ಫ್ಲಿಪ್‌ ಕಾರ್ಟ್‌ ಖರೀದಿಗೆ ಮುಂದಾಗಿರುವ ಅಮೆಜಾನ್‌

ಹೊಸದಿಲ್ಲಿ: ಇ-ಕಾಮರ್ಸ್‌ ಕ್ಷೇತ್ರದಲ್ಲಿ ಅತ್ಯಂತ ಪ್ರಮುಖ ಸಂಸ್ಥೆಯಾಗಿರುವ ಅಮೆಜಾನ್‌ ಈಗ ಭಾರತದ ಇ-ಕಾಮರ್ಸ್‌ ಕಂಪನಿ ಖರೀದಿಗೆ ಮುಂದಾಗಿದೆ.

ಬೆಂಗಳೂರು ಮೂಲದ ಫ್ಲಿಪ್‌ಕಾರ್ಟ್‌ ಖರೀದಿಸಲು ಅಮೆಜಾನ್‌ ಸಿದ್ಧತೆ ನಡೆಸಿದೆ ಎಂದು ವರದಿಗಳು ತಿಳಿಸಿವೆ.

ಅಮೆಜಾನ್‌ಗೆ ಭಾರಿ ಪೈಪೋಟಿ ನೀಡಿರುವ ಸಂಸ್ಥೆಗಳಲ್ಲಿ ಫ್ಲಿಪ್‌ಕಾರ್ಟ್‌ ಕೂಡ ಒಂದು. ಫ್ಲಿಪ್‌ಕಾರ್ಟ್‌ ಖರೀದಿಗೆ ವಾಲ್‌ಮಾರ್ಟ್‌ ಈಗಾಗಲೇ ಒಂದು ಸುತ್ತಿನ ಮಾತುಕತೆ ನಡೆಸಿದೆ.

ಅಮೆಜಾನ್‌ ಸಂಸ್ಥೆ ಫ್ಲಿಪ್‌ಕಾರ್ಟ್‌ ಖರೀದಿಸುವ ಸಾಧ್ಯತೆ ಸಾಕಷ್ಟು ಕಡಿಮೆ ಇದೆ. ವಾಲ್‌ಮಾರ್ಟ್‌ಗೆ ಈ ಡೀಲ್‌ ಕುದುರಬಹುದು. ಒಂದು ವೇಳೆ ಅಮೆಜಾನ್‌ ಸಂಸ್ಥೆ ಫ್ಲಿಪ್‌ಕಾರ್ಟ್‌ ಖರೀದಿಸಿದರೆ ಬಹುತೇಕ ಏಕಸ್ವಾಮ್ಯವಾಗಬಹುದು. ಏಕೆಂದರೆ ಅಮೆಜಾನ್‌ ಮತ್ತು ಫ್ಲಿಪ್‌ಕಾರ್ಟ್‌ ಇ-ಕಾಮರ್ಸ್‌ನಲ್ಲಿ ಪ್ರಮುಖ ಸಂಸ್ಥೆಗಳಾಗಿವೆ ಎಂದು ಈ ಡೀಲ್‌ ಬಗ್ಗೆ ಮಾಹಿತಿ ಹೊಂದಿದವರೊಬ್ಬರು ಮಾಹಿತಿ ನೀಡಿದ್ದಾರೆ.

ವಾಲ್‌ ಮಾರ್ಟ್‌ ಈಗ ಫ್ಲಿಪ್‌ಕಾರ್ಟ್‌ನ ಕೆಲವು ಷೇರುಗಳನ್ನು ಖರೀದಿಸಲು ಮಾತುಕತೆ ನಡೆಸಿದೆ ಎನ್ನಲಾಗಿದೆ.

ಈ ವರದಿಗಳ ಬಗ್ಗೆ ಯಾವುದೇ ಮಾಹಿತಿ ನೀಡಲು ಅಮೆಜಾನ್‌ ನಿರಾಕರಿಸಿದೆ.

ಈಗಾಗಲೇ ಆನ್‌ಲೈನ್‌ ಮಾರುಕಟ್ಟೆಯಲ್ಲಿ ನಂಬರ್‌ 1 ಪಟ್ಟಕ್ಕೇರಲು ಸಜ್ಜಾಗಿರುವ ಅಮೆಜಾನ್‌ ಮುಂದಿನ ದಿನಗಳಲ್ಲಿ ಭಾರತದಲ್ಲಿ ಐದು ಬಿಲಿಯನ್‌ ಅಮೆರಿಕನ್‌ ಡಾಲರ್‌ ಬಂಡವಾಳ ಹೂಡಲು ತಯಾರಿ ನಡೆಸಿದೆ.

ಅಮೆಜಾನ್‌ನ ಮಾಜಿ ಉದ್ಯೋಗಿಗಳಾದ ಸಚಿನ್‌ ಬನ್ಸಲ್‌ ಮತ್ತು ಬಿನ್ನಿ ಬನ್ಸಲ್‌ ಫ್ಲಿಪ್‌ಕಾರ್ಟ್‌ ಅನ್ನು 2007ರಲ್ಲಿ ಆರಂಭಿಸಿದರು.

ಫ್ಲಿಪ್‌ಕಾರ್ಟ್‌ಗೆ ಹಲವಾರು ಅಮೆರಿಕನ್ ಕಂಪನಿಗಳು ಬಂಡವಾಳ ಹೂಡಿವೆ ಎಂದು ಹೇಳಲಾಗಿದೆ.