ಪ್ರವಾಸಕ್ಕೆ ಹೋದವರಿಗೂ ಉದ್ಯೋಗಕ್ಕೆ ಅರ್ಜಿ ಸಲ್ಲಿಸಲು ಅವಕಾಶ, ಅಮೆರಿಕದಿಂದ ಮಹತ್ವದ ತೀರ್ಮಾನ
ಬಿ1 ಅಥವಾ ಬಿ2 ವೀಸಾದಲ್ಲಿ (ಬಿಸಿನೆಸ್ ಅಥವಾ ಪ್ರವಾಸಿ ವೀಸಾ) ಅಮೆರಿಕಕ್ಕೆ ತೆರಳುವ ವ್ಯಕ್ತಿಗಳು ಇನ್ನು ಮುಂದೆ ಹೊಸ ಉದ್ಯೋಗಗಳಿಗೆ ಅರ್ಜಿ ಸಲ್ಲಿಸಬಹುದು. ಅಷ್ಟೇ ಅಲ್ಲ ಸಂದರ್ಶನಗಳಿಗೂ ಹಾಜರಾಗಬಹುದು ಎಂದು ಯುಎಸ್ ಸಿಟಿಜನ್ಶಿಪ್ ಆಂಡ್ ಇಮಿಗ್ರೇಷನ್ ಸರ್ವೀಸಸ್ ಹೇಳಿದೆ.
PTI 23 Mar 2023, 2:48 pm
ಹೈಲೈಟ್ಸ್:
- ಬಿ1 ಅಥವಾ ಬಿ2 ವೀಸಾದಲ್ಲಿ (ಬಿಸಿನೆಸ್ ಅಥವಾ ಪ್ರವಾಸಿ ವೀಸಾ) ಅಮೆರಿಕಕ್ಕೆ ತೆರಳುವ ವ್ಯಕ್ತಿಗಳಿಗೆ ವಿಶೇಷ ಅವಕಾಶ
- ಹೊಸ ಉದ್ಯೋಗಗಳಿಗೆ ಅರ್ಜಿ ಸಲ್ಲಿಸುವುದಷ್ಟೇ ಅಲ್ಲ ಸಂದರ್ಶನಗಳಿಗೂ ಹಾಜರಾಗಲು ಅವಕಾಶ
- ಯುಎಸ್ ಸಿಟಿಜನ್ಶಿಪ್ ಆಂಡ್ ಇಮಿಗ್ರೇಷನ್ ಸರ್ವೀಸಸ್ನಿಂದ ಸ್ಪಷ್ಟನೆ
ವಾಷಿಂಗ್ಟನ್: ಬಿಸಿನೆಸ್ ಅಥವಾ ಪ್ರವಾಸಿ ವೀಸಾದಲ್ಲಿ ಅಂದರೆ ಬಿ1 ಅಥವಾ ಬಿ2 ವೀಸಾದಲ್ಲಿ ಅಮೆರಿಕಕ್ಕೆ ತೆರಳುವ ವ್ಯಕ್ತಿಗಳು ಇನ್ನು ಮುಂದೆ ಹೊಸ ಉದ್ಯೋಗಗಳಿಗೆ ಅರ್ಜಿ ಸಲ್ಲಿಸಬಹುದು ಮತ್ತು ಸಂದರ್ಶನಗಳಿಗೂ ಹಾಜರಾಗಬಹುದು ಎಂದು ಅಲ್ಲಿನ ಸರಕಾರ ಹೇಳಿದೆ. ಆದರೆ ಉದ್ಯೋಗ ಆರಂಭಿಸುವ ಮೊದಲು ಉದ್ಯೋಗ ನೀಡಿದವರು ವೀಸಾವನ್ನು ಬದಲಿಸಿರುವುದನ್ನು ಖಚಿತಪಡಿಸಿಕೊಳ್ಳಬೇಕು ಎಂದು ಹೇಳಿದೆ. ಈ ಬಗ್ಗೆ ಸರಣಿ ಟ್ವೀಟ್ ಮಾಡಿರುವ ಯುಎಸ್ ಸಿಟಿಜನ್ಶಿಪ್ ಆಂಡ್ ಇಮಿಗ್ರೇಷನ್ ಸರ್ವೀಸಸ್ (USCIS), 'ವಲಸೆರಹಿತ ಕಾರ್ಮಿಕರನ್ನು ವಜಾಗೊಳಿಸಿದಾಗ, ಅವರು ತಮ್ಮ ಆಯ್ಕೆಗಳ ಬಗ್ಗೆ ತಿಳಿದಿರುವುದಿಲ್ಲ. ಮತ್ತು ಕೆಲವು ಸಂದರ್ಭಗಳಲ್ಲಿ ಬೇರೆ ಆಯ್ಕೆಯೇ ಇಲ್ಲದೆ 60 ದಿನಗಳಲ್ಲಿ ದೇಶ ತೊರೆಯಬೇಕಾಗುತ್ತದೆ ಎಂದುಕೊಳ್ಳಬಹುದು.'
