40 ಸಾವಿರ ತಲುಪುತ್ತಿದೆ 10 ಗ್ರಾಂ ಚಿನ್ನ! : ಬಂಗಾರ ಪ್ರಿಯರಿಗೆ ಶಾಕಿಂಗ್ ನ್ಯೂಸ್

ಹೊಸದಿಲ್ಲಿ: ಸತತ 5ನೇ ದಿನವೂ ಬಂಗಾರದ ಬೆಲೆಯಲ್ಲಿ ನಿರಂತರ ಏರಿಕೆ ದಾಖಲಾಗಿದ್ದು, ಸದ್ಯ 10 ಗ್ರಾಂ ಚಿನ್ನದ ಬೆಲೆ 39,670 ರೂ.ಗೆ ಬಂದು ನಿಂತಿದೆ. ಇಂದು ಒಂದೇ ದಿನ 10 ಗ್ರಾಂ ಚಿನ್ನದ ಬೆಲೆಯಲ್ಲಿ 675 ರೂ. ಏರಿಕೆಯಾಗುವ ಮೂಲಕ ಹೊಸ ದಾಖಲೆ ಬರೆದಿದೆ.

ಆಗಸ್ಟ್ 20ರಿಂದಲೂ ನಿರಂತರವಾಗಿ ಬಂಗಾರದ ಬೆಲೆಯಲ್ಲಿ ಏರಿಕೆ ದಾಖಲಾಗುತ್ತಿದೆ. ಬೆಳ್ಳಿ ದರ ಕೂಡಾ ಪ್ರತಿ ಕೆಜಿಗೆ 46,550 ರೂ. ತಲುಪಿದೆ. ಕೈಗಾರಿಕೆಗೆ ಹಾಗೂ ನಾಣ್ಯ ತಯಾರಿಕೆಗೆ ಬೆಳ್ಳಿ ಅತಿಹೆಚ್ಚು ಬಳಕೆಯಾಗ್ತಿರೋದ್ರಿಂದ ಬೆಲೆಯಲ್ಲಿ ಏರಿಕೆ ಆಗಿದೆ.

ಡಾಲರ್ ಎದುರು ರೂಪಾಯಿ ಮೌಲ್ಯ ಕುಸಿತವಾಗ್ತಿರೋದು ಹಾಗೂ ಭಾರತದ ಆರ್ಥಿಕತೆಗೆ ಹೋಲಿಸಿದ್ರೆ ವಿಶ್ವದ ಆರ್ಥಿಕತೆ ಬಲಗೊಳ್ಳುತ್ತಿರುವುದೇ ಈ ಏರಿಕೆಗೆ ಕಾರಣ ಎಂಬ ವಿಶ್ಲೇಷಣೆ ಚಿನಿವಾರ ಪೇಟೆಯಲ್ಲಿ ನಡೆಯುತ್ತಿದೆ.