ವರ್ಷದ ಬಜೆಟ್ ಮಾಡಿರುವುದು ವ್ಯರ್ಥ

ಬೆಂಗಳೂರು: ನೀತಿ ಸಂಹಿತೆ ಜಾರಿಯಾಗುವವರೆಗೆ ಮಾತ್ರ ಈ ಸರಕಾರದ ಅಧಿಕಾರವಿದ್ದು, ಒಂದು ವರ್ಷದ ಬಜೆಟ್ ಮಾಡಿರುವುದು ವ್ಯರ್ಥ ಕಸರತ್ತು ಎಂದು ವಿಧಾನ ಪರಿಷತ್‌ ಸದಸ್ಯ ವಿಧಾನ ಪರಿಷತ್ತಿನ ಸದಸ್ಯ ಅರುಣ ಶಹಾಪೂರ ಹೇಳಿದ್ದಾರೆ.

ಶಿಕ್ಷಣ ಕ್ಷೇತ್ರಕ್ಕೆ ಲವಲೇಶವೂ ಪ್ರಯೋಜನಕಾರಿಯಾಗಿರುವ ಘೋಷಣೆಯನ್ನು ಮಾಡಿಲ್ಲ. ಕಾಲ್ಪನಿಕ ವೇತನ ಬಡ್ತಿ ಸಮಸ್ಯೆ, ಆರನೇ ವೇತನ ಆಯೋಗದ ಹೊಸ ವೇತನ ಶ್ರೇಣಿಯ ಆಸೆ, 1995 ರ ನಂತರ ಆರಂಭವಾದ ಅನುದಾನ ರಹಿತ ಶಾಲಾ ಕಾಲೇಜುಗಳಿಗೆ ಅನುದಾನದ ವಿಸ್ತರಣೆ, 1987-95ರ ಮಧ್ಯೆ ಪದವಿ ಕಾಲೇಜುಗಳಿಗೆ ಅನುದಾನದ ಒದಗಿಸುವ ಹಾಗೂ ಖಾಲಿ ಹುದ್ದೆಗಳ ಭರ್ತಿ, ಈ ಎಲ್ಲ ಸಮಸ್ಯೆಗಳಿಗೆ ಮಣ್ಣೆರೆಚುವ ಕೆಲಸ ಮಾಡಿದ್ದಾರೆ ಎಂದು ದೂರಿದ್ದಾರೆ.

ಐದು 5 ವರ್ಷಗಳ ಆಡಳಿತ ಮಾಡಿದರೂ ಶಿಕ್ಷಣ ಇಲಾಖೆಯ ಮಟ್ಟಿಗೆ ನಿಷ್ಪ್ರಯೋಜಕ ಸರಕಾರವಾಗಿದ್ದು,ಈ ಬಜೆಟ್ ನಲ್ಲೂ ರಾಜ್ಯದ ಜನತೆಯನ್ನು ಮತ್ತೊಮ್ಮೆ ನಿರಾಸೆಗೊಳಿಸಿದ್ದಾರೆ.