ಮದ್ಯ ಸೇವನೆ ಎರಡು ಪಟ್ಟು ಹೆಚ್ಚಳ!

ಹೊಸದಿಲ್ಲಿ : ಮದ್ಯದ ವಹಿವಾಟು ಭಾರತದಲ್ಲಿ ಏರುತ್ತಲೇ ಇದೆ. 2005 ಮತ್ತು 2016ರ ಅವಧಿಗೆ ಹೋಲಿಸಿದರೆ, ಮದ್ಯಪಾನದ ತಲಾ ಬಳಕೆ ದೇಶದಲ್ಲಿ ಇಮ್ಮಡಿಗೂ ಅಧಿಕವಾಗಿದೆ. 2005ರಲ್ಲಿ 2.4 ಲೀಟರ್‌ ಇದ್ದದ್ದು , 2016ರ ವೇಳೆಗೆ 5.7 ಲೀಟರ್‌ಗೆ ಏರಿದೆ.

ವಿಶ್ವ ಆರೋಗ್ಯ ಸಂಸ್ಥೆ(ಡಬ್ಲ್ಯುಎಚ್‌ಒ) ವರದಿ ಪ್ರಕಾರ, 2016ರ ತಲಾ ಬಳಕೆಯ 5.7 ಲೀಟರ್‌ನಲ್ಲಿ ಪುರುಷರು 4.2 ಲೀಟರ್‌ ಸೇವಿಸಿದ್ದಾರೆ. 1.5 ಲೀಟರ್‌ ಮದ್ಯ ಮಹಿಳೆಯರ ಪಾಲಾಗಿದೆ.

ಆಗ್ನೇಯ ಏಷ್ಯಾ ವಲಯದಲ್ಲಿ 2025ರ ಹೊತ್ತಿಗೆ ಮದ್ಯ ಸೇವನೆ ಗಣನೀಯವಾಗಿ ಏರಿಕೆಯಾಗಲಿದೆ. ಇದರ ಒಟ್ಟು ಭಾಗದಲ್ಲಿ ಭಾರತದ ಪಾಲೇ ದೊಡ್ಡದಾಗಲಿದೆ. ಭಾರತದ ನಂತರದ ಸ್ಥಾನದಲ್ಲಿ ಇಂಡೋನೇಷ್ಯಾ ಮತ್ತು ಥಾಯ್ಲೆಂಡ್‌ಗಳು ಇರಲಿವೆ ಎಂದು ವರದಿಯಲ್ಲಿ ಹೇಳಲಾಗಿದೆ.