Gold Rate: ಬೆಂಗಳೂರಿನಲ್ಲಿ ಸೆಪ್ಟೆಂಬರ್ 17ರಂದು ಚಿನ್ನ, ಬೆಳ್ಳಿ ದರ

ಹೊಸದಿಲ್ಲಿ: ಚೀನಾ ಆಮದಿನ ಮೇಲೆ ಹೊಸ ಸುತ್ತಿನ ಸುಂಕ ವಿಧಿಸಲು ಯುಎಸ್‍ಎ ಸಜ್ಜಾಗಿರುವ ಹಿನ್ನೆಲೆಯಲ್ಲಿ ಅದು ಚಿನ್ನದ ಬೆಲೆ ಮೇಲೆ ಪರಿಣಾಮ ಬೀರಿದ್ದು ಅಂತಾರಾಷ್ಟ್ರೀಯ ಮಟ್ಟದಲ್ಲಿ ಚಿನ್ನದ ಬೆಲೆ ಏರಿಕೆ ಕಂಡಿದೆ.

ಮಲ್ಟಿ ಕಮಾಡಿಟಿ ಎಕ್ಸ್‌ಚೇಂಜ್ (MCX) ನಲ್ಲಿ ಶೇ.0.65ರಷ್ಟು ಏರಿಕೆ ಕಂಡುಬಂದಿದ್ದು, 10 ಗ್ರಾಂ ಬೆಲೆ ₹ 30,635ಗಳಷ್ಟಾಗಿದೆ. ಹಳದಿ ಲೋಹದ ಜತೆಗೆ ಬಿಳಿ ಲೋಹ ಬೆಳ್ಳಿ ಸಹ ಏರಿಕೆಯಾಗಿದ್ದು ಮಲ್ಟಿ ಕಮಾಡಿಟಿ ಎಕ್ಸ್‌ಚೇಂಜ್ (MCX) ನಲ್ಲಿ ಶೇ.0.52ರಷ್ಟು ಏರಿಕೆಯಾಗಿ 1 ಕೆ.ಜಿ ಬೆಳ್ಳಿ ಬೆಲೆ ₹ 37,187ಗಳಷ್ಟಾಗಿದೆ.

ಬೆಂಗಳೂರಿನಲ್ಲಿ 22 ಕ್ಯಾರೆಟ್ ಮತ್ತು 24 ಕ್ಯಾರೆಟ್ ಚಿನ್ನದ ಬೆಲೆ ಕ್ರಮವಾಗಿ 1 ಗ್ರಾಂಗೆ ₹ 2860 ಮತ್ತು 3058.82ರಷ್ಟಿದೆ. ಹಾಗೆಯೇ 1 ಕೆ.ಜಿ ಬೆಳ್ಳಿ ಬೆಲೆ 39700ರಷ್ಟಿದ್ದು 100 ಗ್ರಾಂ ಬೆಲೆ 3,970ರಷ್ಟಿದೆ.

ಬೆಂಗಳೂರಿನಲ್ಲಿ ಆಯಾ ದಿನದ ಚಿನ್ನದ ಬೆಲೆಯನ್ನು ಚಿನ್ನದ ವ್ಯಾಪಾರಿಗಳ ಒಕ್ಕೂಟ ಅಥವಾ ಸ್ವತಃ ಚಿನ್ನದ ವ್ಯಾಪಾರಿಗಳು ನಿರ್ಧರಿಸುತ್ತಾರೆ. ದೈನಂದಿನ ಚಿನ್ನದ ಬೆಲೆ ಅಂತಾರಾರಾಷ್ಟ್ರೀಯ ಟ್ರೆಂಡ್ ಮತ್ತು ಚಿನ್ನದ ಮೇಲಿನ ಆಮದು ಸುಂಕವನ್ನು ಆಧರಿಸಿರುತ್ತದೆ.