ಆದಾಯ ತೆರಿಗೆ ರಿಟರ್ನ್ಸ್: ಲೈಟ್‌ ಇ-ಫೈಲಿಂಗ್‌ ಸೇವೆ ಆರಂಭ

ಮುಂಬಯಿ: ಜುಲೈ ತಿಂಗಳು ಬಂತೆಂದರೆ ಸಾಕು ಪ್ರಸಕ್ತ ಹಣಕಾಸು ವರ್ಷದ ಆದಾಯ ತೆರಿಗೆ ರಿಟರ್ನ್ಸ್ ಸಲ್ಲಿಕೆ ಬಗ್ಗೆಯೇ ವೇತನದಾರರು ಹೆಚ್ಚು ಗಮನ ಹರಿಸುತ್ತಾರೆ.

ಈಗ ಆದಾಯ ತೆರಿಗೆ ಇಲಾಖೆ ಕೆಲವು ಕಠಿಣ ಕ್ರಮಗಳನ್ನು ಕೈಗೊಂಡಿರುವ ಹಿನ್ನೆಲೆಯಲ್ಲಿ ನಿಗದಿತ ಸಮಯದಲ್ಲಿ ಐಟಿ ರಿಟರ್ನ್ಸ್ ಸಲ್ಲಿಕೆ ಮಾಡದಿದ್ದರೆ 10 ಸಾವಿರ ರೂ.ವರೆಗೂ ದಂಡ ವಿಧಿಸುವ ಸಾಧ್ಯತೆ ಇದೆ. ಹೀಗಾಗಿ ವೇತನದಾರರು ಮಾತ್ರವಲ್ಲದೇ ಎಲ್ಲರೂ ಆದಾಯ ತೆರಿಗೆ ರಿಟರ್ನ್ಸ್ ಸಲ್ಲಿಸುವುದು ಒಳಿತು.

ಎಲ್ಲವೂ ಈಗ ಆನ್‌ಲೈನ್ ಆಗಿರುವುದರಿಂದ ಆನ್‌ಲೈನ್‌ನಲ್ಲಿ ಆದಾಯ ತೆರಿಗೆ ರಿಟರ್ನ್ಸ್ ಸಲ್ಲಿಸುವುದು ಹೇಗೆ ಎಂಬುದರ ಮಾಹಿತಿ ಇಲ್ಲಿದೆ....

ಅದರಲ್ಲೂ ತೆರಿಗೆ ಪಾವತಿಸುವುದನ್ನೇ ಸುಲಭ ಮತ್ತು ಸರಳವಾಗಿಸಲು ಆದಾಯ ತೆರಿಗೆ ಇಲಾಖೆ ಮುಂದಾಗಿದೆ. ಲೈಟ್‌ ಇ-ಫೈಲಿಂಗ್‌ ಸೇವೆಯನ್ನು ಆರಂಭಿಸಿದೆ.

ಐಟಿ ರಿಟರ್ನ್ಸ್ ಫೈಲ್ ಮಾಡುವವರು ಆದಾಯ ತೆರಿಗೆ ವೆಬ್‍ಸೈಟ್‌ಗೆ ಭೇಟಿ ನೀಡಿ ನೋಂದಾಯಿಸಿಕೊಳ್ಳಬೇಕು. incometaxindiaefiling.gov.inಗೆ ಭೇಟಿ ನೀಡಿ ಅದರಲ್ಲಿ ಲೈಟ್‌ ಎಂಬ ಮತ್ತೊಂದು ಟ್ಯಾಬ್‌ ಒದಗಿಸಲಾಗಿದೆ. ಇದನ್ನು ಒತ್ತಿದರೆ ಅಗತ್ಯ ಲಿಂಕ್‌ಗಳು ದೊರೆಯಲಿದೆ. ಅದರನ್ವಯ ತೆರಿಗೆ ಪಾವತಿಗೆ ಮಾರ್ಗದರ್ಶನ ಪಡೆಯಬಹುದು ಎಂದು ಆದಾಯ ತೆರಿಗೆ ಇಲಾಖೆ ಪ್ರಕಟಣೆಯಲ್ಲಿ ತಿಳಿಸಿದೆ.

ಲೈಟ್‌ ವರ್ಷನ್‌ನಿಂದ ತೆರಿಗೆ ಪಾವತಿ ಮಾಡುವುದು ಸುಲಭವಾಗಲಿದೆ. ಐಟಿ ರಿಟರ್ನ್ಸ್‌ ಸಲ್ಲಿಸಲು ಆಗಸ್ಟ್‌ 31 ರವರೆಗೆ ಗಡುವು ವಿಸ್ತರಿಸಲಾಗಿದೆ.