ಬೆಂಗಳೂರಿನಲ್ಲಿ ಸೆಪ್ಟೆಂಬರ್ 18ರಂದು ಚಿನ್ನ, ಬೆಳ್ಳಿ ದರ

ಹೊಸದಿಲ್ಲಿ: ಚೀನಾ ಆಮದು ವಸ್ತುಗಳ ಮೇಲೆ ಸಮರ ಸಾರಿರುವ ಯುಎಸ್‍ಎ ಇದೀಗ ಮತ್ತೊಂದು ಸುತ್ತಿನ ತೆರಿಗೆ ವಿಧಿಸಿರುವ ಹಿನ್ನೆಲೆಯಲ್ಲಿ ಅಂತಾರಾಷ್ಟ್ರೀಯವಾಗಿ ಚಿನ್ನ ಮತ್ತು ಬೆಳ್ಳಿ ಮೇಲೂ ಅದರ ಪರಿಣಾಮ ಉಂಟಾಗಿದ್ದು ಚಿನ್ನದ ಬೆಲೆ ಸ್ವಲ್ಪ ಇಳಿಮುಖವಾಗಿದೆ.

ಮಲ್ಟಿ ಕಮಾಡಿಟಿ ಎಕ್ಸ್‌ಚೇಂಜ್ (MCX) ನಲ್ಲಿ ಶೇ.0.22ರಷ್ಟು ಇಳಿಕೆಯಾಗಿದ್ದು 10 ಗ್ರಾಂ ಬೆಲೆ ₹ 30697ರಷ್ಟಿದೆ. ಹಾಗೆಯೇ ಮಲ್ಟಿ ಕಮಾಡಿಟಿ ಎಕ್ಸ್‌ಚೇಂಜ್‌ನಲ್ಲಿ ಬೆಳ್ಳಿ ಬೆಲೆಯೂ ಶೇ.0.36ರಷ್ಟು ಇಳಿಕೆಯಾಗಿದ್ದು 1 ಕೆ.ಜಿ ಬೆಳ್ಳಿ ಬೆಲೆ ₹ 37,298ರಷ್ಟಿದೆ.

ಬೆಂಗಳೂರಿನಲ್ಲಿ 22 ಕ್ಯಾರೆಟ್ ಮತ್ತು 24 ಕ್ಯಾರೆಟ್ ಚಿನ್ನದ ಬೆಲೆ 10 ಗ್ರಾಂಗೆ ಕ್ರಮವಾಗಿ ಈ ರೀತಿ ಇದೆ, ₹ 28800 ಮತ್ತು ₹ 30802.14ರಷ್ಟಿದೆ. ಹಾಗೆಯೇ 1 ಕೆ.ಜಿ ಬೆಳ್ಳಿ ಬೆಲೆ ₹ 39800ರಷ್ಟಿದ್ದು 100 ಗ್ರಾಂ ₹ 3980ರಷ್ಟಾಗುತ್ತದೆ.

ಬೆಂಗಳೂರಿನಲ್ಲಿ ಆಯಾ ದಿನದ ಚಿನ್ನದ ಬೆಲೆಯನ್ನು ಚಿನ್ನದ ವ್ಯಾಪಾರಿಗಳ ಒಕ್ಕೂಟ ಅಥವಾ ಸ್ವತಃ ಚಿನ್ನದ ವ್ಯಾಪಾರಿಗಳು ನಿರ್ಧರಿಸುತ್ತಾರೆ. ದೈನಂದಿನ ಚಿನ್ನದ ಬೆಲೆ ಅಂತಾರಾರಾಷ್ಟ್ರೀಯ ಟ್ರೆಂಡ್ ಮತ್ತು ಚಿನ್ನದ ಮೇಲಿನ ಆಮದು ಸುಂಕವನ್ನು ಆಧರಿಸಿರುತ್ತದೆ.