ಆದರೆ ಗರಿಷ್ಠ 60 ದಿನಗಳ ಗ್ರೇಸ್ ಅವಧಿಯು ಉದ್ಯೋಗ ಕೊನೆಗೊಂಡ ದಿನದಿಂದ ಪ್ರಾರಂಭವಾಗುತ್ತದೆ. ಇದನ್ನು ಸಾಮಾನ್ಯವಾಗಿ ಸಂಬಳ ಅಥವಾ ವೇತನವನ್ನು ಪಾವತಿಸುವ ಕೊನೆಯ ದಿನದ ಆಧಾರದ ಮೇಲೆ ನಿರ್ಧರಿಸಲಾಗುತ್ತದೆ.
ಅಮೆರಿಕಾ ವೀಸಾ ಪಡೆಯಲು ಮೊದಲು ಈ ವಿಷಯಗಳು ತಿಳಿದಿರಬೇಕು?
ವಲಸೆರಹಿತ ಕಾರ್ಮಿಕರ ಉದ್ಯೋಗವನ್ನು ಸ್ವಯಂಪ್ರೇರಣೆಯಿಂದ ಅಥವಾ ಕಂಪನಿಗಳೇ ಕೊನೆಗೊಳಿಸಿದಾಗ, ಅವರು ಸಾಮಾನ್ಯವಾಗಿ ಅಮೆರಿಕದಲ್ಲಿ ಉಳಿಯಲು ಅರ್ಹರಾಗಿದ್ದರೆ ಇದಕ್ಕಾಗಿ ಇರುವ ಹಲವಾರು ಆಯ್ಕೆಗಳಲ್ಲಿ ಒಂದನ್ನು ಬಳಸಿಕೊಳ್ಳಬಹುದು ಎಂದು ಯುಎಸ್ಸಿಐಎಸ್ ಹೇಳಿದೆ.
ವಲಸೆರಹಿತ ಸ್ಟೇಟಸ್ ಬದಲಾವಣೆಗಾಗಿ ಅರ್ಜಿಯನ್ನು ಸಲ್ಲಿಸುವುದು ಇವುಗಳಲ್ಲಿ ಒಂದು. ಸ್ಟೇಟಸ್ ಹೊಂದಾಣಿಕೆಗಾಗಿ ಅರ್ಜಿಯನ್ನು ಸಲ್ಲಿಸಬಹುದು. ಉದ್ಯೋಗದ ಅಧಿಕೃತ ದಾಖಲೆಗಾಗಿ ಅರ್ಜಿಯನ್ನು ಸಲ್ಲಿಸಬಹುದು. ಅಥವಾ ಉದ್ಯೋಗದಾತರನ್ನು ಬದಲಾಯಿಸಲು ಕೂಡ ಅರ್ಜಿ ಗುಜರಾಯಿಸಬಹುದು.
