ಜು.1ರಿಂದ ಆಧಾರ್‌-ಪಾನ್ ಜೋಡಣೆ ಕಡ್ಡಾಯ

ಹೊಸದಿಲ್ಲಿ: ತೆರಿಗೆ ಪಾವತಿದಾರರು ಆಧಾರ್‌ ಸಂಖ್ಯೆಗೆ ಪಾನ್‌ ಕಾರ್ಡ್‌ ಜೋಡಣೆ ಮಾಡುವುದನ್ನು ಸರಕಾರ ಜುಲೈ1ರಿಂದ ಕಡ್ಡಾಯಗೊಳಿಸಿದೆ.

ಆದಾಯ ತೆರಿಗೆ ನಿಯಮಗಳ ತಿದ್ದುಪಡಿ ಸಂಬಂಧ ಕೇಂದ್ರ ಸರಕಾರ ಅಧಿಸೂಚನೆ ಹೊರಡಿಸಿದೆ. ಕಾಯಂ ಖಾತೆ ಸಂಖ್ಯೆ (ಪಾನ್‌) ಜತೆಗೆ 12 ಅಂಕಿಗಳ ಆಧಾರ್‌ ಸಂಖ್ಯೆ ನೀಡುವುದು ಕಡ್ಡಾಯ ಎಂದು ಅಧಿಸೂಚನೆಯಲ್ಲಿ ಹೇಳಲಾಗಿದೆ.

ಆನ್‌ಲೈನ್‌ನಲ್ಲಿ ನಿಮ್ಮ ಆಧಾರ್‌ ವಿವರ ಪರಿಷ್ಕರಣೆ ಸುಲಭ

2017-18ರ ಹಣಕಾಸು ವಿಧೇಯಕ ತೆರಿಗೆ ಪ್ರಸ್ತಾವನೆ ತಿದ್ದುಪಡಿ ಮೂಲಕ ವಿತ್ತ ಸಚಿವ ಅರುಣ್‌ ಜೇಟ್ಲಿ, ಆದಾಯ ತೆರಿಗೆ ಪಾವತಿ ಮಾಡುವ ವೇಳೆಯಲ್ಲೇ ಆಧಾರ್‌ ಕಡ್ಡಾಯಗೊಳಿಸಿದ್ದರು. ಜತೆಗೆ, ಹಲವು ಪಾನ್‌ ಕಾರ್ಡ್‌ ಬಳಸಿ ತೆರಿಗೆ ವಂಚನೆ ತಪ್ಪಿಸಲು ಆಧಾರ್‌ ಜೋಡಣೆ ಮಾಡಲು ಉದ್ದೇಶಿಸಲಾಗಿದೆ ಎಂದು ಹೇಳಿದ್ದರು. ಈಗ ಈ ಸಂಬಂಧ ಅಧಿಸೂಚನೆ ಹೊರಡಿಸಲಾಗಿದೆ.

ಲಿಂಕ್‌ ಮಾಡುವುದು ಹೇಗೆ ವೀಡಿಯೋ ನೋಡಿ: