ಬೆಂಗಳೂರು: "ಗೌರಿ-ಗಣೇಶ ಹಬ್ಬದ ಹಿನ್ನೆಲೆಯಲ್ಲಿ ಹಾಲಿನಿಂದ ತಯಾರಿಸಿದ 12 ನೂತನ ಉತ್ಪನ್ನಗಳನ್ನು ಮಾರುಕಟ್ಟೆಗೆ ಬಿಡುಗಡೆ ಮಾಡಿದ್ದು, ಈ ಉತ್ಪನ್ನಗಳನ್ನು ಖರೀದಿಸುವ ಮೂಲಕ ರಾಜ್ಯದ ರೈತರ ಆರ್ಥಿಕ ಮತ್ತು ಸಾಮಾಜಿಕ ಬದುಕಿನ ಸುಧಾರಣೆಗೆ ಸ್ಪಂದಿಸಬೇಕು," ಎಂದು ರಾಜ್ಯ ಹಾಲು ಮಹಾಮಂಡಳದ (ಕೆಎಂಎಫ್‌) ವ್ಯವಸ್ಥಾಪಕ ನಿರ್ದೇಶಕ ಬಿ.ಸಿ. ಸತೀಶ್‌ ಮನವಿ ಮಾಡಿದರು.
"ಗ್ರಾಹಕರ ಅಭಿರುಚಿಗೆ ತಕ್ಕಂತೆ ಹಾಲಿನಿಂದ ಸಿದ್ಧಪಡಿಸಲಾದ 8 ಬಗೆಯ ಸಿಹಿ ತಿನಿಸುಗಳು, 2 ಬಗೆಯ ಬಿಸ್ಕತ್‌, ಪನ್ನೀರ್‌ ಮುರುಕು ಮತ್ತು ಗುಡ್‌ಲೈಫ್‌ ಚಾಕೊಲೇಟ್‌ಗಳನ್ನು ಮಾರುಕಟ್ಟೆಗೆ ಪರಿಚಯಿಸಲಾಗಿದೆ," ಎಂದು ತಿಳಿಸಿದರು.
ದಸರಾದಲ್ಲಿ ಕೆಎಂಎಫ್‌ ಟ್ಯಾಬ್ಲೊ
"ಮೈಸೂರಿನ ಜಂಬೂ ಸವಾರಿಯಲ್ಲಿ ಮೊದಲ ಬಾರಿಗೆ ಕೆಎಂಎಫ್‌ನ ಸ್ತಬ್ಧಚಿತ್ರ (ಟ್ಯಾಬ್ಲೊ) ಭಾಗಿಯಾಗಲಿದೆ. ಕೆಎಂಎಫ್‌ ಮತ್ತು ರಾಜ್ಯದ ಎಲ್ಲಾ ಹಾಲು ಒಕ್ಕೂಟಗಳ ಹಾಲು ಉತ್ಪಾದಕರ ಹಾಗೂ ಕಾರ್ಮಿಕರ ಚಟುವಟಿಕೆಗಳನ್ನು ಟ್ಯಾಬ್ಲೊ ಮೂಲಕ ಪ್ರಸ್ತುತಪಡಿಸಲಾಗುತ್ತದೆ. ನಂದಿನಿ ಉತ್ಪನ್ನಗಳ ಮಳಿಗೆಯನ್ನೂ ಅಲ್ಲಿ ತೆರೆಯಲಾಗುತ್ತದೆ," ಎಂದು ವಿವರಿಸಿದರು.
ಸಮ್ಮೇಳನ
"ಹೊಸದಿಲ್ಲಿಯಲ್ಲಿ ಸೆ. 12 ರಿಂದ 15ರವರೆಗೆ ಅಂತಾರಾಷ್ಟ್ರೀಯ ಡೇರಿ ಸಮ್ಮೇಳನ ನಡೆಯಲಿದೆ. ಪ್ರಧಾನಿ ನರೇಂದ್ರ ಮೋದಿ, ಕೇಂದ್ರ ಗೃಹ ಸಚಿವ ಅಮಿತ್‌ ಶಾ, ಕೇಂದ್ರದ ಪಶು ಸಂಗೋಪನಾ ಸಚಿವರು, ಕರ್ನಾಟಕ, ಉತ್ತರ ಪ್ರದೇಶ ಮತ್ತು ಗುಜರಾತ್‌ ಮುಖ್ಯಮಂತ್ರಿಗಳು ಸಮ್ಮೇಳನದಲ್ಲಿ ಭಾಗವಹಿಸುತ್ತಾರೆ. ಸಮ್ಮೇಳನದಲ್ಲಿ ಕೆಎಂಎಫ್‌ನ 15 ಹೊಸ ಉತ್ಪನ್ನಗಳನ್ನು ಬಿಡುಗಡೆ ಮಾಡಲಾಗುತ್ತದೆ," ಎಂದು ವಿವರ ನೀಡಿದರು.
