ಬ್ಯಾಂಕ್‌ ನೌಕರರಿಗೆ 15% ವೇತನ ಏರಿಕೆ: 10 ಲಕ್ಷ ಉದ್ಯೋಗಿಗಳಿಗೆ ಅನುಕೂಲ!

ಹೊಸದಿಲ್ಲಿ: ಬ್ಯಾಂಕ್‌ ಉದ್ಯೋಗಿಗಳ ವೇತನವನ್ನು ಶೇ.15ರಷ್ಟು ಏರಿಕೆ ಮಾಡುವ ಒಪ್ಪಂದಕ್ಕೆ ಬ್ಯಾಂಕ್‌ ಉದ್ಯೋಗಿಗಳ ಸಂಘಟನೆಗಳು ಮತ್ತು ಭಾರತೀಯ ಬ್ಯಾಂಕ್‌ಗಳ ಸಂಸ್ಥೆ(ಐಬಿಎ) ಸಮ್ಮತಿಸಿವೆ. ಇದರಿಂದ 10 ಲಕ್ಷ ಬ್ಯಾಂಕ್‌ ಉದ್ಯೋಗಿಗಳಿಗೆ ಅನುಕೂಲವಾಗಲಿದೆ.

ವೇತನ ಏರಿಕೆಯಿಂದಾಗಿ ಬ್ಯಾಂಕ್‌ಗಳಿಗೆ ವಾರ್ಷಿಕ 7,900 ಕೋಟಿ ರೂ. ಹೆಚ್ಚಿನ ಹೊರೆ ಬೀಳಲಿದೆ. ವೇತನ ಏರಿಕೆಯು 2017ರ ನವೆಂಬರ್‌ 1ರಿಂದ ಅನ್ವಯವಾಗಲಿದೆ. ಬ್ಯಾಂಕ್‌ ಪ್ರತಿನಿಧಿಗಳ ಸಂಘಟನೆಯಾದ ಐಬಿಎ ಜೊತೆ ಉದ್ಯೋಗಿಗಳ ಸಂಘಟನೆಗಳ ಒಕ್ಕೂಟವಾದ ಯುಎಫ್‌ಬಿಯು ನಡೆಸಿದ ಮಾತುಕತೆ ಫಲಿಸಿದೆ.

ವಾರ್ಷಿಕ ವೇತನ ಏರಿಕೆಗೆ ಕೊನೆಗೂ ಅನುಮೋದನೆ ಸಿಕ್ಕಿದಂತಾಗಿದೆ. ಅಲ್ಲದೇ, 'ಕಾರ್ಯಕ್ಷಮತೆ ಸಂಬಂಧಿ ಇನ್ಷೆಂಟೀವ್‌'(ಪಿಎಲ್‌ಐ) ನೀಡುವ ಯೋಜನೆಯನ್ನೂ ಜಾರಿಗೊಳಿಸಲಾಗುತ್ತಿದೆ. ಸರಕಾರಿ ಸ್ವಾಮ್ಯದ ಬ್ಯಾಂಕ್‌ಗಳ ಪಾಲಿಗೆ ಇದು ಹೊಸತು. ಬ್ಯಾಂಕ್‌ಗಳ ವಾರ್ಷಿಕ ನಿವ್ವಳ ಲಾಭ ಆಧರಿಸಿ ಇದು ನಿರ್ಧಾರವಾಗುತ್ತದೆ.

ಮತ್ತೆ ಪುಟಿದೇಳಲಿದೆ ಕಾಫಿ ಡೇ ಉದ್ಯೋಗಿಗಳಿಗೆ ಮಾಲವಿಕಾ ಹೆಗ್ಡೆ ಪತ್ರ

ಕಳೆದ ಕೆಲವು ತ್ರೈಮಾಸಿಕಗಳಲ್ಲಿ ಬಹುತೇಕ ಸಾರ್ವಜನಿಕ ಬ್ಯಾಂಕುಗಳು ಭಾರೀ ನಷ್ಟವನ್ನು ವರದಿ ಮಾಡಿವೆ. ಈ ಸಂದರ್ಭದಲ್ಲಿಯೂ ನೌಕರರಿಗೆ ವೇತನ ಹೆಚ್ಚಳ ಮಾಡಲಾಗಿದೆ. "ಹೆಚ್ಚಳವು ನಿರೀಕ್ಷೆಯಂತೆ ಬ್ಯಾಂಕುಗಳ ಮೇಲೆ ಹೊರೆಯಾಗುವುದಿಲ್ಲ ಮತ್ತು ಅದಕ್ಕೆ ಅನುಗುಣವಾಗಿ ನಿಬಂಧನೆಗಳನ್ನು ಮಾಡಿದೆ" ಎಂದು ಬ್ಯಾಂಕಿಂಗ್ ಮೂಲಗಳು ತಿಳಿಸಿವೆ.