ಹೊಸದಿಲ್ಲಿ: ಆಧಾರ್ ಕಾರ್ಡ್ ಸಂಪೂರ್ಣ ಸುರಕ್ಷಿತ ಎಂದು ವಿಶಿಷ್ಟ ಗುರುತಿನ ಚೀಟಿ ಪ್ರಾಧಿಕಾರ (ಯುಐಡಿಎಐ) ಸೋಮವಾರ ಹೇಳಿದೆ.
ಆಧಾರ್ ಸಂಖ್ಯೆ ಎನ್ನುವುದು ಯಾವುದೇ ರಹಸ್ಯ ಸಂಖ್ಯೆಯಲ್ಲ. ಆದ್ದರಿಂದ ಅಧಿಕೃತ ಇಲಾಖೆಗಳು, ಸಂಸ್ಥೆಗಳಿಗೆ ಇದನ್ನು ನೀಡಬಹುದು. ಕೆಲವು ಸೇವೆ ಸೌಲಭ್ಯಗಳನ್ನು ಪಡೆಯಬೇಕಾದ ಸಂದರ್ಭ ಆಧಾರ್ ಸಂಖ್ಯೆ ನೀಡಬೇಕಾಗುತ್ತದೆ ಎಂದು ಪ್ರಾಧಿಕಾರ ಹೇಳಿದೆ.
''ಆಧಾರ್ನಲ್ಲಿಒರುವ ಮಾಹಿತಿಗಳು ಸಂಪೂರ್ಣ ಸುರಕ್ಷಿತವಾಗಿದೆ. ಯುಐಡಿಎಐನ ದತ್ತಾಂಶ ಅಥವಾ ಸರ್ವರ್ನಿಂದ ಇದು ಸೋರಿಕೆಯಾಗಿಲ್ಲ'' ಎಂದು ಆರ್ಟಿಐ ಅಡಿಯಲ್ಲಿ ಕೇಳಿದ್ದ ಪ್ರಶ್ನೆಯೊಂದಕ್ಕೆ ಪ್ರಾಧಿಕಾರ ಉತ್ತರಿಸಿದೆ.
ಸುಮಾರು 210 ಕೇಂದ್ರ ಸರಕಾರಿ ಹಾಗೂ ರಾಜ್ಯ ಸರಕಾರಿ ವೆಬ್ಸೈಟ್ಗಳಲ್ಲಿ ನಾನಾ ಯೋಜನೆಗಳಲ್ಲಿ ಫಲಾನುಭವಿಗಳ ಹೆಸರು, ವಿಳಾಸ, ಆಧಾರ್ ಸಂಖ್ಯೆಯನ್ನು ಬಹಿರಂಗಪಡಿಸಿವೆ. ಇದು ಸಾರ್ವಜನಿಕರ ಗಮನಕ್ಕಾಗಿ ಇರುತ್ತದೆ. ಆಧಾರ್ ಸಂಖ್ಯೆಯನ್ನು ಬಹಿರಂಗಪಡಿಸುವುದರಿಂದ ಸಮಸ್ಯೆಯೇನೂ ಇಲ್ಲ ಎಂದು ಪ್ರಾಧಿಕಾರ ಹೇಳಿದೆ.