ಬೆಂಗಳೂರಿನಲ್ಲಿ ಆಗಸ್ಟ್ 22ರಂದು ಚಿನ್ನ, ಬೆಳ್ಳಿ ಧಾರಣೆ

ಹೊಸದಿಲ್ಲಿ: ಹಳದಿ ಲೋಹ ಚಿನ್ನದ ಬೆಲೆ ಸತತ ಏರುಗತಿಯಲ್ಲಿ ಸಾಗಿದ್ದು ಆಗಸ್ಟ್ 22ರಂದು 10 ಗ್ರಾಂಗೆ 50 ರೂ. ಏರಿಕೆಯಾಗಿ 30,650ರಷ್ಟಾಗಿದೆ. ಜಾಗತಿಕ ಚಿನ್ನದ ಬೆಲೆ ವಾರದಲ್ಲೇ ಇದು ಅತಿ ಹೆಚ್ಚು. ದಿಲ್ಲಿಯಲ್ಲಿ ಶೇ.99.9ರಷ್ಟು ಹಾಗೂ ಶೇ.99.5ರಷ್ಟು ಶುದ್ಧ ಚಿನ್ನ ತಲಾ 50 ರೂ. ಏರಿಕೆಯಾಗಿ 10 ಗ್ರಾಂಗೆ ಕ್ರಮವಾಗಿ 30,650 ರೂ. ಹಾಗೂ 30,500 ರೂ.ಗಳಷ್ಟಿದೆ. ಕಳೆದ ಎರಡು ದಿನಗಳಲ್ಲಿ ಚಿನ್ನದ ಬೆಲೆ 350 ರೂ. ಏರಿಕೆ ಕಂಡುಬಂದಿದೆ.

ಕೈಗಾರಿಕಾ ಘಟಕಗಳು ಮತ್ತು ನಾಣ್ಯ ತಯಾರಕರಿಂದ ಬೇಡಿಕೆ ಇರುವ ಹಿನ್ನೆಲೆಯಲ್ಲಿ ಬೆಳ್ಳಿಯ ಬೆಲೆಯೂ ಏರಿಕೆಯಾಗಿದ್ದು ಕೆ.ಜಿ ಬೆಳ್ಳಿ ಬೆಲೆಯಲ್ಲಿ 50 ರೂ. ಏರಿಕೆಯಾಗಿ 38,100 ರೂ.ಗಳಷ್ಟಿದೆ.

ಬೆಂಗಳೂರಿನಲ್ಲಿ 10 ಗ್ರಾಂ (22K) ಚಿನ್ನದ ಬೆಲೆ 27800 ರೂ. ರಷ್ಟಿದ್ದು 24K ಚಿನ್ನಕ್ಕೆ 29732.62 ರೂ.ಗಳಷ್ಟಿದೆ. ಗ್ರಾಂ ಲೆಕ್ಕಾಚಾರದಲ್ಲಿ 22K ಮತ್ತು 24K ಚಿನ್ನದ ಬೆಲೆ ಕ್ರಮವಾಗಿ 2780 ರೂ. ಮತ್ತು 2973.26 ರೂ.ಗಳಷ್ಟಿದೆ. ಬೆಳ್ಳಿಯ ಬೆಲೆ ಕೆ.ಜಿಗೆ 40100 ರೂ.ಗಳಷ್ಟಿದೆ. ಅಂದರೆ 100 ಗ್ರಾಂ ಬೆಳ್ಳಿ ಬೆಲೆ 4010 ರೂ.

ಬೆಂಗಳೂರಿನಲ್ಲಿ ಆಯಾ ದಿನದ ಚಿನ್ನದ ಬೆಲೆಯನ್ನು ಚಿನ್ನದ ವ್ಯಾಪಾರಿಗಳ ಒಕ್ಕೂಟ ಅಥವಾ ಸ್ವತಃ ಚಿನ್ನದ ವ್ಯಾಪಾರಿಗಳು ನಿರ್ಧರಿಸುತ್ತಾರೆ. ದೈನಂದಿನ ಚಿನ್ನದ ಬೆಲೆ ಅಂತಾರಾರಾಷ್ಟ್ರೀಯ ಟ್ರೆಂಡ್ ಮತ್ತು ಚಿನ್ನದ ಮೇಲಿನ ಆಮದು ಸುಂಕವನ್ನು ಆಧರಿಸಿರುತ್ತದೆ.