ಬೆಂಗಳೂರಿನಲ್ಲಿ ಇಂದಿನ (ಆ.11) ಚಿನ್ನ, ಬೆಳ್ಳಿ ಬೆಲೆ

ಹೊಸದಿಲ್ಲಿ: ಸತತ ಮೂರು ದಿನಗಳಿಂದ ಇಳಿಕೆ ಕಂಡಿತ ಚಿನ್ನದ ಬೆಲೆ ಶನಿವಾರ (ಆ.11) ಏರುಮುಖ ಕಂಡಿದೆ. ಅಂತಾರಾಷ್ಟ್ರೀಯ ಮಾರುಕಟ್ಟೆಯಲ್ಲಿ ಹಳದಿ ಲೋಹಕ್ಕೆ ಬೇಡಿಕೆ ಕುಸಿದಿದ್ದರೂ ಸ್ಥಳೀಯ ಆಭರಣಕಾರರಿಂದ ಬೇಡಿಕೆ ಇರುವ ಹಿನ್ನೆಲೆಯಲ್ಲಿ ಬಂಗಾರದ ಬೆಲೆ ಚಿನಿವಾರಪೇಟೆಯಲ್ಲಿ ಏರಿಕೆಯಾಗಿದೆ.

ಒಂದು ಗ್ರಾಂ ಚಿನ್ನದ ಬೆಲೆ ₹ 180ರಷ್ಟು ಏರಿಕೆಯಾಗಿ 10 ಗ್ರಾಂಗೆ ₹ 30,700ರಷ್ಟಿದೆ. ಬೆಳ್ಳಿ ಬೆಲೆಯಲ್ಲೂ ಏರಿಕೆಯಾಗಿದ್ದು ₹ 105ರಷ್ಟು ಏರಿಕೆಯಾಗಿ ಕೆ.ಜಿ ಬೆಳ್ಳಿ ಬೆಲೆ ₹ 39,000ಕ್ಕೆ ತಲುಪಿದೆ. ಅಂತಾರಾಷ್ಟ್ರೀಯ ಮಟ್ಟದಲ್ಲಿ ಚಿನ್ನಕ್ಕೆ ಬೇಡಿಕೆ ಕುಸಿದಿದ್ದರೂ ಶ್ರಾವಣ ಮಾಸ ಆರಂಭವಾಗಿರುವುದು ಹಬ್ಬಗಳ ಸೀಸನ್ ಆಗಿರುವ ಕಾರಣ ದೇಸಿ ಮಾರುಕಟ್ಟೆಯಲ್ಲಿ ಚಿನ್ನದ ಬೆಲೆ ಏರಿಕೆಯಾಗಲು ಕಾರಣ ಎನ್ನುತ್ತಾರೆ ವರ್ತಕರು.

ಬೆಂಗಳೂರಿನಲ್ಲಿ ಗ್ರಾಂ (22K) ಚಿನ್ನದ ಬೆಲೆ ₹ 2,780, 24K ಚಿನ್ನಕ್ಕೆ ₹ 2,973.26ರಷ್ಟಿದ್ದು 10 ಗ್ರಾಂಗಳಿಗೆ ಕ್ರಮವಾಗಿ ₹ 27800 ಹಾಗೂ ₹ 29732.62 ರಷ್ಟಿದೆ. ಇನ್ನು ಬೆಳ್ಳಿಯ ಬೆಲೆ ಕೆ.ಜಿಗೆ ₹ 41100ರಷ್ಟಿದ್ದು ಗ್ರಾಂ ಬೆಳ್ಳಿಗೆ ₹ 41.10ರಷ್ಟಿದೆ.

ಬೆಂಗಳೂರಿನಲ್ಲಿ ಆಯಾ ದಿನದ ಚಿನ್ನದ ಬೆಲೆಯನ್ನು ಚಿನ್ನದ ವ್ಯಾಪಾರಿಗಳ ಒಕ್ಕೂಟ ಅಥವಾ ಸ್ವತಃ ಚಿನ್ನದ ವ್ಯಾಪಾರಿಗಳು ನಿರ್ಧರಿಸುತ್ತಾರೆ. ದೈನಂದಿನ ಚಿನ್ನದ ಬೆಲೆ ಅಂತಾರಾರಾಷ್ಟ್ರೀಯ ಟ್ರೆಂಡ್ ಮತ್ತು ಚಿನ್ನದ ಮೇಲಿನ ಆಮದು ಸುಂಕವನ್ನು ಆಧರಿಸಿರುತ್ತದೆ.