ಇವುಗಳಲ್ಲಿ ಕನಿಷ್ಠ ಒಂದಾದರೂ 60 ದಿನಗಳ ಗ್ರೇಸ್ ಅವಧಿಯ ಒಳಗೆ ಸಂಭವಿಸಿದಲ್ಲಿ ಅಮೆರಿಕದಲ್ಲಿ ವಲಸಿಗರಲ್ಲದವರ ಅಧಿಕೃತ ವಾಸ್ತವ್ಯದ ಅವಧಿಯು 60 ದಿನಗಳನ್ನು ಮೀರಬಹುದು. ಅವರು ತಮ್ಮ ಹಿಂದಿನ ವಲಸೆರಹಿತ ಸ್ಥಿತಿಯನ್ನು ಕಳೆದುಕೊಂಡರೂ ಸಹ ಇದು ಸಾಧ್ಯ ಎಂದು ಯುಎಸ್ಸಿಐಎಸ್ ಹೇಳಿದೆ.
ಗ್ರೇಸ್ ಅವಧಿಯೊಳಗೆ ಉದ್ಯೋಗಿಯು ಯಾವುದೇ ಕ್ರಮವನ್ನು ತೆಗೆದುಕೊಳ್ಳದಿದ್ದರೆ ಆಗ ಅವರು ಮತ್ತು ಅವರ ಅವಲಂಬಿತರು 60 ದಿನಗಳ ಒಳಗೆ ಅಮೆರಿಕವನ್ನು ತೊರೆಯಬೇಕಾಗಬಹುದು. ಅಥವಾ ಅವರ ಅಧಿಕೃತ ಮಾನ್ಯತೆಯ ಅವಧಿಯು ಕೊನೆಗೊಂಡಾಗ ದೇಶ ಬಿಡಬೇಕಾಗಬಹುದು.
"ಅನೇಕ ಜನರು ಬಿ-1 ಅಥವಾ ಬಿ-2 ಸ್ಟೇಟಸ್ನಲ್ಲಿ ಇದ್ದಾಗ ಹೊಸ ಉದ್ಯೋಗವನ್ನು ಹುಡುಕಬಹುದೇ ಎಂದು ಕೇಳಿದ್ದಾರೆ. ಇದಕ್ಕೆ ಉತ್ತರ, ಹೌದು. ಉದ್ಯೋಗ ಹುಡುಕುವುದು ಅಥವಾ ಸಂದರ್ಶನಕ್ಕೆ ಹಾಜರಾಗುವುದಕ್ಕೆ ಬಿ-1 ಅಥವಾ ಬಿ-2ನಲ್ಲಿ ಅವಕಾಶವಿದೆ,” ಎಂದು ಅಮೆರಿಕದ ಪೌರತ್ವ ಮತ್ತು ವಲಸೆ ಸೇವೆಗಳ ಇಲಾಖೆ ಸ್ಪಷ್ಟನೆ ನೀಡಿದೆ.
ಇದೇ ವೇಳೆ, ಹೊಸ ಉದ್ಯೋಗವನ್ನು ಪ್ರಾರಂಭಿಸುವ ಮೊದಲು ಬಿ-1 ಅಥವಾ ಬಿ-2ನಿಂದ ಉದ್ಯೋಗ ಅಧಿಕೃತ ಸ್ಟೇಟಸ್ಗೆ ಬದಲಾಯಿಸಲು ಸಲ್ಲಿಸಿದ ಮನವಿ ಮತ್ತು ಅರ್ಜಿ ಅನುಮೋದನೆ ಪಡೆದುಕೊಂಡಿರಬೇಕು. ಜತೆಗೆ ಹೊಸ ಸ್ಟೇಟಸ್ ಕಾರ್ಯರೂಪಕ್ಕೆ ಬಂದಿರಬೇಕು ಎಂದು ಇಲಾಖೆ ಹೇಳಿದೆ.
