ಪೆಟ್ರೋಲ್‌ ದರ 19 ಪೈಸೆ, ಡೀಸೆಲ್‌ 28 ಪೈಸೆ ಏರಿಕೆ

ಹೊಸದಿಲ್ಲಿ: ಒಂದೆರಡು ತಿಂಗಳಿಂದ ಇಳಿಕೆಯ ಹಾದಿಯಲ್ಲಿದ್ದ ಪೆಟ್ರೋಲ್‌ ದರ ಶುಕ್ರವಾರ 19 ಪೈಸೆ, ಡೀಸೆಲ್‌ 28 ಪೈಸೆ ಏರಿಕೆಯಾಗಿದೆ. ಇಳಿಕೆಯ ಹಾದಿಯಲ್ಲಿದ್ದ ಇಂಧನಗಳು ಎರಡು ದಿನಗಳಿಂದ ಅಲ್ಪ ಪ್ರಮಾಣದಲ್ಲಿ ಏರಿಕೆಯಾಗಿವೆ.

ರಾಜಧಾನಿ ದಿಲ್ಲಿಯಲ್ಲಿ ಪೆಟ್ರೋಲ್‌ ದರ ರೂ.69.07ಕ್ಕೆ, ಡೀಸೆಲ್‌ ದರ ರೂ.62.81ಕ್ಕೆ ಏರಿವೆ. ಜ.7ರಂದು ಪೆಟ್ರೋಲ್‌ ದರ 21 ಪೈಸೆ, ಡೀಸೆಲ್‌ ದರ 8 ಪೈಸೆ ಏರಿಕೆಯಾಗಿದ್ದವು. ಜ.8 ಮತ್ತು 9ರಂದು ದರಗಳು ಸ್ಥಿರವಾಗಿದ್ದವು.

ಅಂತಾರಾಷ್ಟ್ರೀಯ ಮಾರುಕಟ್ಟೆಯಲ್ಲಿ ಕಚ್ಚಾ ತೈಲ ಏರುತ್ತಿರುವುದು ಪೆಟ್ರೋಲ್‌ ಮತ್ತು ಡೀಸೆಲ್‌ ದರ ಏರಿಕೆಗೆ ಕಾರಣವಾಗಿದೆ. ಈ ತಿಂಗಳಲ್ಲಿನ ಮೂರು ಸಲದ ಏರಿಕೆಗಳಿಂದಾಗಿ ಪೆಟ್ರೋಲ್‌ ದರ ಲೀಟರ್‌ಗೆ ಒಟ್ಟು 78 ಪೈಸೆ, ಡೀಸೆಲ್‌ ದರ 55 ಪೈಸೆ ಏರಿಕೆಯಾದಂತೆ ಆಗಿದೆ.

ಅ.18ರಿಂದ ಈಚೆಗೆ ಇಂಧನ ದರಗಳು ತೀವ್ರ ಇಳಿಕೆಯಾಗಿದ್ದವು. ಅಂದರೆ, ಈ ಅವಧಿಯಲ್ಲಿ ಪೆಟ್ರೋಲ್‌ ದರ ರೂ.14.54, ಡೀಸೆಲ್‌ ದರ ರೂ.13.53ರಷ್ಟು ಇಳಿದಿದ್ದವು.