ಬೆಂಗಳೂರಿನಲ್ಲಿ ಇಂದು ಚಿನ್ನದ ಬೆಲೆ ಎಷ್ಟಿದೆ?

ಹೊಸದಿಲ್ಲಿ: ಸ್ಪಾಟ್‌ ಮಾರ್ಕೆಟ್‌ನಲ್ಲಿ ಚಿನ್ನದ ಆಭರಣ ತಯಾರಕರಿಂದ ಡಿಮ್ಯಾಂಡ್‌ ಹೆಚ್ಚಿದ ಹಿನ್ನೆಲೆಯಲ್ಲಿ ಚಿನ್ನದ ಬೆಲೆ ಏರಿಕೆ ಕಂಡಿದೆ.

ಕೈಗಾರಿಕಾ ಘಟಕಗಳು ಮತ್ತು ನಾಣ್ಯ ತಯಾರಕರ ಬೇಡಿಕೆಯ ಮೇರೆಗೆ ಬೆಳ್ಳಿ ಬೆಲೆ ಕೂಡ ಏರಿಕೆ ಕಂಡಿದೆ.

ಎಂಸಿಎಕ್ಸ್ ಗೋಲ್ಡ್ 10 ಗ್ರಾಂಗೆ 32,220 ರೂ.ಗೆ ಏರಿಕೆ ಕಂಡಿದೆ( ರೂ 122 ರಷ್ಟು ಏರಿಕೆಯಾಗಿದೆ) ಎಂಸಿಎಕ್ಸ್ ಸಿಲ್ವರ್ ಬೆಲೆಯು 36,570 ರೂ.ಗೆ (121ರೂ ಏರಿಕೆ) ಏರಿಕೆಯಾಗಿದೆ.

ದೇಶದಲ್ಲಿ 22 ಕ್ಯಾರೆಟ್ ಚಿನ್ನದ ದರ ನಿನ್ನೆಯಷ್ಟೇ ಇದೆ- 1 ಗ್ರಾಂ ಚಿನ್ನದ ದರ 3015 ರೂ. 24 ಕ್ಯಾರೆಟ್ ಗೋಲ್ಡ್ ಇಂದು 3,285ರೂ (1 ಗ್ರಾಂ) ಕ್ಕೆ ಇದೆ.

ಬೆಂಗಳೂರಿನಲ್ಲಿ 22 ಮತ್ತು 24 ಕ್ಯಾರೆಟ್ ಚಿನ್ನದ ಬೆಲೆ ಕ್ರಮವಾಗಿ ₹ 30,150 ಹಾಗೂ ₹32,850 ರಷ್ಟಿದೆ. 24 ಕ್ಯಾರೆಟ್‍ನ 1 ಗ್ರಾಂ ಚಿನ್ನದ ಬೆಲೆ ₹ 3285ರೂ ಇದೆ.

ಬೆಂಗಳೂರಿನಲ್ಲಿ ಆಯಾ ದಿನದ ಚಿನ್ನದ ಬೆಲೆಯನ್ನು ಚಿನ್ನದ ವ್ಯಾಪಾರಿಗಳ ಒಕ್ಕೂಟ ಅಥವಾ ಸ್ವತಃ ಚಿನ್ನದ ವ್ಯಾಪಾರಿಗಳು ನಿರ್ಧರಿಸುತ್ತಾರೆ. ದೈನಂದಿನ ಚಿನ್ನದ ಬೆಲೆ ಅಂತರ್ ರಾಷ್ಟ್ರೀಯ ಟ್ರೆಂಡ್ ಮತ್ತು ಚಿನ್ನದ ಮೇಲಿನ ಆಮದು ಸುಂಕವನ್ನು ಆಧರಿಸಿರುತ್ತದೆ. ಡಾಲರ್ ಮೌಲ್ಯ ಹೆಚ್ಚಾದಂತೆ ಚಿನ್ನದ ಮೌಲ್ಯ ಕುಸಿತ ಕಾಣುವುದನ್ನು ಜಾಗತಿಕ ಮಾರುಕಟ್ಟೆಯಲ್ಲಿ ಕಾಣಬಹುದು.