ಬೆಂಗಳೂರಿನಲ್ಲಿ ಆಗಸ್ಟ್ 28ರಂದು ಚಿನ್ನ, ಬೆಳ್ಳಿ ಧಾರಣೆ

ಹೊಸದಿಲ್ಲಿ: ಚಿನಿವಾರಪೇಟೆಯಲ್ಲಿ ಆಗಸ್ಟ್ 28ರಂದು ಚಿನ್ನದ ಬೆಲೆಯಲ್ಲಿ ಏರಿಕೆ ಕಂಡುಬಂದಿದೆ. 10 ಗ್ರಾಂ ಚಿನ್ನದ ಬೆಲೆ ₹ 150ರಷ್ಟು ಏರಿಕೆಯಾಗಿ ₹ 31,150ರಷ್ಟಾಗಿದೆ. ಶ್ರಾವಣ ಮಾಸ, ಹಬ್ಬದ ಸೀಸನ್ ಆಗಿರುವುದು ಹಾಗೂ ಸ್ಥಳೀಯ ಚಿನ್ನದ ವ್ಯಾಪಾರಿಗಳಿಂದ ಬೇಡಿಕೆ ಇರುವ ಹಿನ್ನೆಲೆಯಲ್ಲಿ ಚಿನ್ನದ ಬೆಲೆ ಏರಿಕೆಯಾಗಿದೆ.

ಕಳೆದ ಮೂರು ದಿನಗಳಿಂದ 10 ಗ್ರಾಂ ಚಿನ್ನದ ಬೆಲೆಯಲ್ಲಿ ₹ 380 ಏರಿಕೆಯಾಗಿದೆ. ಮಲ್ಟಿ ಕಮಾಡಿಟಿ ಎಕ್ಸ್‌ಚೇಂಜ್ (MCX) ನಲ್ಲಿ ಬೆಳ್ಳಿಯ ಬೆಲೆಯೂ ಕೆ.ಜಿ ₹ 170ರಷ್ಟು ಏರಿಕೆಯಾಗಿ ₹ 38,470ರಷ್ಟಾಗಿದೆ.

ಬೆಂಗಳೂರಿನಲ್ಲಿ 10 ಗ್ರಾಂ 22K ಚಿನ್ನದ ಬೆಲೆ ₹ 28,200ರಷ್ಟಿದ್ದರೆ 24K ಚಿನ್ನದ ಬೆಲೆ ₹ 30,160.43ರಷ್ಟಿದೆ. ಗ್ರಾಂ ಲೆಕ್ಕಾಚಾರದಲ್ಲಿ ಹೇಳುವುದಾದರೆ 22K ಮತ್ತು 24K ಚಿನ್ನದ ಬೆಲೆ ಕ್ರಮವಾಗಿ ₹ 2820 ಹಾಗೂ ₹ 3,016.04ರಷ್ಟಿದೆ. ಹಾಗೆಯೇ ಕೆ.ಜಿ ಬೆಳ್ಳಿ ಬೆಲೆ ₹ 40,000 ರಷ್ಟಿದ್ದು 100 ಗ್ರಾಂಗೆ 4,000ರಷ್ಟಿದೆ.

ಬೆಂಗಳೂರಿನಲ್ಲಿ ಆಯಾ ದಿನದ ಚಿನ್ನದ ಬೆಲೆಯನ್ನು ಚಿನ್ನದ ವ್ಯಾಪಾರಿಗಳ ಒಕ್ಕೂಟ ಅಥವಾ ಸ್ವತಃ ಚಿನ್ನದ ವ್ಯಾಪಾರಿಗಳು ನಿರ್ಧರಿಸುತ್ತಾರೆ. ದೈನಂದಿನ ಚಿನ್ನದ ಬೆಲೆ ಅಂತಾರಾರಾಷ್ಟ್ರೀಯ ಟ್ರೆಂಡ್ ಮತ್ತು ಚಿನ್ನದ ಮೇಲಿನ ಆಮದು ಸುಂಕವನ್ನು ಆಧರಿಸಿರುತ್ತದೆ.