ಬೆಂಗಳೂರಿನಲ್ಲಿ ಆಗಸ್ಟ್ 21ರಂದು ಚಿನ್ನ, ಬೆಳ್ಳಿ ಧಾರಣೆ

ಹೊಸದಿಲ್ಲಿ: ಜಾಗತಿಕವಾಗಿ ಆಶಾ ಭಾವನೆ ಹೆಚ್ಚುತ್ತಿರುವುದು ಮತ್ತು ಸ್ಥಳೀಯ ಚಿನ್ನದ ವರ್ತಕರಲ್ಲಿ ಬೇಡಿಕೆ ಹೆಚ್ಚಾಗಿರುವ ಹಿನ್ನೆಲೆಯಲ್ಲಿ ಚಿನ್ನದ ಬೆಲೆ ಏರಿಕೆಯಾಗಿದೆ. ಹತ್ತು ಗ್ರಾಂ ಚಿನ್ನದ ಬೆಲೆ 180 ರೂ.ಗಳಷ್ಟು ಏರಿಕೆಯಾಗಿದ್ದು 30,600 ರೂ.ಗಳಷ್ಟಿದೆ.

ಫೆಡರಲ್ ರಿಸರ್ವ್ ಬಡ್ಡಿ ದರ ಏರಿಕೆ ಮಾಡಿರುವ ಬಗ್ಗೆ ಅಮೆರಿಕ ಅಧ್ಯಕ್ಷ ಡೊನಾಲ್ಡ್ ಟ್ರಂಪ್ "ಅಷ್ಟೇನು ಥ್ರಿಲ್ ಆಗಿಲ್ಲ" ಎಂದು ನೀಡಿರುವ ಹೇಳಿಕೆ ಡಾಲರ್ ಮೇಲೆ ವ್ಯತಿರಿಕ್ತ ಪರಿಣಾಮ ಬೀರಿದೆ. ಹೊಸದಿಲ್ಲಿಯಲ್ಲಿ ಶೇ.99.9ರಷ್ಟು ಶುದ್ಧ ಚಿನ್ನ ಮತ್ತು ಶೇ.99.5 ಶುದ್ಧ ಚಿನ್ನ ತಲಾ 180 ರೂ.ಗಷ್ಟು ಏರಿಕೆಯಾಗಿದ್ದು ಕ್ರಮವಾಗಿ 30,600 ರೂ. ಹಾಗೂ 30,450 ರೂ.ಗಳಷ್ಟಿದೆ.

ಬೆಂಗಳೂರಿನಲ್ಲಿ 10 ಗ್ರಾಂ 22k ಚಿನ್ನದ ಬೆಲೆ 27700 ರೂ.ಗಳಷ್ಟಿದ್ದು 24k ಚಿನ್ನದ ಬೆಲೆ 29625.67 ರೂ.ಗಳಷ್ಟಿದೆ. ಇನ್ನು 1 ಕೆ.ಜಿ ಬೆಳ್ಳಿ ಬೆಲೆ 40100 ರೂ. (100 ಗ್ರಾಂಗೆ 4010 ರೂ.) ರಷ್ಟಿದೆ. ಹಬ್ಬಗಳ ಸೀಸನ್ ಆರಂಭವಾಗುತ್ತಿರುವ ಹಿನ್ನೆಲೆಯಲ್ಲಿ ಚಿನ್ನಕ್ಕೆ ಬೇಡಿಕೆ ಹೆಚ್ಚಾಗಿದೆ. ಚೀನಾ ಬಳಿಕ ಅತಿ ಹೆಚ್ಚು ಚಿನ್ನ ವಿನಿಯೋಗಿಸುತ್ತಿರುವ ಅಗ್ರ ದೇಶ ಭಾರತವಾಗಿದೆ.

ಬೆಂಗಳೂರಿನಲ್ಲಿ ಆಯಾ ದಿನದ ಚಿನ್ನದ ಬೆಲೆಯನ್ನು ಚಿನ್ನದ ವ್ಯಾಪಾರಿಗಳ ಒಕ್ಕೂಟ ಅಥವಾ ಸ್ವತಃ ಚಿನ್ನದ ವ್ಯಾಪಾರಿಗಳು ನಿರ್ಧರಿಸುತ್ತಾರೆ. ದೈನಂದಿನ ಚಿನ್ನದ ಬೆಲೆ ಅಂತಾರಾರಾಷ್ಟ್ರೀಯ ಟ್ರೆಂಡ್ ಮತ್ತು ಚಿನ್ನದ ಮೇಲಿನ ಆಮದು ಸುಂಕವನ್ನು ಆಧರಿಸಿರುತ್ತದೆ.