ಪ್ರಧಾನಮಂತ್ರಿ ಆವಾಸ್ ಸಾಲ ಸಬ್ಸಿಡಿ: ಜಿಎಸ್ಟಿ ಇಳಿಕೆ

ಹೊಸದಿಲ್ಲಿ: ಕೇಂದ್ರ ಬಜೆಟ್ಗೆ ಕೆಲ ದಿನಗಳು ಬಾಕಿ ಇರುವಂತೆಯೇ, ಮನೆ ಖರೀದಿಸುವವರಿಗೆ ಕೇಂದ್ರ ಸರಕಾರ ಸಿಹಿ ಸುದ್ದಿ ನೀಡಿದೆ. ಪ್ರಧಾನ ಮಂತ್ರಿ ಆವಾಸ್ ಯೋಜನೆಯಡಿಯಲ್ಲಿ (ಪಿಎಂಎವೈ) ಬರುವ ಸಾಲ ಸಬ್ಸಿಡಿ ಯೋಜನೆ (ಸಿಎಲ್ಎಸ್ಎಸ್) ಮನೆ ಖರೀದಿಸುವವರಿಗೆ ಜಿಎಸ್ಟಿ ದರವನ್ನು ಶೇ.12ರಿಂದ ಶೇ.8ಕ್ಕೆ ಇಳಿಸಲಾಗಿದೆ. ಇದು ಜನವರಿ 25ರಿಂದ ಜಾರಿಯಾಗಿದೆ.

ಸಿಎಲ್ಎಸ್ಎಸ್ ಪದ್ಧತಿಯಡಿಯಲ್ಲಿ ಮನೆ ಖರೀದಿದಾರರು ಶೇ.8ರ ಜಿಎಸ್ಟಿ ನೀಡಿದರೆ ಸಾಕಾಗುತ್ತದೆ. ಹಾಗೂ ಇದು ನಿರ್ಮಾಣ ಹಂತದಲ್ಲಿರುವ ಮನೆ ಅಥವಾ ಸಿಎಲ್ಎಸ್ಎಸ್ ಅಡಿಯಲ್ಲಿ ಖರೀದಿಸಿದ ಮನೆಗೆ ಕೂಡ ಅನ್ವಯವಾಗುತ್ತದೆ ಎಂದು ಸಿಬಿಇಸಿ ಪ್ರಕಟಣೆ ತಿಳಿಸಿದೆ.

ಈ ಜಿಎಸ್ಟಿ ದರ ಇಳಿಕೆಯು ಆರ್ಥಿಕವಾಗಿ ದುರ್ಬಲ ವರ್ಗ (ಇಡಬ್ಲ್ಯುಎಸ್), ಕಡಿಮೆ ಆದಾಯ ಇರುವ ಸಮೂಹ( ಎಲ್ಐಜಿ), ಮಧ್ಯಮ ಆದಾಯ ಸಮೂಹ (ಎಂಐಜಿ-1) ಮತ್ತು ಮಧ್ಯಮ ಆದಾಯ ಸಮೂಹ-2 (ಎಂಐಜಿ-2) ವರ್ಗಕ್ಕೂ ಅನ್ವಯವಾಗುತ್ತದೆ ಎಂದಿದೆ.