ಅಮೆಜಾನ್‌ನಿಂದ 10 ಲಕ್ಷ ಉದ್ಯೋಗ ಸೃಷ್ಟಿ ಭರವಸೆ

ಹೊಸದಿಲ್ಲಿ: ಅಮೆಜಾನ್‌ ಭಾರತದಲ್ಲಿ ಮುಂದಿನ 5 ವರ್ಷಗಳಲ್ಲಿ 10 ಲಕ್ಷ ಹೊಸ ಉದ್ಯೋಗಗಳನ್ನು ಸೃಷ್ಟಿಸಲಿದೆ ಎಂದು ಕಂಪನಿಯ ಸಿಇಒ ಜೆಫ್‌ ಬಿಜೋಸ್‌ ಶುಕ್ರವಾರ ತಿಳಿಸಿದ್ದಾರೆ.

ಐಟಿ, ಸ್ಕಿಲ್‌ ಡೆವಲಪ್‌ಮೆಂಟ್‌, ಕಂಟೆಂಟ್‌ ಕ್ರಿಯೇಶನ್‌, ರಿಟೇಲ್‌, ಲಾಜಿಸ್ಟಿಕ್ಸ್‌ ಮತ್ತು ಉತ್ಪಾದನಾ ವಲಯದಲ್ಲಿ ಹೂಡಿಕೆಯ ಮೂಲಕ ನೇರ ಹಾಗೂ ಪರೋಕ್ಷ ಉದ್ಯೋಗಗಳನ್ನು ಅಮೆಜಾನ್‌ ಸೃಷ್ಟಿಸಲಿದೆ ಎಂದು ತಿಳಿಸಿದ್ದಾರೆ. ಒಟ್ಟು 7,000 ಕೋಟಿ ರೂ.ಗಳನ್ನು ಹೂಡಿಕೆ ಮಾಡಲಾಗುವುದು ಎಂದು ಅವರು ವಿವರಿಸಿದ್ದಾರೆ. ಸಣ್ಣ ಮತ್ತು ಮಧ್ಯಮ ವಲಯದ ಉದ್ದಿಮೆಗಳಿಗೆ ಆನ್‌ಲೈನ್‌ ವಹಿವಾಟು ನಡೆಸಲು ಅಮೆಜಾನ್‌ ವೇದಿಕೆ ಕಲ್ಪಿಸಲಿದೆ ಎಂದಿದ್ದಾರೆ.

ಅಮೆಜಾನ್‌ ಹೂಡಿಕೆಯಿಂದ ಸಣ್ಣ ಉದ್ದಿಮೆ, ವ್ಯಾಪಾರಗಳಿಗೆ ವಹಿವಾಟು ಹೆಚ್ಚಿಸಲು ಅನುಕೂಲವಾಗಲಿದೆ. ಜತೆಗೆ ಸಾಫ್ಟ್‌ವೇರ್‌ ಡೆವಲಪ್‌ಮೆಂಟ್‌, ಕ್ಲೌಡ್‌ ಕಂಪ್ಯೂಟಿಂಗ್‌ ವಲಯದಲ್ಲೂ ಉದ್ಯೋಗ ಸೃಷ್ಟಿಯಾಗಲಿದೆ ಎಂದು ಕಂಪನಿ ತಿಳಿಸಿದೆ.

ಈ ನಡುವೆ ರಿಟೇಲ್‌ ವರ್ತಕರು ಬಿಜೋಸ್‌ ಭೇಟಿ ವಿರೋಧಿಸಿ ಪ್ರತಿಭಟಿಸಿದ್ದಾರೆ. ಪ್ರಧಾನಿ ಭೇಟಿಗೆ ಜೆಫ್‌ ಬಿಜೋಸ್‌ ಅವಕಾಶ ಕೇಳಿದ್ದರೂ ಸಾಧ್ಯವಾಗಿಲ್ಲ.

Amazon: ಭಾರತದಲ್ಲಿ 7,000 ಕೋಟಿ ರೂ. ಹೂಡಿಕೆ

ಪಿಯೂಷ್‌ ಯೂಟರ್ನ್‌: ಅಮೆಜಾನ್‌ 7,000 ಕೋಟಿ ರೂ. ಹೂಡಿಕೆಯಿಂದ ಭಾರತಕ್ಕೆ ಫೇವರ್‌ ಆಗಿ ಏನೂ ಮಾಡುತ್ತಿಲ್ಲ. ಬಹುಶಃ ನಷ್ಟವನ್ನು ನಿಭಾಯಿಸಲು ಹೂಡಿಕೆ ಮಾಡುತ್ತಿರಬಹುದು ಎಂದು ಅಮೆಜಾನ್‌ ಅನ್ನು ಟೀಕಿಸಿದ್ದ ವಾಣಿಜ್ಯ ಸಚಿವ ಪಿಯೂಷ್‌ ಗೋಯಲ್‌ ಶುಕ್ರವಾರ ತೆಗೆದುಕೊಂಡಿದ್ದು, ಎಲ್ಲ ರೀತಿಯ ಸಮರ್ಪಕ ಹೂಡಿಕೆಗಳನ್ನು ಸರಕಾರ ಸ್ವಾಗತಿಸಲಿದೆ. ಆದರೆ ವ್ಯವಹಾರ ಕಾನೂನುಬದ್ಧ ಚೌಕಟ್ಟಿನಲ್ಲಿರಬೇಕು. ಇ-ಕಾಮರ್ಸ್‌ ವಹಿವಾಟುಗಳು ಸಣ್ಣ ಉದ್ದಿಮೆಗೆ ಧಕ್ಕೆ ತರಬಾರದು ಎಂದು ಹೇಳಿದ್ದಾರೆ.

ಅಮೆಜಾನ್‌ ವಿರುದ್ಧ ಆರೋಪ ಏನು?
ಅಮೆಜಾನ್‌ ಮತ್ತು ಫ್ಲಿಪ್‌ಕಾರ್ಟ್‌ ತಮ್ಮ ನಷ್ಟವನ್ನು ಭರಿಸುವ ಸಲುವಾಗಿ ಮಾತ್ರ ವಿದೇಶಿ ನೇರ ಬಂಡವಾಳ ಹೂಡಿಕೆ ಮಾಡುತ್ತಿವೆ. ಭಾರಿ ಡಿಸ್ಕೌಂಟ್‌ಗಳನ್ನು ನೀಡುವ ಪರಿಣಾಮ ಅವುಗಳಿಗೆ ನಷ್ಟವಾಗುತ್ತಿದ್ದು, ಇದನ್ನು ಭರಿಸಲು ಹೂಡಿಕೆ ಮಾಡುತ್ತವೆ. ಇದು ಸರಿಯಲ್ಲ ಎಂದು ಕಾನ್ಫಡರೇಷನ್‌ ಆಫ್‌ ಆಲ್‌ ಇಂಡಿಯಾ ಟ್ರೇಡರ್ಸ್ (ಸಿಎಐಟಿ) ಆರೋಪಿಸಿದೆ. ಆದರೆ ಇ-ಕಾಮರ್ಸ್‌ ಕಂಪನಿಗಳು ಇದನ್ನು ನಿರಾಕರಿಸಿವೆ.

Interview Tips: ಅಮೆಜಾನ್ ಹಿಂದಿನ ಉದ್ಯೋಗ ಸಂದರ್ಶನದಲ್ಲಿ ಕೇಳಿದ ಪ್ರಶ್ನೆಗಳ ಸಂಗ್ರಹ ಇಲ್ಲಿದೆ