ಸೆಪ್ಟೆಂಬರ್‌ 26ರಿಂದ ಬ್ಯಾಂಕ್‌ಗಳಿಗೆ ಸಾಲು ಸಾಲು ರಜೆ

ಮುಂಬಯಿ: ಬ್ಯಾಂಕ್ ವಹಿವಾಟುಗಳು ಏನೇ ಇದ್ದರೂ ಜನರು ಮುಂದಿನ ವಾರದಲ್ಲಿ ಮುಗಿಸಿಕೊಳ್ಳುವುದು ಒಳಿತು. ಏಕೆಂದರೆ ಸಾಲು ಸಾಲು ರಜೆ ಬರಲಿದೆ.

ಸೆಪ್ಟೆಂಬರ್‌ 26ರಿಂದ ಐದು ದಿನ ಬ್ಯಾಂಕಿಂಗ್‌ ವ್ಯವಹಾರ ಕಷ್ಟಸಾಧ್ಯ.

ಏಕೆಂದರೆ, ಬ್ಯಾಂಕ್‌ ಮುಷ್ಕರ ಹಿನ್ನೆಲೆಯಲ್ಲಿ ಮಾಸಾಂತ್ಯ ಸುದೀರ್ಘ ರಜೆ ಇದೆ. ಸಾಲು ಸಾಲು ರಜೆಗಳಿಂದ ಚೆಕ್‌ ಕ್ಲಿಯರೆನ್ಸ್‌, ನಗದು-ಜಮೆ ಸೇರಿದಂತೆ ಬ್ಯಾಂಕಿಂಗ್‌ ವ್ಯವಹಾರಗಳಿಗೆ ಅಡಚಣೆಯಾಗಬಹುದು. ಎಟಿಎಂಗಳಿಗೆ ಹಣ ತುಂಬುವ ಪ್ರಕ್ರಿಯೆಗೂ ತೊಡಕಾಗಿ, ಹಣದ ಕೊರತೆ ಉಂಟಾಗಬಹುದು.

ಸೆಪ್ಟೆಂಬರ್‌ 26, 27 ರಂದು ಬ್ಯಾಂಕ್‌ ಮುಷ್ಕರ ಇರಲಿದೆ. ಆ ನಂತರ 28, 29 ನಾಲ್ಕನೇ ಶನಿವಾರ, ಭಾನುವಾರ. ಅಂದು ಕಚೇರಿಗಳಿಗೆ ಬೀಗ.

ಇನ್ನು ಸೆಪ್ಟೆಂಬರ್‌ 30 ಬ್ಯಾಂಕ್‌ ವ್ಯವಹಾರದ ಅರ್ಧವಾರ್ಷಿಕ ದಿನ. ಬ್ಯಾಂಕ್‌ಗಳು ಕಾರ್ಯ ನಿರ್ವಹಿಸಿದರೂ ಗ್ರಾಹಕರಿಗೆ ಯಾವುದೇ ಸೇವೆ ಲಭ್ಯವಿರುವುದಿಲ್ಲ.

ಹೀಗಾಗಿ ಮುಂಜಾಗ್ರತೆ ವಹಿಸಿಕೊಂಡು ಬ್ಯಾಂಕ್‌ ವಹಿವಾಟುಗಳನ್ನು ಆದಷ್ಟು ಬೇಗ ಮುಗಿಸಿಕೊಂಡರೆ ಕ್ಷೇಮ.

ಹೀಗಿದೆ ರಜಾ ದಿನಗಳು

ಸೆ.26, 27: ಬ್ಯಾಂಕ್‌ ಮುಷ್ಕರ

ಸೆ.28: ನಾಲ್ಕನೇ ಶನಿವಾರ

ಸೆ. 29: ಭಾನುವಾರ

ಸೆ.30: ಬ್ಯಾಂಕ್‌ ಅರ್ಧ ವಾರ್ಷಿಕ ದಿನ