ನ್ಯೂಯಾರ್ಕ್‌: ಮಹಿಳೆಯರು ಐಟಿ ಕ್ಷೇತ್ರದಲ್ಲಿ ಕೆಲಸ ಮಾಡಲು ನಾಲಾಯಕ್‌ ಎಂದು ಹೇಳುವ ಮೂಲಕ ವಿವಾದ ಸೃಷ್ಟಿಸಿದ್ದ ಗೂಗಲ್‌ ಎಂಜಿನಿಯರ್‌ವೊಬ್ಬರನ್ನು ಉದ್ಯೋಗದಿಂದ ವಜಾಗೊಳಿಸಲಾಗಿದೆ. ಗೂಗಲ್‌ ಸಿಇಒ ಸುಂದರ್‌ ಪಿಚ್ಬೆೃ ಅವರು ಈ ಬಗ್ಗೆ ಗಮನ ಹರಿಸಿದ್ದು, ಉದ್ಯೋಗಿಗಳಿಗೆ ತಮ್ಮ ಕಂಪನಿಯ ನಿಲುವು ವಿವರಿಸಿ ಇಮೇಲ್‌ ರವಾನಿಸಿದ್ದಾರೆ ಎಂದು ಮಾಧ್ಯಮ ವರದಿಗಳು ಹೇಳಿವೆ.
ಪ್ರತಿಷ್ಠಿತ ಗೂಗಲ್‌ ಸಂಸ್ಥೆಯಲ್ಲಿ ಸಾಫ್ಟ್‌ವೇರ್‌ ಇಂಜನಿಯರ್‌ ಆಗಿದ್ದ ಜೇಮ್ಸ್‌ ಡ್ಯಾಮೊರ್‌ ಎಂಬಾತ, 'Google idealogical echo chamber' ಎಂಬ ಪ್ರಬಂಧದಲ್ಲಿ ಮಹಿಳೆಯರು ಐಟಿ ಕ್ಷೇತ್ರದಲ್ಲಿ ಕೆಲಸ ನಿರ್ವಹಿಸಲು ಸೂಕ್ತರಲ್ಲ ಎಂದು ದಾಖಲಿಸಿದ್ದ. ಇದೇ ಕಾರಣದಿಂದ ಗೂಗಲ್‌ ಕಂಪನಿಯ ತಾಂತ್ರಿಕ ತಂಡದ ಉನ್ನತ ಹುದ್ದೆಗಳಲ್ಲಿ ಮಹಿಳೆಯರು ಸ್ಥಾನ ಪಡೆಯಲು ಸಾಧ್ಯವಾಗಿಲ್ಲ ಎಂದು ವಿವರಿಸಿರುವುದು ಸಾಮಾಜಿಕ ಜಾಲತಾಣಗಳಿಗೆ ಸೋರಿಕೆಯಾಗಿ ವಿವಾದ ಸೃಷ್ಟಿಯಾಗಿತ್ತು.
''ಉದ್ಯಮದ ನಾಯಕತ್ವ ಸ್ಥಾನಗಳಲ್ಲಿ ಮಹಿಳೆಯರ ಸಂಖ್ಯೆ ಕಡಿಮೆಯಾಗಲು ಅವರ ಜೈವಿಕ ಅಂಶಗಳು ಕಾರಣ. ಗೂಗಲ್‌ ಸಂಸ್ಥೆಯೂ ಲಿಂಗ ವೈವಿಧ್ಯತೆ ಹೆಚ್ಚಿಸುವ ಯತ್ನವನ್ನು ನಿಲ್ಲಿಸಬೇಕು,'' ಎಂದು ಜೇಮ್ಸ್‌ ಪ್ರತಿಪಾದಿಸಿದ್ದ. ಈ ಬೆಳವಣಿಗೆಯನ್ನು ಲಿಂಗ ತಾರತಮ್ಯ ಎಂದು ಸಾಮಾಜಿಕ ಮಾಧ್ಯಮಗಳಲ್ಲಿ ಕರೆದು ಖಂಡಿಸಲಾಗಿತ್ತು.
Google techie fired from the job