"ಒಂದೊಮ್ಮೆ ಸ್ಟೇಟಸ್ ಬದಲಾವಣೆಯ ವಿನಂತಿಯನ್ನು ನಿರಾಕರಿಸಿದಲ್ಲಿ ವ್ಯಕ್ತಿಯು ಅಮೆರಿಕದಿಂದ ನಿರ್ಗಮಿಸಬೇಕು ಮತ್ತು ಹೊಸ ಉದ್ಯೋಗವನ್ನು ಪ್ರಾರಂಭಿಸುವ ಮೊದಲು ಉದ್ಯೋಗ ಅಧಿಕೃತ ವರ್ಗೀಕರಣದಲ್ಲಿ ಮರು ಪ್ರವೇಶ ಪಡೆಯಬೇಕು,” ಯುಎಸ್ಸಿಐಎಸ್ ತಿಳಿಸಿದೆ.
ಆದರೆ ಗರಿಷ್ಠ 60 ದಿನಗಳ ಗ್ರೇಸ್ ಅವಧಿಯು ಉದ್ಯೋಗ ಕೊನೆಗೊಂಡ ದಿನದಿಂದ ಪ್ರಾರಂಭವಾಗುತ್ತದೆ. ಇದನ್ನು ಸಾಮಾನ್ಯವಾಗಿ ಸಂಬಳ ಅಥವಾ ವೇತನವನ್ನು ಪಾವತಿಸುವ ಕೊನೆಯ ದಿನದ ಆಧಾರದ ಮೇಲೆ ನಿರ್ಧರಿಸಲಾಗುತ್ತದೆ.
ಅಮೆರಿಕಾ ವೀಸಾ ಪಡೆಯಲು ಮೊದಲು ಈ ವಿಷಯಗಳು ತಿಳಿದಿರಬೇಕು?
ವಲಸೆರಹಿತ ಕಾರ್ಮಿಕರ ಉದ್ಯೋಗವನ್ನು ಸ್ವಯಂಪ್ರೇರಣೆಯಿಂದ ಅಥವಾ ಕಂಪನಿಗಳೇ ಕೊನೆಗೊಳಿಸಿದಾಗ, ಅವರು ಸಾಮಾನ್ಯವಾಗಿ ಅಮೆರಿಕದಲ್ಲಿ ಉಳಿಯಲು ಅರ್ಹರಾಗಿದ್ದರೆ ಇದಕ್ಕಾಗಿ ಇರುವ ಹಲವಾರು ಆಯ್ಕೆಗಳಲ್ಲಿ ಒಂದನ್ನು ಬಳಸಿಕೊಳ್ಳಬಹುದು ಎಂದು ಯುಎಸ್ಸಿಐಎಸ್ ಹೇಳಿದೆ.
ವಲಸೆರಹಿತ ಸ್ಟೇಟಸ್ ಬದಲಾವಣೆಗಾಗಿ ಅರ್ಜಿಯನ್ನು ಸಲ್ಲಿಸುವುದು ಇವುಗಳಲ್ಲಿ ಒಂದು. ಸ್ಟೇಟಸ್ ಹೊಂದಾಣಿಕೆಗಾಗಿ ಅರ್ಜಿಯನ್ನು ಸಲ್ಲಿಸಬಹುದು. ಉದ್ಯೋಗದ ಅಧಿಕೃತ ದಾಖಲೆಗಾಗಿ ಅರ್ಜಿಯನ್ನು ಸಲ್ಲಿಸಬಹುದು. ಅಥವಾ ಉದ್ಯೋಗದಾತರನ್ನು ಬದಲಾಯಿಸಲು ಕೂಡ ಅರ್ಜಿ ಗುಜರಾಯಿಸಬಹುದು.
ಇವುಗಳಲ್ಲಿ ಕನಿಷ್ಠ ಒಂದಾದರೂ 60 ದಿನಗಳ ಗ್ರೇಸ್ ಅವಧಿಯ ಒಳಗೆ ಸಂಭವಿಸಿದಲ್ಲಿ ಅಮೆರಿಕದಲ್ಲಿ ವಲಸಿಗರಲ್ಲದವರ ಅಧಿಕೃತ ವಾಸ್ತವ್ಯದ ಅವಧಿಯು 60 ದಿನಗಳನ್ನು ಮೀರಬಹುದು. ಅವರು ತಮ್ಮ ಹಿಂದಿನ ವಲಸೆರಹಿತ ಸ್ಥಿತಿಯನ್ನು ಕಳೆದುಕೊಂಡರೂ ಸಹ ಇದು ಸಾಧ್ಯ ಎಂದು ಯುಎಸ್ಸಿಐಎಸ್ ಹೇಳಿದೆ.
