ಮುಂಬಯಿ: 2,000 ಕೋಟಿ ರೂ. ಹಗರಣ ಪತ್ತೆ

ಮುಂಬಯಿ: ಮುಂಬಯಿನ ಪ್ರಖ್ಯಾತ ವಜ್ರದ ವ್ಯಾಪಾರದ ತಾಣ, ಭಾರತ್‌ ಡೈಮಂಡ್‌ ಬೋರ್ಸ್‌ (ಬಿಡಿಬಿ) ಕೇಂದ್ರದಲ್ಲಿ 2,000 ಕೋಟಿ ರೂ.ಗಳ ಅಕ್ರಮ ಹಣ ವರ್ಗಾವಣೆಯ ಜಾಲವನ್ನು ಕಂದಾಯ ವಿಚಕ್ಷಣ ನಿರ್ದೇಶನಾಲಯ ಪತ್ತೆ ಹಚ್ಚಿದೆ. ಈ ಸಂಬಂಧ ನಾಲ್ವರನ್ನು ಬಂಧಿಸಲಾಗಿದೆ.

ಬಾಂದ್ರಾ ಕುರ್ಲಾ ಕಾಂಪ್ಲೆಕ್ಸ್‌ನಲ್ಲಿನ ಬಿಡಿಬಿ ಕೇಂದ್ರಕ್ಕೆ ಇಲಾಖೆಯ ಅಧಿಕಾರಿಗಳು ದಾಳಿ ನಡೆಸಿದಾಗ ಈ ಹಗರಣ ಬಯಲಾಗಿದೆ. ದುಬೈ, ಹಾಂಕಾಂಗ್‌ ಇತ್ಯಾದಿ ಕಡೆಗಳಿಂದ ಆಮದು ಮಾಡಿಕೊಳ್ಳುತ್ತಿದ್ದ ಕಳಪೆ ಕಚ್ಚಾ ವಜ್ರಗಳಿಗೆ ಭಾರಿ ಮೌಲ್ಯವನ್ನು ನಿಗದಿಪಡಿಸುತ್ತಿದ್ದುದನ್ನು ಪತ್ತೆ ಹಚ್ಚಿದ ಅಧಿಕಾರಿಗಳಿಗೆ, ಇದರ ಹಿಂದೆ ಅಂದಾಜು 2,000 ಕೋಟಿ ರೂ. ಮೌಲ್ಯದ ಅಕ್ರಮ ವರ್ಗಾವಣೆಯ ವಂಚನೆ ನಡೆದಿರುವುದು ಗೊತ್ತಾಗಿದೆ.