ಹಣ ಹೊಂದಿಸಲು ಕರಭಾರ: ಜನಸಾಮಾನ್ಯರಿಗೆ ಸಂಕಷ್ಟ

ಬೆಂಗಳೂರು: ಸಾಲಮನ್ನಾ, ಭಾಗ್ಯದ ಯೋಜನೆಗಳಿಗೆ ಹಣ ಹೊಂದಿಸುವ ಉದ್ದೇಶದಿಂದ ಸಿಎಂ ಕುಮಾರಸ್ವಾಮಿ ತಮ್ಮ ಬಜೆಟ್‌ನಲ್ಲಿ ಪೆಟ್ರೋಲ್, ಡೀಸೆಲ್ ಮತ್ತು ವಿದ್ಯುತ್ ಏರಿಕೆಯ ದರ ಏರಿಕೆಯ ಮಾರ್ಗ ಕಂಡುಕೊಂಡಿದ್ದಾರೆ. ಅವರ ಕ್ರಮದಿಂದ ಸಾರಿಗೆ ಮತ್ತು ಕೈಗಾರಿಕಾ ವಲಯದ ಮೇಲಿನ ಆರ್ಥಿಕ ಹೊರೆ ಹೆಚ್ಚಿಸಿ ಪರೋಕ್ಷವಾಗಿ ಸಾರ್ವಜನಿಕರ ದೈನಂದಿನ ಜೀವನ ದುಬಾರಿ ಆಗುವುದಕ್ಕೆ ಕಾರಣವಾಗಿದೆ.

ಇಂಧನ ದರ ಏರಿಕೆಯಿಂದ ಬಸ್ ಟಿಕೆಟ್ ದರ ಹೆಚ್ಚಳದಿಂದ ಹಿಡಿದು ಸರಕು ಸಾರಿಗೆ ದರ ಏರಿಕೆವರೆಗೆ ಪರಿಣಾಮ ಬೀರುವುದು ಸಾಮಾನ್ಯ. ಅದೇ ರೀತಿ ವಿದ್ಯುತ್ ದರ ಏರಿಕೆಯಿಂದ ಆಗುವ ನಷ್ಟಭರ್ತಿಗೆ ಉದ್ದಿಮೆಗಳೂ ಉತ್ಪನ್ನಗಳ ದರ ಏರಿಕೆ ಮಾಡಲು ಮುಂದಾಗುತ್ತವೆ. ಇದೆಲ್ಲದರ ನೇರ ಪರಿಣಾಮವನ್ನು ಜನಸಾಮಾನ್ಯರು ಎದುರಿಸಬೇಕಾಗುತ್ತದೆ.
ಇನ್ನು, ಪೆಟ್ರೋಲ್, ಡೀಸೆಲ್ ದರ ಎಲ್ಲೆಲ್ಲಿ ಎಷ್ಟೆಷ್ಟು ಎನ್ನುವುದನ್ನು ನೋಡೋದಾದರೆ,