುವಲ್ ಕರೆನ್ಸಿಗಳ ವಹಿವಾಟುಗಳನ್ನು ಚೀನಾ ಸರಕಾರ ಕಾನೂನುಬಾಹಿರ ಎಂದು ಘೋಷಿಸಿದೆ. ಕ್ರಿಪ್ಟೋಕರೆನ್ಸಿ ವಹಿವಾಟನ್ನು ಬುಡ ಸಮೇತ ಕಿತ್ತೊಗೆಯುವ ನಿಟ್ಟಿನಲ್ಲಿ ಕ್ರಿಪ್ಟೋ ಕರೆನ್ಸಿ ಮೈನಿಂಗ್ ಮೇಲೆ ದೇಶಾದ್ಯಂತ ನಿಷೇಧ ಹೇರಿದೆ. ಚೀನಾವು ಕ್ರಿಪ್ಟೋಕರೆನ್ಸಿ ವಹಿವಾಟಿನ ಮೇಲೆ ಶುಕ್ರವಾರ ಕಠಿಣ ಕ್ರಮವನ್ನು ತೀವ್ರಗೊಳಿಸಿದೆ.
ಚೀನಾದ ರಾಜ್ಯ ಮಂಡಳಿ ಅಥವಾ ಸಂಪುಟವು ಆರ್ಥಿಕ ಅಪಾಯವನ್ನು ತಪ್ಪಿಸುವ ಪ್ರಯತ್ನಗಳ ಭಾಗವಾಗಿ ಬಿಟ್ ಕಾಯಿನ್ ಮೈನಿಂಗ್ ಮತ್ತು ವಹಿವಾಟನ್ನು ನಿಗ್ರಹಿಸುವುದಾಗಿ ಮೇ ತಿಂಗಳಲ್ಲಿಯೇ ಘೋಷಿಣೆ ಹೊರಡಿಸಿತ್ತು. ಕೇಂದ್ರೀಯ ಬ್ಯಾಂಕ್ ಸೇರಿದಂತೆ ಬ್ಯಾಂಕಿಂಗ್, ಸೆಕ್ಯೂರಿಟೀಸ್ ಮತ್ತು ವಿದೇಶಿ ವಿನಿಮಯ ನಿಯಂತ್ರಕರು ಸೇರಿದಂತೆ ಹತ್ತು ಚೀನೀ ಸರ್ಕಾರಿ ಸಂಸ್ಥೆಗಳು ಜಂಟಿ ಹೇಳಿಕೆಯಲ್ಲಿ ಕ್ರಿಪ್ಟೋಕರೆನ್ಸಿಗಳ ವಹಿವಾಟಿನ ಮೇಲೆ ದಮನಕಾರಿ ನೀತಿ ತಾಳಿವೆ.