ಕೊರೊನಾ ಕಾಲದಲ್ಲೂ 200 ಬಿಲಿಯನ್‌ ಡಾಲರ್‌ ಗಳಿಸಿದ ವಿಶ್ವದ ಮೊದಲ ವ್ಯಕ್ತಿ ಜೆಫ್‌ ಬೆಜೋಸ್‌!

ನವದೆಹಲಿ: ಕೊರೊನಾ ವೈರಸ್‌ನಿಂದಾಗಿ ಎಲ್ಲ ರಾಷ್ಟ್ರಗಳ ಆರ್ಥಿಕತೆಯೂ ಕುಸಿಯುತ್ತಿದೆ. ಬಹುತೇಕ ಕಂಪನಿಗಳು ನಷ್ಟ ಅನುಭವಿಸುತ್ತಿವೆ. ಆದರೆ, ಇಲ್ಲೊಬ್ಬರು ಈ ಪರಿಸ್ಥಿತಿಯನ್ನೇ ಅನುಕೂಲ ಮಾಡಿಕೊಂಡು ವಿಶ್ವದ ಕುಬೇರ ಎನಿಸಿದ್ದಾರೆ.

ಯಾರಿರಬಹುದು ಎಂದು ಯೋಚಿಸುತ್ತಿದ್ದೀರೇ? ಬಹುತೇಕ ಎಲ್ಲ ಮೊಬೈಲ್‌ಗಳಲ್ಲೂ ಈ ಆಪ್‌ ಇರುತ್ತದೆ. ಯಾವುದೇ ವಸ್ತು ಬೇಕೆಂದಾಗ ಬೆರಳ ತುದಿಯಲ್ಲಿ ಆರ್ಡರ್‌ ಮಾಡಿ ತರಿಸಿಕೊಳ್ಳುತ್ತೇವೆ. ಅದೇ 'ಅಮೆಜಾನ್' ಕಂಪನಿಯ ಒಡೆಯ ಜೆಫ್‌ ಬಿಜೋಸ್ ಅವರು ಕೊರೊನಾ ಸೋಂಕಿನ ಕಾಲದಲ್ಲಿ ತಮ್ಮ ಆದಾಯವನ್ನು ಹಲವು ಪಟ್ಟು ಹೆಚ್ಚಿಸಿಕೊಂಡಿದ್ದಾರೆ.

ಇದೇ ಅವಧಿಯಲ್ಲಿ ಇನ್ನಷ್ಟು, ಮತ್ತಷ್ಟು ಪ್ರಯೋಜನ ಪಡೆದುಕೊಂಡು ತಮ್ಮ ಸಂಪತ್ತನ್ನು ವಿಸ್ತರಿಸಿಕೊಂಡಿದ್ದಾರೆ. ಅವರ ಗಳಿಕೆಯು ಪ್ರಮಾಣ 3-4 ಪಟ್ಟು ಹೆಚ್ಚಿದ್ದು, 200 ಬಿಲಿನ್‌ ಡಾಲರ್‌ ಗಳಿಸಿದ ವಿಶ್ವದ ಮೊದಲ ಸಿರಿವಂತ ಎನಿಸಿದ್ದಾರೆ.

ಬ್ಯಾಂಕ್‌ಗಳಲ್ಲಿ ನಡೆಯುತ್ತಿದೆ ಬ್ರಹ್ಮಾಂಡ ಭ್ರಷ್ಟಾಚಾರ: ಕಳೆದ ವರ್ಷ ಶೇ.28 ಏರಿಕೆ- ಆರ್‌ಬಿಐ

ಆಗಸ್ಟ್ 26 ರವರೆಗೆ ಇವರು 200 ಬಿಲಿಯನ್ ಡಾಲರ್ ನಿವ್ವಳ ಮೌಲ್ಯ ಗಳಿಸಿದ ವಿಶ್ವದ ಮೊದಲ ವ್ಯಕ್ತಿ ಎನಿಸಿಕೊಂಡಿದ್ದಾರೆ.
ಭಾರತೀಯ ರೂಪಾಯಿಗಳಲ್ಲಿ ಇದನ್ನು ಹೇಳುವುದಾದರೆ, ಸುಮಾರು 15 ಲಕ್ಷ ಕೋಟಿ ರೂಪಾಯಿ. (ಒಂದು ಬಿಲಿಯನ್ ಡಾಲರ್ ಎಂದರೆ ಸುಮಾರು ಏಳೂವರೆ ಸಾವಿರ ಕೋಟಿ ರೂ.).

1995ರಲ್ಲಿ ಅಮೆಜಾನ್ ಸಂಸ್ಥೆಯನ್ನು ಹುಟ್ಟುಹಾಕಿದ ಜೆಫ್ ಬೆಜೋಸ್‌, ಅಲ್ಪ ಅವಧಿಯಲ್ಲಿ ವಿಶ್ವದ ನಂ.1 ಸಿರಿವಂತ ಎನಿಸಿಕೊಂಡಿದ್ದಾರೆ. ಈ ಮೂಲಕ ಇತಿಹಾಸದಲ್ಲೇ ಮೊದಲ ಬಾರಿಗೆ 200 ಬಿಲಿಯನ್ ಡಾಲರ್ಗೂ ಹೆಚ್ಚು ಸಂಪತ್ತು ಗಳಿಸಿದ ಮೊದಲ ವ್ಯಕ್ತಿ ಎನಿಸಿಕೊಡಿದ್ದಾರೆ.