ಗ್ರೇಸ್ ಅವಧಿಯೊಳಗೆ ಉದ್ಯೋಗಿಯು ಯಾವುದೇ ಕ್ರಮವನ್ನು ತೆಗೆದುಕೊಳ್ಳದಿದ್ದರೆ ಆಗ ಅವರು ಮತ್ತು ಅವರ ಅವಲಂಬಿತರು 60 ದಿನಗಳ ಒಳಗೆ ಅಮೆರಿಕವನ್ನು ತೊರೆಯಬೇಕಾಗಬಹುದು. ಅಥವಾ ಅವರ ಅಧಿಕೃತ ಮಾನ್ಯತೆಯ ಅವಧಿಯು ಕೊನೆಗೊಂಡಾಗ ದೇಶ ಬಿಡಬೇಕಾಗಬಹುದು.
"ಅನೇಕ ಜನರು ಬಿ-1 ಅಥವಾ ಬಿ-2 ಸ್ಟೇಟಸ್ನಲ್ಲಿ ಇದ್ದಾಗ ಹೊಸ ಉದ್ಯೋಗವನ್ನು ಹುಡುಕಬಹುದೇ ಎಂದು ಕೇಳಿದ್ದಾರೆ. ಇದಕ್ಕೆ ಉತ್ತರ, ಹೌದು. ಉದ್ಯೋಗ ಹುಡುಕುವುದು ಅಥವಾ ಸಂದರ್ಶನಕ್ಕೆ ಹಾಜರಾಗುವುದಕ್ಕೆ ಬಿ-1 ಅಥವಾ ಬಿ-2ನಲ್ಲಿ ಅವಕಾಶವಿದೆ,” ಎಂದು ಅಮೆರಿಕದ ಪೌರತ್ವ ಮತ್ತು ವಲಸೆ ಸೇವೆಗಳ ಇಲಾಖೆ ಸ್ಪಷ್ಟನೆ ನೀಡಿದೆ.
ಇದೇ ವೇಳೆ, ಹೊಸ ಉದ್ಯೋಗವನ್ನು ಪ್ರಾರಂಭಿಸುವ ಮೊದಲು ಬಿ-1 ಅಥವಾ ಬಿ-2ನಿಂದ ಉದ್ಯೋಗ ಅಧಿಕೃತ ಸ್ಟೇಟಸ್ಗೆ ಬದಲಾಯಿಸಲು ಸಲ್ಲಿಸಿದ ಮನವಿ ಮತ್ತು ಅರ್ಜಿ ಅನುಮೋದನೆ ಪಡೆದುಕೊಂಡಿರಬೇಕು. ಜತೆಗೆ ಹೊಸ ಸ್ಟೇಟಸ್ ಕಾರ್ಯರೂಪಕ್ಕೆ ಬಂದಿರಬೇಕು ಎಂದು ಇಲಾಖೆ ಹೇಳಿದೆ.
"ಒಂದೊಮ್ಮೆ ಸ್ಟೇಟಸ್ ಬದಲಾವಣೆಯ ವಿನಂತಿಯನ್ನು ನಿರಾಕರಿಸಿದಲ್ಲಿ ವ್ಯಕ್ತಿಯು ಅಮೆರಿಕದಿಂದ ನಿರ್ಗಮಿಸಬೇಕು ಮತ್ತು ಹೊಸ ಉದ್ಯೋಗವನ್ನು ಪ್ರಾರಂಭಿಸುವ ಮೊದಲು ಉದ್ಯೋಗ ಅಧಿಕೃತ ವರ್ಗೀಕರಣದಲ್ಲಿ ಮರು ಪ್ರವೇಶ ಪಡೆಯಬೇಕು,” ಯುಎಸ್ಸಿಐಎಸ್ ತಿಳಿಸಿದೆ.