"ರಾಜ್ಯದ ಜತೆಗೆ ದೇಶದೆಲ್ಲೆಡೆ ಕೆಎಂಎಫ್‌ನ ಮಾರಾಟ ಜಾಲ ವಿಸ್ತರಿಸಿದೆ. ಮುಂಬಯಿ, ಕೇರಳ, ತಮಿಳುನಾಡು, ತೆಲಂಗಾಣ, ಗೋವಾ, ಮಹಾರಾಷ್ಟ್ರ ಸೇರಿದಂತೆ ಹೊರ ರಾಜ್ಯಗಳಲ್ಲಿ ದಿನಕ್ಕೆ 5 ಲಕ್ಷ ಲೀಟರ್‌ ಹಾಲು ಮಾರಾಟವಾಗುತ್ತಿದೆ. 2023ರ ಜ.1ರ ವೇಳೆಗೆ ಹೊಸದಿಲ್ಲಿಯಲ್ಲಿ ಮಹಾಮಂಡಳದಿಂದ ದಿನಕ್ಕೆ 5 ಲಕ್ಷ ಲೀಟರ್‌ ಹಾಲು ಮಾರಾಟ ಮಾಡುವ ಗುರಿಯಿದೆ. ಜತೆಗೆ ಪಶ್ಚಿಮ ಬಂಗಾಳ, ಉತ್ತರ ಪ್ರದೇಶ ಸೇರಿದಂತೆ ಉತ್ತರ ಭಾರತದ 5 ರಾಜ್ಯಗಳಲ್ಲಿ ಹಾಲು ಮಾರುವ ಗುರಿಯಿದೆ," ಎಂದು ವಿವರಿಸಿದರು.
"ಹೊಸದಿಲ್ಲಿ ಮಾರುಕಟ್ಟೆಯಲ್ಲಿನಂದಿನಿ ಬ್ರಾಂಡ್‌ನ ಪಿಜ್ಜಾ ಮತ್ತು ಚಾಕೊಲೇಟ್‌ ಬಿಡುಗಡೆ ಮಾಡುತ್ತೇವೆ. ಕಳೆದ 3 ತಿಂಗಳಲ್ಲಿ 50 ಮೆಟ್ರಿಕ್‌ ಟನ್‌ ಚಾಕೊಲೇಟ್‌ ಮಾರಾಟವಾಗಿದೆ. ಡಿಸೆಂಬರ್‌ ವೇಳೆಗೆ 100 ಮೆಟ್ರಿಕ್‌ ಟನ್‌ ಚಾಕೊಲೇಟ್‌ ಮಾರಾಟ ಮಾಡಲು ಯೋಜಿಸಲಾಗಿದೆ. ಯುವಕ-ಯುವತಿಯರನ್ನು ಆಕರ್ಷಿಸಲು ಹಾಸನ, ಮಂಗಳೂರು ಮತ್ತು ಕೇರಳದಲ್ಲಿ ಸೆಪ್ಟೆಂಬರ್‌ನಲ್ಲಿ ನಂದಿನಿ ಕೆಫೆಗಳನ್ನು ಆರಂಭಿಸಲಾಗುತ್ತದೆ," ಎಂದು ಮಾಹಿತಿ ನೀಡಿದರು.
"ಗ್ರಾಹಕರ ಅಭಿರುಚಿಗೆ ತಕ್ಕಂತೆ ಹಾಲಿನಿಂದ ಸಿದ್ಧಪಡಿಸಲಾದ 8 ಬಗೆಯ ಸಿಹಿ ತಿನಿಸುಗಳು, 2 ಬಗೆಯ ಬಿಸ್ಕತ್‌, ಪನ್ನೀರ್‌ ಮುರುಕು ಮತ್ತು ಗುಡ್‌ಲೈಫ್‌ ಚಾಕೊಲೇಟ್‌ಗಳನ್ನು ಮಾರುಕಟ್ಟೆಗೆ ಪರಿಚಯಿಸಲಾಗಿದೆ," ಎಂದು ತಿಳಿಸಿದರು.
ದಸರಾದಲ್ಲಿ ಕೆಎಂಎಫ್‌ ಟ್ಯಾಬ್ಲೊ
"ಮೈಸೂರಿನ ಜಂಬೂ ಸವಾರಿಯಲ್ಲಿ ಮೊದಲ ಬಾರಿಗೆ ಕೆಎಂಎಫ್‌ನ ಸ್ತಬ್ಧಚಿತ್ರ (ಟ್ಯಾಬ್ಲೊ) ಭಾಗಿಯಾಗಲಿದೆ. ಕೆಎಂಎಫ್‌ ಮತ್ತು ರಾಜ್ಯದ ಎಲ್ಲಾ ಹಾಲು ಒಕ್ಕೂಟಗಳ ಹಾಲು ಉತ್ಪಾದಕರ ಹಾಗೂ ಕಾರ್ಮಿಕರ ಚಟುವಟಿಕೆಗಳನ್ನು ಟ್ಯಾಬ್ಲೊ ಮೂಲಕ ಪ್ರಸ್ತುತಪಡಿಸಲಾಗುತ್ತದೆ. ನಂದಿನಿ ಉತ್ಪನ್ನಗಳ ಮಳಿಗೆಯನ್ನೂ ಅಲ್ಲಿ ತೆರೆಯಲಾಗುತ್ತದೆ," ಎಂದು ವಿವರಿಸಿದರು.