ಕರೊನಾವೈರಸ್‌ನಿಂದಾಗಿ ಅಮೆರಿಕ ತತ್ತರಿಸಿ ಹೋಗಿದ್ದರೂ, ಇ-ಕಾಮರ್ಸ್ ಷೇರುಗಳು ಗಗನಮುಖಿಯಾಗಿ ಬೆಳೆದಿವೆ. ಆಗಸ್ಟ್ 26ರಂದು, ಅಮೆಜಾನ್‌ನ ಪ್ರತಿ ಷೇರಿಗೆ ಶೇ. 2.3ರಷ್ಟು ಏರಿಕೆಯಾಗಿ. 3,423 ಡಾಲರ್‌ಗೆ ತಲುಪಿದೆ, ಈ ಪ್ರಕ್ರಿಯೆಯಲ್ಲಿ ಜೆಫ್ ಬೆಜೋಸ್‌ ಸಂಪತ್ತು 200 ಬಿಲಿಯನ್ ನಿವ್ವಳ ಮೌಲ್ಯವನ್ನು ತಲುಪಿದೆ.

ರಕ್ಷಣಾ ವಲಯದಲ್ಲಿ ಶೇ.74 ಎಫ್‌ಡಿಐಗೆ ಅನುಮತಿ ನೀಡಿದ ಕೇಂದ್ರ ಸರಕಾರ!

ಫೋರ್ಬ್ಸ್ ವರದಿಯ ಪ್ರಕಾರ, ವಿಶ್ವದ ಎರಡನೇ ಅತ್ಯಂತ ಶ್ರೀಮಂತ ವ್ಯಕ್ತಿ ಬಿಲ್‌ಗೇಟ್ಸ್‌ಗಿಂತ , 90 ಬಿಲಿಯನ್ ಡಾಲರ್ ಹೆಚ್ಚಿನ ಶ್ರೀಮಂತರಾಗಿದ್ದಾರೆ. ಬಿಲ್‌ಗೇಟ್ಸ್‌ ಪ್ರಸ್ತುತ 116.1 ಬಿಲಿಯನ್ ಡಾಲರ್ ಮೌಲ್ಯದ ಸಂಪತ್ತನ್ನು ಹೊಂದಿದ್ದಾರೆ.

ಜೆಫ್ ಬೆಜೋಸ್‌ ಅವರ ಬಗ್ಗೆ ಇನ್ನೂ ಒಂದು ಕುತೂಹಲವಿದೆ. ಅದೇನೆಂದರೆ ಇವರ ಪತ್ನಿ ಮೆಕಂಜಿ ಸ್ಕಾಟ್ ಇತ್ತೀಚೆಗೆ ವಿಚ್ಛೇದನ ಪಡೆದರು. ಆಗ ಜೆಫ್ ಬೆಜೋಸ್‌ ತಮ್ಮ ಸಂಪತ್ತಿನ ಶೇಕಡಾ 25ರಷ್ಟನ್ನು ಪತ್ನಿಗೆ ಜೀವನಾಂಶವಾಗಿ ನೀಡಿದರು.

ಜೀವನಾಂಶ ಪಡೆದ ಮೇಲೆ ಇದೀಗ ಮೆಕಂಜಿ ಅವರು ವಿಶ್ವದ 14ನೇ ಅತಿ ಶ್ರೀಮಂತ ವ್ಯಕ್ತಿ ಹಾಗೂ ಎರಡನೇ ಅತಿ ಸಿರಿವಂತ ಮಹಿಳೆ ಎನಿಸಿಕೊಂಡಿದ್ದಾರೆ!

ವಿಶ್ವದ ಟಾಪ್‌ 5 ಸಿರಿವಂತರು:

• ಜೆಫ್ ಬೆಜೋಸ್‌ (56 ವರ್ಷ): 205 ಬಿಲಿಯನ್‌ ಡಾಲರ್
• ಬಿಲ್‌ ಗೇಟ್ಸ್‌ (65 ವರ್ಷ): 116.2 ಬಿಲಿಯನ್‌ ಡಾಲರ್‌
• ಬರ್ನಾರ್ಡ್‌ ಆರ್ನಾಲ್ಟ್‌ ಮತ್ತು ಕುಟುಂಬ (71 ವರ್ಷ): 114.3 ಬಿಲಿಯನ್‌ ಡಾಲರ್‌
• ಮಾರ್ಕ್‌ ಝುಕರ್‌ಬರ್ಗ್‌ (36 ವರ್ಷ) :115.5 ಬಿಲಿಯನ್‌ ಡಾಲರ್‌
• ಎಲನ್‌ ಮಸ್ಕ್‌ (49 ವರ್ಷ): 95.5 ಬಿಲಿಯನ್‌ ಡಾಲರ್‌