ಅಮೆರಿಕ ನಿರ್ಬಂಧ: ದೇಶಕ್ಕೆ ಇರಾನ್ ತೈಲ ಖರೀದಿ ಇಳಿಕೆ ಸಾಧ್ಯತೆ

ಹೊಸದಿಲ್ಲಿ: ಕಚ್ಛಾ ತೈಲ ಆಮದು ಕುರಿತಂತೆ ಅಮೆರಿಕದ ನಿರ್ಬಂಧ ವಿಧಿಸುತ್ತಿದ್ದು, ಇರಾನ್‌ನಿಂದ ದೇಶಕ್ಕೆ ಆಮದಾಗುವ ತೈಲ ಇಳಿಕೆಯಾಗುವ ಸಾಧ್ಯತೆಯಿದೆ.

ಸೆಪ್ಟೆಂಬರ್ ಮತ್ತು ಅಕ್ಟೋಬರ್‌ನಲ್ಲಿ ಒಟ್ಟು ತೈಲ ಆಮದು ತಿಂಗಳಿಗೆ 12 ಮಿಲಿಯನ್ ಬ್ಯಾರಲ್‌ಗೂ ಕಡಿಮೆಯಾಗಲಿದೆ ಎನ್ನಲಾಗಿದೆ. ಟೆಹ್ರಾನ್ ಮೇಲೆ ವಿಧಿಸಲಾಗಿದ್ದ ತೈಲ ವ್ಯಾಪಾರ ಕುರಿತ ನಿರ್ಬಂಧವನ್ನು ತೆರವುಗೊಳಿಸಲು ಅಮೆರಿಕ ಮುಂದಾದ ಬೆನ್ನಲ್ಲೇ, ತೈಲದ ಬಾಕಿಯನ್ನು ಇತ್ಯರ್ಥಪಡಿಸಲು ಕೇಂದ್ರ ಸರಕಾರ ಮುಂದಾಗಿದೆ.

2015ರಲ್ಲಿ ಟೆಹ್ರಾನ್ ಮತ್ತು ವಿಶ್ವದ ರಾಷ್ಟ್ರಗಳ ಮೇಲಿನ ಅಣ್ವಸ್ತ್ರ ಒಪ್ಪಂದ ಹೇರಿಕೆಯನ್ನು ತೆರವೊಗೊಳಿಸುತ್ತಿದೆ. ನಂತರ ಆ. 6ರಂದು ಕೆಲವೊಂದು ಆರ್ಥಿಕ ನಿರ್ಬಂಧ ಹೇರಿದ್ದು, ಇರಾನ್ ತೈಲ ಉದ್ಯಮದ ಮೇಲೂ ಪ್ರಭಾವ ಬೀರಲಿದೆ, ನ. 4ರಿಂದ ಅದು ಜಾರಿಗೆ ಬರಲಿದೆ.

ಭಾರತದ ಮೇಲೂ ಅದರ ಪರಿಣಾಮವಾಗಲಿದ್ದು, ಅಮೆರಿಕ ಕಠಿಣ ನಿರ್ಬಂಧ ಹೇರಿದರೆ, ಇರಾನ್‌ ಜತೆಗಿನ ಆಮದನ್ನು ಕಡಿತಗೊಳಿಸಬೇಕಾಗುತ್ತದೆ.

ಏಪ್ರಿಲ್‌ನಿಂದ ಆಗಸ್ಟ್‌ವರೆಗೆ ಭಾರತಕ್ಕೆ ಇರಾನ್‌ನಿಂದ ದಿನಕ್ಕೆ 6,58,000 ಬ್ಯಾರೆಲ್ ತೈಲ ಆಮದಾಗಿದೆ. ಆದರೆ ಸೆಪ್ಟೆಂಬರ್‌ ಮತ್ತು ಅಕ್ಟೋಬರ್‌ನಲ್ಲಿ ಅದು ಸುಮಾರು ಶೇ. 45 ಕಡಿತವಾಗಲಿದ್ದು, 3,60,000 ರಿಂದ 3,70,000 ಬ್ಯಾರೆಲ್‌ಗೆ ಇಳಿಕೆಯಾಗುವ ಸಾಧ್ಯತೆಯಿದೆ.