ಯಥಾ ಸ್ಥಿತಿ ಕಾಯ್ದುಕೊಂಡ ಚಿನ್ನ, ಬೆಳ್ಳಿಯಲ್ಲಿ ಅಲ್ಪ ಏರಿಕೆ

ಬೆಂಗಳೂರು: ಬೆಂಗಳೂರಲ್ಲಿ ಮಂಗಳವಾರ ಚಿನ್ನದ ಬೆಲೆಯಲ್ಲಿ ಯಾವುದೇ ಬದಲಾವಣೆಯಾಗಿಲ್ಲ ಸೋಮವಾರದ ಬೆಲೆಯೇ ಮುಂದುವರಿದಿದ್ದು, 1 ಗ್ರಾಂ (22 ಕ್ಯಾರೆಟ್) ಚಿನ್ನಕ್ಕೆ 3,615 ರೂ ಆಗಿದೆ. ಅಂದರೆ 10 ಗ್ರಾಂ ಚಿನ್ನದ ಇಂದಿನ ದರ 36,150ರೂ ಇದೆ. ಸೋಮವಾರ 1 ಗ್ರಾಂಗೆ 5ರೂ ಇಳಿಕೆಯಾಗಿತ್ತು.

24 ಕ್ಯಾರೆಟ್ ಬಂಗಾರದ ಬೆಲೆ ಕೂಡ ಸೋಮವಾರದಷ್ಟೇ ಇದ್ದು, 10ಗ್ರಾಂ ಬೆಲೆ 39,440ರೂ ಇದೆ.

ಇನ್ನು ಬೆಳ್ಳಿ ದರದಲ್ಲಿ ಸ್ವಲ್ಪ ಬದಲಾವಣೆಯಾಗಿದ್ದು, 1 ಗ್ರಾಂ ಬೆಳ್ಳಿಗೆ 48. 90 ರೂ ಇದೆ. ಅದರೆ 1ಗ್ರಾಂ ಬೆಳ್ಳಿಗೆ 13 ಪೈಸೆ ಏರಿಕೆಯಾಗಿದೆ , 1 ಕೆಜಿ ಬೆಳ್ಳಿಗೆ 48, 900 ರೂ ಇದೆ. ಅಂದರೆ ಸೋಮವಾರಕ್ಕಿಂತ 130 ರೂ ಏರಿಕೆಯಾಗಿದೆ.

ರಾಷ್ಟ್ರ ರಾಜಧಾನಿ ದೆಹಲಿಯಲ್ಲಿ ಚಿನ್ನದ ಬೆಲೆ ಯಥಾ ಸ್ಥಿತಿಯಲ್ಲಿದ್ದು 1 ಗ್ರಾಂ ಚಿನ್ನದ ಬೆಲೆ (22 ಕ್ಯಾರೆಟ್) 3765ರೂ ಇದೆ. ಅಂದರೆ 10ಗ್ರಾಂ ಗೆ 37,650ರೂ ಇದೆ. 24 ಕ್ಯಾರೆಟ್ ಚಿನ್ನ 10ಗ್ರಾಂಗೆ 38,850ರೂ ಇದೆ. ಒಂದು ಕೆ.ಜಿ. ಬೆಳ್ಳಿ ದರ 48900 ರೂಪಾಯಿ ಇದೆ.

ಒಟ್ಟಾರೆ ದೀಪಾವಳಿ ಹಬ್ಬಕ್ಕೆ ಚಿನ್ನ ಖರೀದಿಸಬೇಕು ಎಂದಿದ್ದವರಿಗೆ ದೇಶದ ಪ್ರಮುಖ ಮಹಾನಗರಗಳಲ್ಲಿ ಚಿನ್ನದ ದರ ಏರಿಕೆಯಾಗಿದ್ದು ಶಾಕ್ ತಂದಿದೆ.

ಅಂತಾರಾಷ್ಟ್ರೀಯ ಟ್ರೆಂಡ್, ಚಿನ್ನದ ಮೇಲಿನ ಆಮದು ಸುಂಕ ಮತ್ತು ಡಾಲರ್ ಎದುರು ರೂಪಾಯಿ ಮೌಲ್ಯವನ್ನಾಧರಿಸಿ ಆಯಾ ದಿನದ ಬಂಗಾರ ಹಾಗೂ ಬೆಳ್ಳಿ ದರ ನಿರ್ಧಾರವಾಗುತ್ತದೆ.