ಸಮ್ಮೇಳನ
"ಹೊಸದಿಲ್ಲಿಯಲ್ಲಿ ಸೆ. 12 ರಿಂದ 15ರವರೆಗೆ ಅಂತಾರಾಷ್ಟ್ರೀಯ ಡೇರಿ ಸಮ್ಮೇಳನ ನಡೆಯಲಿದೆ. ಪ್ರಧಾನಿ ನರೇಂದ್ರ ಮೋದಿ, ಕೇಂದ್ರ ಗೃಹ ಸಚಿವ ಅಮಿತ್‌ ಶಾ, ಕೇಂದ್ರದ ಪಶು ಸಂಗೋಪನಾ ಸಚಿವರು, ಕರ್ನಾಟಕ, ಉತ್ತರ ಪ್ರದೇಶ ಮತ್ತು ಗುಜರಾತ್‌ ಮುಖ್ಯಮಂತ್ರಿಗಳು ಸಮ್ಮೇಳನದಲ್ಲಿ ಭಾಗವಹಿಸುತ್ತಾರೆ. ಸಮ್ಮೇಳನದಲ್ಲಿ ಕೆಎಂಎಫ್‌ನ 15 ಹೊಸ ಉತ್ಪನ್ನಗಳನ್ನು ಬಿಡುಗಡೆ ಮಾಡಲಾಗುತ್ತದೆ," ಎಂದು ವಿವರ ನೀಡಿದರು.
"ರಾಜ್ಯದ ಜತೆಗೆ ದೇಶದೆಲ್ಲೆಡೆ ಕೆಎಂಎಫ್‌ನ ಮಾರಾಟ ಜಾಲ ವಿಸ್ತರಿಸಿದೆ. ಮುಂಬಯಿ, ಕೇರಳ, ತಮಿಳುನಾಡು, ತೆಲಂಗಾಣ, ಗೋವಾ, ಮಹಾರಾಷ್ಟ್ರ ಸೇರಿದಂತೆ ಹೊರ ರಾಜ್ಯಗಳಲ್ಲಿ ದಿನಕ್ಕೆ 5 ಲಕ್ಷ ಲೀಟರ್‌ ಹಾಲು ಮಾರಾಟವಾಗುತ್ತಿದೆ. 2023ರ ಜ.1ರ ವೇಳೆಗೆ ಹೊಸದಿಲ್ಲಿಯಲ್ಲಿ ಮಹಾಮಂಡಳದಿಂದ ದಿನಕ್ಕೆ 5 ಲಕ್ಷ ಲೀಟರ್‌ ಹಾಲು ಮಾರಾಟ ಮಾಡುವ ಗುರಿಯಿದೆ. ಜತೆಗೆ ಪಶ್ಚಿಮ ಬಂಗಾಳ, ಉತ್ತರ ಪ್ರದೇಶ ಸೇರಿದಂತೆ ಉತ್ತರ ಭಾರತದ 5 ರಾಜ್ಯಗಳಲ್ಲಿ ಹಾಲು ಮಾರುವ ಗುರಿಯಿದೆ," ಎಂದು ವಿವರಿಸಿದರು.
"ಹೊಸದಿಲ್ಲಿ ಮಾರುಕಟ್ಟೆಯಲ್ಲಿನಂದಿನಿ ಬ್ರಾಂಡ್‌ನ ಪಿಜ್ಜಾ ಮತ್ತು ಚಾಕೊಲೇಟ್‌ ಬಿಡುಗಡೆ ಮಾಡುತ್ತೇವೆ. ಕಳೆದ 3 ತಿಂಗಳಲ್ಲಿ 50 ಮೆಟ್ರಿಕ್‌ ಟನ್‌ ಚಾಕೊಲೇಟ್‌ ಮಾರಾಟವಾಗಿದೆ. ಡಿಸೆಂಬರ್‌ ವೇಳೆಗೆ 100 ಮೆಟ್ರಿಕ್‌ ಟನ್‌ ಚಾಕೊಲೇಟ್‌ ಮಾರಾಟ ಮಾಡಲು ಯೋಜಿಸಲಾಗಿದೆ. ಯುವಕ-ಯುವತಿಯರನ್ನು ಆಕರ್ಷಿಸಲು ಹಾಸನ, ಮಂಗಳೂರು ಮತ್ತು ಕೇರಳದಲ್ಲಿ ಸೆಪ್ಟೆಂಬರ್‌ನಲ್ಲಿ ನಂದಿನಿ ಕೆಫೆಗಳನ್ನು ಆರಂಭಿಸಲಾಗುತ್ತದೆ," ಎಂದು ಮಾಹಿತಿ ನೀಡಿದರು.