ಗ್ರಾಮಗಳೆಡೆಗೆ ಬಿಎಸ್ ವೈ ನಡಿಗೆ: ಪಂಚಾಯ್ತಿ ಬಲಕ್ಕೆ ಅಚಲ ನಿರ್ಧಾರ

ಬೆಂಗಳೂರು: ಮುಖ್ಯಮಂತ್ರಿ ಬಿಎಸ್ ಯಡಿಯೂರಪ್ಪ ಇಂದು ವಿಧಾನಸಭೆಯಲ್ಲಿ 2020-21 ಸಾಲಿನ ಬಜೆಟ್ ಮಂಡಿಸಿದ್ದು, ಒಟ್ಟು 2,37,893 ಕೋಟಿ ರೂ.ಗಾತ್ರದ ಬಜೆಟ್ ಮಂಡಿಸಿದ್ದಾರೆ.

ಅದರಂತೆ ಗ್ರಾಮೀಣಾಭಿವೃದ್ಧಿ ಹಾಗೂ ಪಂಚಾಯತ್ ರಾಜ್ ಅಭಿವೃದ್ಧಿಗೆ ಹಲವು ಹೊಸ ಯೋಜನೆಗಳನ್ನು ಘೋಷಿಸಿರುವ ಬಿಎಸ್ ಯಡಿಯೂರಪ್ಪ, ಗ್ರಾಮೀಣ ಕರ್ನಾಟಕದ ಸರ್ವಾಂಗೀಣ ಅಭೀವೃದ್ಧಿಗೆ ಪಣ ತೊಟ್ಟಿದ್ದಾರೆ.

ಬೆಂಗಳೂರು1 ಮಾದರಿಯಲ್ಲಿ ಗ್ರಾಮ-1 ಕೇಂದ್ರಗಳ ಸ್ಥಾಪನೆಗೆ ಮುಂದಡಿ ಇಟ್ಟಿರುವ ಯಡಿಯೂರಪ್ಪ ಸರ್ಕಾರ, ಜನಸಾಮಾನ್ಯರಿಗೆ ಎಲ್ಲಾ ಆಡಳಿತ ಸೇವೆ ಒದಗಿಸುವತ್ತ ದೃಷ್ಟಿ ನೆಟ್ಟಿದೆ.

ಹೊಟ್ಟೆಗೆಷ್ಟು ಕೊಟ್ಟರು ಯಡಿಯೂರಪ್ಪ?: ಆಹಾರ ಆಹಾಕಾರಕ್ಕೆ ಅವಕಾಶವಿಲ್ಲ

ಈ ಮೂಲಕ ಪಂಚಾಯ್ತಿಗಳಿಗೆ ಮತ್ತಷ್ಟು ಬಲ ತುಂಬುವ ಇರಾದೆ ಸರ್ಕಾರಕ್ಕಿದ್ದು, ಗ್ರಾಮ-೧ ಕೇಂದ್ರಗಳ ಸ್ಥಾಪನೆಯ ಮೂಲಕ ಪಾರದರ್ಶಕ ಆಡಳಿತಕ್ಕೂ ಮುನ್ನುಡಿ ಬರೆಯಲಾಗಿದೆ.

ಇನ್ನು ಗ್ರಾಮೀಣ ರಸ್ತೆಗಳ ಅಭಿವೃದ್ದಧಿಗಾಗಿ ಗ್ರಾಮೀಣ ಸುಮಾರ್ಗ ಯೋಜನೆ ಘೋಷಿಸಿರುವ ರಾಜ್ಯ ಸರ್ಕಾರ, ಈ ಯೋಜನೆಯಡಿಯಲ್ಲಿ ೨೦,೦೦೦ ಕಿಮೀ ನಿರ್ಮಣ ಮಾಡುವ ಗುರಿ ಹೊಂದಿದೆ.

ರಾಜ್ಯದ ಕಂದಾಯ: ಬಿಎಸ್‌ವೈ ಲೆಕ್ಕದಲ್ಲಿದೆ ವೆಚ್ಚ ಮತ್ತು ಆದಾಯ

ಪಂಚಾಯತ್ ರಾಜ್ ವ್ಯವಸ್ಥೆಯನ್ನು ಸದೃಢಗೊಳಿಸುವ ಮೂಲಕ ಗ್ರಾಮಾಂತರ ಪ್ರದೇಶಗಳ ಅಭಿವೃದ್ಧಿಗೆ ಚುರುಕು ಮುಟ್ಟಿಸಲು ಸರ್ಕಾರ ನಿರ್ಧರಿಸಿದೆ.